على وضَح النقى جيتك والراسّ مرفوع .

*16*

في اليوم التالي ~
راحت لمى لغرفتها ولقت وهج جالسه قدامها هي وريناد
لمى : احتاج افضفض
ريناد ضحكت وقالت : سمي
لمى : لو قلت لكم اني بتزوج تصدقون ؟
ريناد بضحكه : مبروووك
لمى ببتسامه : طيب اصبري خلينا اقولتس
ريناد ابتسمت وقالت : سمي
لمى تربعت بجنبهم ولفت على وهج الي مسرحه وماهي معهم ابداً ، قبصتها لمى بخفه وقالت : اخبرتس تحبين العلوم وش صار عقلتي ؟ ههههههههه ضحكت وهج وقالت : لابس منصدمه
لمى بضحكه : شوفو ذا الي خطب معرفه وماودي اتزوج ابداً لكن اعرف بوي بيجبرني عليه عشان كذا رضيت ب امر الواقع ، وهج بضحكه : حلو بصير خاله يعني اذا جبتي بزران ، ريناد فزت وفتحت الشباك وشافت سياره سعود الي وصلت ونزلو متوجهين لبيت ال حسين ، ريناد : بنات شوفو سعود جا هو والجازي ، وهج بضيق : لعنه ماجاو الا يوم قدنا بنروح ! ريناد بضحكه : عوافي بنجي في الاجازه وبنشوفهم معليتس
لمى ضحكت وقالت يلا بروح افتح لهم انا ركضت لمى بحماس وفتحت الباب لسعود
سعود : حي الله لمى شعندتس
لمى بضحكه : وش عندي
الجازي ببتسامه : السلام عليكم
لمى ببتسامه: ارحبي ارحبي
الجازي : البقى لبى عيونتسس
لمى : وين فهد ماشفته ؟
طلع فهد وهو الي كان ورا الجازي وراح يركض للمى وحضنها ، لمى : يحبيب عمتك انت! ابتسم فهد وراح يمشي معها لغرفتها
وهج قامت وقالت بضحكه : حي الله عدوي
فهد عطاها نظره وراح يسلم على ريناد
دخلت الجازي وقالت وهج بضحكه : ورعتس وش بلاه علي ! الجازي بضحكه : تصدقين عاد تو ادري وش بقلبه ، وهج ببتسامه : قولي قولي ، الجازي : تذكرين مره يوم كنتي تتمازحين مع سعود ؟ وهج : ايوه؟
الجازي : شافتس تضربين سعود وحقد عليتس ! وهج ضحكت وقالت تكفين فهميه اننا نمزح ، الجازي : يصير خير
قامت ريناد وراحت لغرفتها وشافت محسن عند دولابه مشت متوجهه له وقالت : متى نروح ؟ محسن بضيق : بعد شوي بنحرك
دخلت تجهز اغراضها بحكم انهم بعد شوي يروحون لاابها وراحت تعلم وهج وكانت الجازي محزنه عليهم بس كانت تكفي لمى ..
في دوام حاتم /
حاتم بصوت جهوري : يلا انا استأذنكم طالع وانتبهو لداوم وركزو ! ماجد ببتسامه : حريصين لاتوصي يبو مصعب طلع حاتم وهو ميت من الشوق عليها اسرع السياره ووصل البيت وفتحت وجد الباب وقالت ببتسامه : جييتت !
دخل حاتم يسلم عليها وقال : اي جيت يعيونه ، وجد ابتسمت وسحبته مع يده ودخلت الصاله واشرت بيدها وقالت ببتسامه : شوف وش جهزت لنا ، حاتم ضحك وقال : حركات عشرينين مالي فيها
وجد ميلت شفتها وقالت ببتسامه : يعني معجبك ي الثلاثيني ؟ ضحك حاتم وقال : كل شي يعجبني منتس ! وجد ابتسمت وقالت : يلا قرب خلنا نتابع الفلم !
