الحلقة ....17
قعمزنا وقعدت ناكل وهوا بس يتفرج عليا ..
سارة : كول خيرك ..
فؤاد : خيره صوتك يرعش صقعانه ..
سارة : هلبااا هي نوض نروحوا نحكوا في الحوش ..
فؤاد : لالا تعالي جنبي تو تدفي ..وبخفة جبدني ودخلني في حضنه ❤🥺
علي طول حسيت الحرارة ركبت في جسمي حاولت نهرب منه بس هوا قعد ضاغط عليا وملصقني فيه لين ارتخيت ❤..
فؤاد :دفيتي هكي ..
سارة : اي تمام ..وكيف بنحول من جنبه زاد ضغط علياا 😧..
فؤاد : خليك سارة انا مرتاح هكي❤ ..خذي نفس بقوة وحط إيده على راسي وزاد دخله في حضنه ❤
فؤاد : سمعت الكلام اللي قلتيه لأمك بكري💔
سارة : اما كلام 💔
باعد فؤاد من جنبي شدّ يديا وقعمز مقابلني ..
فؤاد : انت مش مرتاحة معاي؟؟ 💔
سارة :"" بديت نبكي وماقدرتش نرد عليه 💔" مش عارفة شن بنقول والا كيف بنعبر حتى لو حكيت مش حيفهمني .. في حاجات اني مانقدرش نطلبها نبيها تجي منه هوا 💔"
فؤاد : ردي عليا سارة انتي مش مرتاحة قصرت معاك في حاجة ؟؟
سارة : لا حشاك ماقصرت بشي خلاص خلينا خلينا نروحوا 💔
فؤاد :
لا خليك .. انا فاهمك وعارف شن مضايقك 💔
لاكن يا سرو هذا الشي مش بيدنا صار غصبا عنا عارف انك تبي تستقري وتعيشي زي أي وحده متزوجة .. وانا نقدر ندير الشي هذا !!! .. نقدر نفرغ غيضي فيك نقدر نفرغ شهوتي فيك .. لاكن أنا نشوف فيك أغلى من هكي .. أنت جوهرة ياسارة مانبيش نجيك وقت شهوتي وبعدين نباعد عليك وقتها حتنجرحي أكثر ..
نبي لما نجيك ونكون معاك نكون بكل مشاعري مش مجرد شهوة بس .. أعطيني فرصة سرو أمهلِيني شوية وقت بس والله اللي فات عليا مش شوية .. ولو اخترتي انك تبي تطلقي وتشوفي حياتك هذا حقك وقرارك انتِ بس خلينا نفوتوا أقل شي الفترة هادي علي خاطر أمك وبعدين حقك عليا مش حتشوفي مني الا طيّب❤
((كلام كبير على هلباا رجالة 😔💔))
سارة : صدمني كلام فؤاد بس حرفيا كبر في عيني هلباااااا حسيت قلبي بيوقف من كثر دقاته حاسة بوجع في قلبي مش قادرة نوصفه و لأول مرة في حياتي انكون عاجزة اني نرد !! .. مافيش كلام في الدنيا يعبر على الموقف اللي انا فيه.. 💔💔 اكتفيت بالدموع اللي كانوا معبيين وجهي واللي كانت ايد فؤاد تمسح فيهم💔..
حكالي فؤاد على مرض ماما 💔 زدت في البكي وقعدت نعيط بصوت عالي ...
سارة : ياربي لالالا ماما حياتي كلها يافؤاد نموت لوو تصير فيها حاجه نمووووت
ضمني فؤاد لحضنه : ادعيلها بس ..نبيك تكوني قوية قدامها بإذن الله تتعالج وترجع أحسن من قبل .. قالي الدكتور أهم شي نفسيتها لازم تكون مرتاحه ..
