لكيت فاطمة واكعه بالارض وراسها كله دم ومراية الغرفه مكسوره اني هنا بس شفت هذا المنظر صرت ابجي اي والله اني شسويت؟ زوجتي انتحرت بسببي؟ معقوله؟ يارب اني بحلم لهدرجه جانت تحبني؟ لو يمكن متحملت الصدمه ياربي شسويت
فاطمة.... فاطمة تسمعيني... فاطمة ارجعي والله ماعوفج بعد......
اتصلت ع الاسعاف واجوي اخذوها واجوي الشرطه حققوا وياي وكلت الهم اجيت للبيت لكيت الباب مقفول كسرته شفت هذا المنظر واني م لزمتها حته م تصير بصمات عليها ويكولون انته الكتلتها ومراية الغرفه مكسوره يعني واضحه هيه الي انتحرت
المهم عمي من سمع بخبر انتحار بنته فاطمة سوه ويانه مشكله كلي اكيد انته حجيت شي وأثر بيها والا شنو سبب الانتحار؟
طبعا عمي قطع علاقته ويانه
المهم رجعت لبيتنا وكعدت بغرفتي م طلعت منها ابد مصدوم اني السبب بموت انسان انسااننن مات بسببي والله لو ادري هذا الي حيصير ماحجي اي شي المهم اجوي طبعا اقاربنا يعزونا واجوي بيت ابو رهف واجتي رهف يعني صار البيت هوسه مو طبيعيه ولا نزلت وولا سلمت ماريد اشوف اي احد وجنت م اكل ولا اشرب ولا اسوي اي شي بس كاعد بالغرفه وصافن
هسه الله شراح يسوي بيه؟ اني سبب موت زوجتي....
وجان اسمع باب الغرفه يندك كلت اكيد هاي امي تحاول وياي انزل واغير جو للمره المليون فتحت الباب لكيت رهف كدامي
كالت: اسفه امير...... اني سبب موت زوجتك
كلت: تفضلي
دخلت للغرفه كعدنه
وكالت: اكيد كلتلها عليه صح؟ وهيه انصدمت و متحملت
كالت: اني السبب والله العظيم اني السبب لو كلشي مكلت الك جان هسه انتو عايشين ومرتاحين بس اني اجيت وخربت حياتكم
وصارت تبجي
كالت: بالله عليك سامحني
كلتلها: اول م كلتلها ضلت تصيح وتبجي وكالت يعني جنت تكضي وقت بيه وهسه اجيت تكلي ع هاي حبيبتك بعد م تعلقت بيك وحبيتك وراحت للغرفه وقفلت الباب وضربت راسها بالمراية وانتحرت...
عبالك حلم
مستحيل هذا الشي يصير بالحقيقه ولا حته بالافلام....
انطتني رهف التلفون الي جبتلها اياه هدية
وكالت: اخذه اني م استحقه ابد انطي لاي شخص غيري اني خربت حياتك
كلت: رهف لاتلومين نفسج اني جنت اريد اكللها حته لو م حاجيه اي شي
كلت: خلص رهف لاتبجين وبالله عليج لاتلومين نفسج