جلسو وبدا يتابعون وكانت متكيه على كتفه
( في الديره )
وهج اشرت بيدها وقالت : يلا باي
الجازي : باي
دخلت الجازي لغرفتها وشافت سعود جالس وبحضنه فهد ويلعبه ابتسمت وقالت : يحلو المنظر صدق ! ابتسم سعود وقال : يحلوتس انتي بس ! الجازي ببتسامه يلا خلنا نطلع برا عند عمتي وعمي جالسين لحالهم برا
طلعو وجلس سعود معهم في الحوش وانسدح في حضن صالحه وماهي الا دقايق وطلعت لهم لمى ومعها الشاهي ، حسين : حي الله عروستنا ! سعود فز وقال : ابو فهد متى تزوجت ذي ؟ انسدحت تضحك لمى وقالت : توني توني لاتنجلط
حسين ببتسامه : اليوم بيملكون حسافه راح محسن وماحظر الملكه ! لمى : عوافي عوافي
سعود ببتسامه : مبروك ياعين خوتس
لمى : الله يبارك فيك
الجازي : بمى ان الوقت الحين العصر شرايكم نقوم نجهز لهم ؟ سعود : اي والله ماجهزنا شي مررره ، قامت الجازي ومعها لمى وراحو الغرفه وبدت الجازي تضبط لها المكياج وكانت جممييله جداً لمى ..
في بيت ال مسفر |
كنوز ( زوجت عايض ) بسم الله عليك هذي كشختك في ملكه اخوك يويل حالي صدق
ضحك عايض وقال : يلا طالع انا
كنوز : الله يحفظك يحبيبي
طلع عايض ولقى ياسر وابوه في الحوش
ياسر : مابغيت تطلع !
عايض ببتسامه : هد هد كل ذا حماس؟
ياسر بضحكه : لابس تاخرنا
عايض : يلا مشينا
طلعو متوجهين لبيت ال حسين وكانت الابتسامه شاقه وجه ياسر وهو يسوق ومتحمس يشوفها لااول مره ....
[ في ابها 📍]
وهج : محسن نزلني الشقه شفيك نسيتني؟
محسن بحده : تقعدين لحالتس!
وهج : اي شفيها اجل اجي معكم وانتو ماكمتلو 3 شهور ! محسن : مافيها شي بيت اخوتس ! ريناد : شدعوه ياوهج عادي
وهج سكتت وتضايقت وحست انها بتضايقهم بس ماكانت تدري انها بتخفف المشاكل الي بتصير بينهم ،
نزلو البيت ودخلت وهج للغرفه ونامت وكان وقت المغرب تقريباً دخل محسن الغرفه ونزل ثوبه وانسدح على السرير بتعب ودخلت بعده ريناد خذت شاور سريع وطلعت لقته يناظرها بهدوء .. ريناد : بسم الله شفيك ؟
محسن مارد عليها ولف وجهه وراحت تلبس ورجعت وجلست فوق السرير وقالت : زعلان مني ؟ محسن بكذب : لا لا
ريناد سكتت وماكانت تدري وش تقول ابداً طلعت متوجهه لوهج ونام محسن ..
ريناد دقت الباب وقالت : وهج صاحيه ؟
ماردت وهج وهي الي في سابع نومه راحت وهي طفشانه وغصبت نفسها على النوم
في بيت ال حسين /
وصلو ال مسفر ونزلو وتقدم سعود لهم وقال : حي الله ال ياسر اقلطو اقلطو
دخل مسفر هو وعياله بفخامه وجلسو في مجلس ال حسين وتكلم مسفر وتمت الملكه ودخل سعود ب الكتاب لااجل توقع عليه لمى
لمى وقعت وهي ترتجف وقال سعود : تجهزي بيدخل يشوفتس بعد شوي طلع لهم وهو مبتسم وقال : يمديك تشوفها الحين دخل ياسر وشافها منزله راسها وعرف انها هي اول ماشاف شعرها البني تقدم بحب وقال ببتسامه : حي الله لمى
لمى بتوتر : اهلين
جلس على الكنب ورفعت راسها له وانصدمت من جماله الي خلاها تخق عليه
ياسر : خلصتي تأمل ؟
لمى بضحكه : وش ذا الثقه طيب؟ ههههههه
ياسر ضحك وقال : امزح معتس
لمى بتوتر : عادي اروح؟
ياسر : الصراحه لا ابي اتأملتس !
