القصة: حفيدة الٓدليم
الكاتبة: Farah_ Moayad
قࢪاءة ممتعة للجميع
في محافظة
الرمادي / فصل الشتاء
الساعه (11:00)
نتمشئ ونضحك باصوات عالية وكفت مقابيل شجرة البرتقال جانت عباره عن اوراق يابسة وبيها جم برتقاله بعض منهن منهوشة
لان الطيور ماكله منها قطفت وحدة بايدي واني اضحك قطفتها ونداريت عليه باوعلي بوجه بشوش وابتسامة تارسة ملامح وجه الحلوة
بابا دحج البرتقاله
_ اي بنيتي
هاي ألي وألك
_ هههه أي
شوفها نظيفة وماماڪلتها الطيـور
_ أي وهاي وحده هم نظيفة
بابا عالية
هسه احوشها ألج
_شلون مو عالية؟!
بنيتي مو اني طويل مو مثلج قزم هههه
_ههههه
بقيت لازمة البرتقاله واكفه اباوع لابوي تقرب ؏ شجرة البرتقال وقطف البرتقاله واني فـرحانة بل برتقال قطفها وجابها الي
_ هاج بنيتي وهاي صارن أثنين
_اي بابا هههه
اخذتها من ايده بسـرعه وخليتهن بل عــلاڪه اخذهن مني وبـقئ شايلهن بايديه الاثنين ڪل ايد شايله وحدة طلعنا من البستان صادفنا صهيب ابن عمي الغثة
صهيب: هلاا عمي شلونك
ابو ميامين: هلا صهيب هلا
صهيب: جايب برتقال؟
ميامين: وأنتَ شعليك
ابو ميامين: ميامين بابا عيب ابن عمج
ميامين: أيععع يول واذا ابن عمي
صهيب: لزمي السانج ولج
ميامين: وشࢪاح تسوي عيني؟
ابو ميامين: ڪافي يلا امشي للبيت
مشينة وماتحملت التفتت وره ضهري، واشوفه يخـزر بيه ويسويلي بايده حركه اصبريلي عيبت عليه بالساني ومشيت ويه ابوي حبيب ڪلبي
المهم وصلنا للبيت واخذت البرتقال من ابوي وخليتهن بل صينية صغيرة وجبت السجين واجيت يمه وهو اخذ السجين وكام
يقطع ويوكلني وأني اكل واضحك أجت امي من بره شايله سطل ماي بايده
ابو ميامين: الله يساعدج يامره
أم ميامين: ناس مرتاحه وناس وجعانه
ابو ميامين: استغفر أللّه واتوب أليه
ام ميامين: هههههه
ابو ميامين: بنيتي أني طالع تالي الليل يلا ارجع
ميامين: وين!
ابو ميامين: مكان لا يضل بالج
ميامين: ماشي بابا
راح ابوي وأجت امي دخلت خلت وكعدت منزعجة وتباوعلي وتخزر
ام ميامين: كملي البرتقال مالتج
ميامين: ما أريد
ام ميامين: شكلتي؟
ميامين هيج أكلج صدك ماما
ام ميامين: وجع ينام يڪلبج وبـكلب أبوج
ميامين: اهـووو ماما شبلاج يول
ام ميامين: من أكول اخلي راسج بالصينية ادبسززز
خليت وسكتت شلت الصينية ورحت للمطبخ خليت البرتقال الي بقئ بالثلاجه، غسلت الصينية من الماي لامي ناكلته من النهر لأن الماي مقطوع
دخلت وراي وكالت …
ام ميامين: كلي الابوج مشتاقة البيبي ودني الها
ميامين: هااا
ام ميامين: وجعااا بڪلبج سوي الكتلج عليه واذا ما سويتي ياويلج مني ميامين والله اشوي ؏ اذاناتج بصل افتهمتي لو لا
ميامين: أي ماما
ام ميامين: وجعي ماتجين ألا بالعين الحمرة مثل أبوج
خلت وطلعت امي قاسية كلش وياي ومرات حنونة كلش ما اعرف شنو فلمها ساعة حنونة وساعة قاسية وأقسى من الحجر
المهم صار الليل وصبت امي عشة لنا وأكلنا وكمت غسلت الماعين وصبيت جاي لها وغسلت الكلاص
وبوقتها ڪاعده تخابر امها……
ام ميامين: والله يايمة مشلو؏ كلب بنتج تعالي خلصيني ما أڪدر أعيش بعد بديالى أريد اهلي اريد عيشتي اريد طبتي وطلعتي وڪشختي مو هـنا ڪاتلني الوسخ والضيم والعـرك يطافر فوكي وأني نايمة ….....
.
.
.
.
.
.
.
يـتبع …
قراءة ممتعة للجميع
أستودعڪم أللّه.
أنت تقرأ
حفيدة الٓدليم
General Fictionفتاة جميلة ذو عينين نرجسيتين في بعض الأحيان تكون قويه وصلبه كـالصخر وفي بعض الاحيان رقيقه لدرجه تحس شعرها يجرح خدها هاذهِ هي بطلتُنا.
