يا غلطة ظلم باكت لذة العشرين

بارت ٣٣

السلام عليكم
*********

# بقلم/ الكاتبه - سانسا
****************
ضحى يشم أبشعري واني ماأمصدكه هذا همام
نفسه بقه حاظني
همام عفيه وخر

همام - ولج ميت عليج اني صارلي أشهر مامرتاح
وهسه أرتاحيت أبشوفتج من رجعتي فرحتيني
وأني أعرف راح ترجعيلي أبنيت كلبي

: يااا هذا همام لو أمغيرين الفرمته
وكلت أبكلبي أنوب وبيها أبنيتي
واذا ماراجعه أني شسوي

همام - ما أطلكج منا لمن ترجعيلي واثق ترجعيلي

:بس أني الخاطر جدو رجعت

همام - اي الخاطر جدو كلتي لعد أني شنو

: ودارني ورجعني عل كنتور وضل يباوع بعيوني وعبالك هايم اول مره اشوفه هيج نضراته أليه
ودنكت راسي ماعندي جواب كل تفكيري رجعت
الخاطر جدو وأخذني ولزم أيدي ومشينه للجربايه كعدني وكعد يمي وبعده لازم أيدي

همام - ضحى اني أعترف غلطت أبحقج وأذيتج
وانتي متستاهلين كل هذا

: ردت احجي خله ايده على شفايفي

همام - واني والله ندمان لأن ماسمعتج ولا خليتج
تحجيلي شي أني من أصير عصبي افقد ما أعرف
شنو أصرف بس والله من غيرتي عليج ماأتحملت
وضربتج اني عرفت الحقيقه وادم يجذب عليه واني صدكته وماصدكتج

: اي ومن عرفت الحقيقه يلله ردت أترجعني
لأن ماعندك ثقه بيه أله ثبتت برائتي يلله ردتني

همام - اني صدك ردت الطلاك بس ورى اسبوع
خابرني مصطفى ابن عمج وكال

مصطفى - أدم يجذب عليك ماكو شي بين ادم
وضحى

همام- اني ماصدكته كال

مصطفى - راح ادزلك تسجيل ادم البارحه كاعد
يمنه وشارب وضل يحجي ميدري أبنفسه وسجلته
وراح ادزلك التسجيل علمود تتأكد

همام - تمام دزه ودزلي تسجيل وآدم مو أبوعيه
يحجي

أدم -  اني احبها الضحى أعشقها عشق ماأكدر
اشوفها ويه غيري لو أتصير لي لو متصير الغيري
وكل هذا حبي ألها وماحبتني ليش ضحى ليش
والله اموت عليج حسي بيه اني ضليت اجذب
على همام علمود ميتقربلها ويطلكها وترجعلي
وأخذها

همام - ومن سمعت تسجيل عرفت الحقيقه انتي
مالج ذنب واني من وكتها اريدج بس ترجعيلي
وانتي رافضه متقبلين بس اني اخذت عهد على
نفسي ارجعج ارجعج لو أشميصير اعرف أني
غلطان بس اي انسان يغلط واني هسه وطالب
منج فرصه ثانيه نبدي من اول وجديد شتكولين

: صدمني أبكلامه هوه يحجي وأني أبجي
ادموعي تنزل
يعني لو مصطفى ماسمعك التسجيل انته راح
اتضل راسم فكره عليه موزينه ومترجعني بس
أله أتئكدت من مصطفى يلله صدكت بيه بريئه
من هذا التهم
وهسه يعني شتريد مني أنسه كولشي أنسه تهمك
والشك والضرب والأهانه تعرف انته أبدخولك
أبحياتي أني أتدمرت نفسيآ وجسديآ تعرف
أبهذا الشي زين تعرف أخر شي شنو سويت
بيه انته حطمتني تعرف أنته من ضربتني شنو
سويت