سارة : يارب الا ماما مانتحملش نشوفها تتعذب 😭😭
~~~~~~~~~~~~~~~~~~~~
عند مروة تعبت من الرقدة في الفراش نضت مع اسيا وتينا ا العشي وغسلت معاها الماعين شوية وطقطق الباب قالتلي هذا نزار يبي يشوفك ..
مروة : قوليله راقدة بالله عليك ..
اسيا : هوا يبي يفهم منك ويسألك على عيلتك .. خايف يلقاك بوك عندنا وتصير مشاكل
مروة : خلاص انا نعطيك نعتة حوشنا واعطيهاله انا مانقدرش انقابله بعد هذاكا اليوم 🥺💔
طلعتله اسيا وخشت قالتلي ان قال خليها غدوة هوا يبي يحكي معاك 💔..
~~~~~~~~~~~~~~~~~~~~
صبح يوم جديد 💫💫
نضت نجري ونوتي في حوايجنا ودموعي زي المطر مش مستوعبة كلام فؤاد مستحيل نتحمل لو يصير شي في ماما ياارب خوذ من عمري واعطيها يارب💔
...
...
...
جهزنا روحنا وخذينا ماما وطلعنا للمطار 💫
~~~~~~~~~~~~~~~~~~~~~
اسيا : صباح الورد مريوة ..
مروة : صباح الخير❤
اسيا : تلقي الفطور واتي في المطبخ انا بنلبس وبنطلع عندي مدرسة اليوم ..
مروة : قصدك بنقعد في الحوش بروحي💔
اسيا : عادي وين المشكلة .. انا كلمت تهاني مرت نزار تو تنزلك بعدين .. وهاك تليفون اعطاهولك نزار كلمي بيه امك ❤
مروة : تسلمي بارك الله فيك ..
طلعت اسيا وخلتني بروحي في الحوش وخلت كل شي على حاله امنتني على دارها وفلوسها مع انه ليا معاه يومين بس ❤
فوتت للساعة 11 واتصلت بماما ....لقيته مقفل ..اتصلت بسارة .. لقيتها مقفل حتي هيا 💔
شوية وطقطق الباب نضت واسيت شاربتي و فتحت ..
تهاني : السلام عليكم .. أنا تهاني
مروة : وعليكم السلام تشرفنا وانا مروة ..ياااحلاته هالعسل وليدك هادا ..
تهاني : الله يسلمك ❤ اي ادم ❤
قمته في غمري ياحلو انت ياادم وقعدت انبوس عليه ❤
تهاني : مروة لو سمحت نزار بيشوفك يبي يحكي معاك ..هوا اهنا واقف ..
حطيت الولد وارتبكت معاش عرفت شن انرد..
تهاني : هي خش نزار لابسة عبايتها ..
خش نزار وراسه في الأرض ماقامش عيونه فيا ..
نزار : قعمزي يامروة ..
قعمزنا على الصالون انا وتهاني ونزار قعمز مقابلنا ..
نزار : ماتقوليليش خيرك تتهربي مني 💔
مروة : لا بس ماعنديش شن نحكي معاك 💔
نزار : كيف ماعندكش شن تحكي معاي ؟؟؟ مش انا اللى جبتك اهنا ... انا مسؤول عليك ..
مروة : تمام ..
نزار : انا توا نبيك تحكيلي كل شي على عيلتك بوك اسمه وين يسكن وشن يخدم ..لازم نعطوا علم لاماليك انك عندنا ونحسنوا علاقتك بيهم !!
جاوبته وحكيتله كل شي على عيلتي واعطيته نعتت حوشنا ..
نزار : تمام توا انتي قلتيلي ماعندكش خوت .. باهي عندك حد قريب منك وعلاقتك بيه كويسة في العيلة يكون متساهل وممكن نتفاهموا معاه غير بوك ..
((كان فؤاد هوا أقرب شخص ليا بس للأسف بعد اللي صار هوا أخر شخص ممكن انفكر فيه 💔))
نزار : جاوبيني خيرك سرحتي ..
مروة : اسفه لالا ماعندي حد 💔
