كسر التراَئب

الـكـسـر الـخـامـس عَـشـر

#كـسـر الـتـرائـب

#الـكـاتبـة:هِبـه آلـغـراويِ

لاتنسون التصويت+ التعليق بين الفقرات+ متابعة لحسابي

•=•=•=•=•=•=•=•=•=•=•=•=•=•=•=•=•

رزان ::-

لليل اني بغرفتي اتابع مسلسل، اسمع اصوات صراخ هرج البيت هرج، اصوات امي وزينب تعالت.

رضا وابوي طلعو يرگضون، وامي تلطم وزينب متخربطة، ورقيه تبچي يمهه.

رحت حضنت رقيه واحچي وي امي اريد اعرف شصاير.

سرى: كتلووو  كتلوو الله لا ينطيهممم.

تصرخ وتلطم، اني هنا عقلي وگف الدنيا غوشت بعيني، اريد اسيطر ع روحي اريد اعرف منو مات.

رزان: لچ يمههه احچي منو منووو مااتتتتت.

امي وگفت گبالي ضربتني ع وجهي وتصيح لبسي،، لبسي بسرعه وجيبي لاختج شي يلا خل نروح بسرعهههه.

ما عرفت شنو السالفه ومنو ماتتت  بقيت بس ابچي رحت ركض ركض لبست جبه وشال وجبت لزينب هم.

طلعنه اني وامي وحسن وزينب ورقيه، وصلنه گبال بيت جدو، دخلنه ماكو اي واحد من الولد بس النسوان بالبيت ويتصارخن ويلطمن.

وگفت گدامهن حيلي مهدود اريد اعرف منو مات اريد بس وحدى تنطق.

شفت وردة وجهه باهت وعيونهه منفوخه، گاعدة وتدگ ع صدرهه، هنا اني تخبلت گعدت گبالهه واحچي مثل المخبله.

_وردة احچي لچ منووووو ولكممم احچو شبيكمممم ساكتينن احچوو منوووو احچووووووو.

بقيت ابچي واصرخ، وردة دفعتني وبقت تبچي حيل.
_ماتتت كريممم ماتتت.

كلشي ولا واحد من اخواني يصير بيه شي، تخبلت وفقدت باللطم والصراخ احس الدنيا ضلمت بعيني، ليشش ربي تختبرني بواحد من اخواني.

تخربطت ما احس بروحي، واني بالاستقبال ودخلو التابوت، دخلو تابوت اخوي گبال عيني، اريد اگوم اريد اصرخ ما اگدر، رجلي وگفت من المشهد الي شفته.

بقيت ارفس برجلي، اجت امي ترش عليه مي وگومتني يم التابوت، واني اتوسل بيهم يفتحونه، بس اريد اشوفه للمرة الاخيرة.

ما چنت اعرف شلون مات، ولا منو قتله، بس صدمه انو مات كافي نوب اعرف منو قتله.
فتحو التابوت وامه بقت تلطم.

_ولكك يمههه شلون تعوفف امككك يا بعد روحييي ولك شلون تگلي يمهه اريد اتزوج وتروح مغدور بتابوت يمهه عمتت عيني عليك، يا نور عيني، يا شمعه وانطفت بروحي.

مغدور؟ منو گلته؟ انداريت ع ولد عمي كلهم واگفين ومنزلين روسهم يبچون عليه، ادورهم واحد واحد، عبدالله ماكو.