حَـبِّـيِِت بِـنْــتُ الثَّـانَوِيَّـة 🖤!!

حبيت بنت الثانوية - 41 -

البارت اللي بيرضي الكل 😭🤍.. معليش تأخررررت 😬

أسيل /

الحين بقول رجعت المياه لمجاريها .. صح صار بيننا جرح عميق بس بمرور الزمن نخيطه مع بعض .. وفي هالفترة بشغل نفسي واهتم بالبيبي اللي اكرمني ربي بجيته في الطريق .. اللي لولا الله ثم هو ما كان للحين بيننا أنا وثامر نصيب .. مر يوم يومين ما بين ابتسامات بيني وبينه ومره ثانيه يبدأ يعتذر في كل دقيقه وحين .. لكن غيرتي عليه من مها تزيد .. ما ادري كيف طبيعة علاقتهم أو كيف مشاعره اتجاهها ؟ .. بس هو وعدني يطلقها .. ما ادري الغلط اللي سويته وخلا امه تكرهني لهالقد .. من اول يوم وهي مو طايقتني ..

طلع الصباح من بيته ورسل لي رساله يقول فيها انه بيتغدى اليوم معي .. قمت وكعادة روتيني الممل بروحي في هالشقه .. نظفتها وبخرتها ووقت الغداء قمت وبديت أسوي الغداء .. مر الوقت وخلصت .. رحت للحمام وخذيت شاور سريع .. طلعت وجلست أفرفر في التلفزيون وهذا ثامر يدخل .. التفت وسلم وأنا رديت عليه .. قال بيروح يصلي وأنا قمت أجهز السفرة .. قطعني صوت جوال وهو يدق .. طالعت حواليني وهذا جوال ثامر فوق الطاوله .. مشيت باتجاهه وشفتها متصله عليه .. مها .. خذت يدي مجراها وردت عليها .. رفعت الجوال وحطيه على اذني وأنا بشوف وش بتقول .. قالت وما أنسى صوتها

مها : سلام ثامر ..

أسيل : ( ردت على طول بصوت واضح ) من معي ؟

على طول انغلق الخط بوجهي .. ابتسمت بشيطانية .. تستاهل .. هالسوسه من لما شفتها عرفت ان ما فيها خير .. خرابة بيوت .. تركت الجوال بسرعه ورجعت جلست على السفره .. وهو جاء وجلس يتغدى معي ونسولف بحدوديه إلى ان ننسى اللي صار كله .. اذا كان لأمه مغزى من انها تبعدني عنه وتزوجني بنت خالته فهذا مو غلط مني من البدايه .. لو قبل ما يتزوجني منعته وخذت له البنت اللي هي تبيها .. بس ولدها اختار صح .. اختارني أنا .. وأنا مو بالسهولة بخرب بيتي وأتطلق .. وما خذيت هالقرار إلا لأنه بيحدد مصيري العاطفي في المستقبل .. قطع تفكيري وهو يسألني ..

ثامر  : ليه ما رحتي بيت أخوك ؟ أقصد ليه ما حضرتي عزيمتهم ؟

أسيل : ( كذبت لأن الحقيقة هي ما ودها تقابل أهلها اللي هم خالاتها وعماتها ويحشرونها بسالفة زواج ثامر من الثانية .. بابتسامه  ) ولاشيء بس كنت
مريضة ..

ثامر : أخوك حميد خاطب

أسيل : قال لي لما جاء للبيت .. على طاري .. الأسبوع الجاي تقريبًا ملكته ودي أنزل المول أشتري لي فستان

ثامر : ( غازلها وهو يبتسم ) ابشري .. من عيوني .. كم أسيل عندي أنا ؟

أسيل : ( تتجاهل غزله وقالت ) كل بسرعه ورح اشرب دواك .. ( وطالعت بنص عين وقالت ) هذي السوسه اللي معك أكيد ما انتبهت انك تاخذ دواء

ثامر : ( وهو يركز بعينها ) عشان تعرفين .. ان مالي غيرك بهالحياه أسيل .. وبخصوص مرضي .. لا تحاتين حالتي مهي خطره لهذيك الدرجة .. حالتي مستقرة ومافي تطور في المرض