السلام عليكم
" الــــعـــــساف "
اللهم صلي عـلى محمد وآل محمد .
'''''''''''''''''''''''
تصويت فضلاً ↓°.
'''''''''''
اسراء ::- گـعدت الصبح نفسيتي زفت كلش مخنوكه اشتاقيت لامي يمه وعلي مشتاقتلج واين عايفتني مكانج فارغ يبعد گـلبي مسحت دمعتي وكملت غسل الماعين اندگـت الباب راح فهد يفتح شويه واجاني
فهد - يمه خاله نورهان برا تريدج .
- يااا صدك غير اطببها ليش برا
لبست برجلي ورحت فتحت الباب اووف مشتاقتلج ولج حضنتني واني حاصرتني البجيه بجيت وياها
نورهان - لاتسئلين لاتكولين عبالي بيج شيء .
- يعمري انتِ بخير والله بخير .
طبعاً جايه بدون شال وهل عادة ماتبطلها اني نسيت الولد اهنانه سجاد وحسن ومهدي الباقي طالعين طببتها للمطبخ انطيتها ماي واسولف صارلي هواي مشايفتهاا
نورهان - اشكر الرب همزين مابيج شيء شكد جنت خايفه عليج هسه ارتاحيت .
- بشوفتج صرت احسن، صدك شلون اجيتي لهنانه ومنين اندليتي البيت؟
نورهان - احمم هذا صديق زوجج ساعدني واني اجيت المهم انتِ شخبارج شلونج صحتج شلونها .
ابتسمت - زينه صحتي وها صدك حامل اني
نورهان - عمررري مبروك يارب تكومين بسلامه .
اجت حنين عرفتها عليها وكعدت تسولف ويانا نسيت الشغل وگلشي جبت الجهال وكعدنه بلمطبخ اصلاً ماكو احد غير الولد واني وحنين ورغد ام امجد عند اهلها وام مهدي راحت لزيارة وي اختها والباقي بلشغل سويت جاي وكعدنه نسولف ونضحك جان احلى يوم شويه غير من نفسيتي .
طب علينا مهدي ضل صافن عليها
- احم هاي صديقتي من بغداد
مهدي - اهلاً وسهلاً . وطلع
سوينا دغدا والولد من يشوفون الغدا يتأخر يجون للمطبخ فـ اجو عرفتهم عليها وجانو مدنكين لان هيه مفرعه خلصت صبيتلهم واكلو اجت رغد الي علساس حامل وماتكدر تتحرك والشغل بس علينا اني وحنين الله شاهد لو تموت من الجوع ماتنزل تسوي لكمه ومرتضى هم مايحجي وفرحان لان تكول حامل مرات اصفن عليها اكول ماتستاهل واحد مثل مرتضى حيه ومرتضى انسان نضيف ماعنده سوالف مكسرة صح جان كبل بس هسه لا تغيير حيل .
أنت تقرأ
العقرب الأسود
Aventureقـصتي تتحدث عن :- فتاه ذوقتها الحياة مرارت الايام الحـزينه عانت من فقدان والدها ومن ثما والدتها واخاها واختها لكي تكتشف ان الاقدار تختلف عن تفكير عقلها واحلامها البسيطه ، وفي وسط عالمها هناك رجلً اعتاد عـلى الحرص عليها وحبها شُجاع وحنـون عليها ولكن...