لمى سكتت وكانت منصدمه من جرأته سكتت وبعد دقايق راحت بهدوء وكانت متفشله حرفياً دخلت الغرفه ولقت الجازي الي تعطي فهد رضاعه ، لمى حطت يدها على وجها وقالت : واوووو يجنن ! ضحكت الجازي وقالت : بشري ارتحتي له؟ لمى بحماس: اي اي ، الجازي : ها مبروك مقدماً
لمى : الله يبارك فيتس
ابتسمت وجلست جنبها وبدت تقولها وش صار وكانت تستمع لها الجازي بحب
_______________________
تعريف بسيط عن ال اهل راشد ~
سالم : ابو راشد وكان عصبيي جدااً ومايطيق المياعه او الشخص البارد عنده ابل وكان طول وقته عندها عمره 64
ناديه : ام راشد كانت حنونه لكن تتنرفز بسرعه من اي شي وصفاتها مقاربه لزوجها كثير عمرها 59
حامد البكر : متشدد نوعاً ما متزوج عنده ولدين عمره 40
لمار: البنت الثانيه جميله متوضفه ( معلمه ) عمرها 35 متزوجه
ورد : البنت الثالثه هاديه جداً عمرها 33
راشد : عصبي شوي لكن حنون لكن للاسف اذا حب الشخص يضحي بكل شي له عشانه عمره 27
ليما : اخر العنقود طيوبه ومالها حس وجميله جداً ملامحها هاديه وبرييئه عمرها 25
" في بيت ال راشد "
ناديه : قومي مغير نايمه الله يسود وجهتس ! ليما : يوه يمه توني نمت الظهر ماامداني انام ! ناديه : نومتس عدليه فضحتيني كل ماجا حد عندنا يبي يشوفتس اقول نايمه ! ليما قامت وقالت : خلاص قمت قمتتت ، راحت ناديه وهي الي تكره نوم بنتها الي عكسهم وغير عنهم ، بعد دقايق صحت ليما وبدت تغسل وجها وتبدا يومها وطلعت لضيوف وبدت تقهويهم
فاطمه : ماشاءالله على بنتس قدهي عروسه
ابتسمت ليما بتسليك لهم وقالت ناديه : اي والله قدهي عروس والخطاب ماوقفو كل شوي جايين ، ضحكت فاطمه وقالت : مالومهم والله طلعت بعد ماقهوتهم وركضت متوجهه لغرفتها شغلت ايبادها وبدت تتابع فلم وماهي الا دقايق ودخل عليها راشد وقال بضحكه: مسويه مروقه انتي ووجهتس ؟
ليما ببتسامه : راشد اطلع تكفى والله مو وقتك ابداً ! راشد تقدم لها وانسدح على السرير وقال : افا تطردين خوتس الكبير
ضحكت ليما وقالت : شدعوه؟
راشد : بطلع لداومي تبين شي
ليما : سلامتك يعين اختك
طلع راشد وهو مبتسم وراح لدوامه ..
( في اليوم التالي )
وجد الي صحت وبدت تكشخ بعد غياب طويل عن الجامعه خلصت وراحت تصحي حاتم الي في سابع نومه ، وجد ببتسامه : يلا قوم وراك دوام ! قام حاتم وتوجه للحمام غسل وجهه وجا لقاها بعبايتها وتنتظره لبس بدله الدوام وطلعو متوجهين للجامعه..
"عند غزيل ومبارك "
غزيل الي صحت وصلت ولقت مبارك صاحي وقالت : صح النوم
مبارك ببتسامه : صح بدنتس جاهزه نطلع مع الاجواء ذي ؟ غزيل : اي بلبس برقعي واطلع معك انتظرها لين خلصت وراحو يمشون ويحللون شهر العسل .
وبكذا خلص البارت شرايكم 🩷🩷
لاتنسون النجمه يحلواتي واشوفكم على خير 🌷..