برائة وجشع

البارت الثاني

#الكاتبة_حوراء_الحسيناوي

#رواية_برائة_وجشع
#البارت_2

تعليق حلو مثل وجهجن الحلو+ دوسن ؏ النجمة+ مشاركة

~~~~~~~~~~~~~~~~~

شذى:- للمغرب ومانحس الا البيت انترس زلم كلها مسلحة ملثمين وبيهم واحد جبير ما ملثم بيده لاسلكي ويفر بأيده على البيت ويحجي

- فتشو

غسان وكف كدام واحد
- شكو يمعودين شصاير شلون تفوتون لبيت بي زلم

الي بيده لاسلكي حجه بهدوء
- وينهم الزلم ماجاي اشوفهم، ودفعه من كتفه وفات للغرف يدفر بالبيبان

سمعت واحد صاح من غرفة ابوي
- تم سيدي

راحله يركض وكلهم لحكو، غسان باوعلي وباوع لسجى
- أن طلعت الجن ايد بالسالفة وروح امي ادفنجن هنا

سجى:- عليكفك عيني هوَ منو طالع من البيت

امي حجت بهدوء
- الموت اليكرفه ويكرف امثاله

غسان:- يمااا لخاطر شذى ساكت

شذى:- احترم نفسك واحجي عدل وي امي هاي عود انتَ الجبير

مادري ليش غسان يحجي وي امي هيج ومادري ليش امي ادعي على ابوي كلشي مافاهمه بس اباوع بعيوني واليحاجي امي ادافعلها وغيره ماعرف

طلعوا لازمين ابوي ثنين واحد منا و واحد منا وهوَ بالنص مغمض عيونة ورايحه روحه ركضلهم غسان

- ترا ماصايره تاخذون زلمة شطولة علمود شرب دروحو شوفو الاكبر منه لو ما كادرين بس على الفقير

حجه جبيرهم
- لو ع الشرب كلنه ميخالف بابا لا تحجي حجي ماتعرفه خوش وليدي

- شقصدك شنو ماعرفه

- ابوك يبلع وردي مثل وجوهكم الحلوة وضامهن بالبيت مالكم احنه نأدي واجبنه كـ شرفاء حتى نصفي العراق من هيج زبايل مثل ابوك وامثاله، ويلا اتحزحز خل نشوف شغلنه

غسان ضل فاتح حلكه اخذو ابوي وطلعو والكل ضل ساكت، ثواني وركض لغرفته اخذ محفضته وتلفونه ولحكهم

سجى:- شمدريهم بعمي يبلع لازم واحد مبلغ عليهم

شذى:- من كالت سجى هيج اني كبل ربطت عندي الفيشه وعرفت الصيدلاني الرحتله الصبح هوَ الي مبلغ على ابوي بس وين يندل بيتنا!! وياترا السويته صح لو لا بس هوَ يبقى ابوي

مرن يومين وماكو خبر وغسان ياكل ويطلع بدون مايرد علينه

البيت هل ايام هدوء بشكل قوي، وسجى كل الوقت بغرفتها واني مكابله امي وكاعده اقره

العصر جاي اقره وفات ابوي.......

انصدمت وجمدت بمكاني حسيت روحي شفت شبح مو ابوي النفس ضاگ عليه كلت هسه يكتلني لو يعرف اني الفضحته احس رجليه انشلن ولا كمت ولا سلمت عليه كأنما جان طالع وراجع للبيت واني الفاهيه مادري بهاي ردة فعلي خليته يشك بيه