تجربه

تفكيري من راعى غنم لطالب مجتهد

تفكيري من راعى غنم لطالب مجتهد 🫣

السلام عليكم ورحمة الله وبركاته
كنت انا وصحابي كل تفكيرنا نجيب حاجة اسمها حوش اغنام 😂بيبقا مع الغنامة دول ناس بيرعوا الاغنام فى المزارع وهكذا المهم  كل همنا نجمع تمنه وقتها كان 500 جنيه.

وصحابي يقنعونى ان التعليم حاجه وحشه وان رعى الاغنام هيكسبنى فلوس وهكذا لحد ما فى مرة فى حصة لغة انجليزية فى الصف الثانى الاعدادى حضرت مع مستر بعد المدرسة حصة قلت اشوف اى النظام والدنيا معاهم يعنى قال  😂انى هفهم.

المستر كان اسلوبه صعب شويه فكان بيسال الطلاب اقرو الل على السبورة لحد مجه دوري 🙂وهنا الصدمة 😳دانا مبحرفش حاجه وواحد فاشل على الله حكايتى جاى اجرب حصة 😂.

اتحرجت جدا فى الحصة وقدام الاولاد والبنات اصحابي 🙂شكلى كان وحش ومن هنا بدا تحول تفكيري من راعى اغنام لطالب نفسه يكون دكتور شاطر ومجتهد وبدات احاول افهم واتعلم حصلى دروب فى تالته اعدادى ووالدى اتكسر وقعد فى البيت واخويا كان تالته ثانوي كنت مضطر اشتغل واذاكر فجبت مجموع قليل حاولت الترم التانى المهم ثانوى عام فرقة معايا انتظام على نص درجة.
#موقف_تعلمت_منه

برضو كافحت وقعد فى الثانوية ورجعت تانى ومازلت بحاول لحد اللحظة دى دلوقتي الحمدلله وصلت لقدر كويس جدا من العلم والمعرفة كتبت مقالة واكتر من بوست واخدت حوالى 30 كورس مبين تطوير ذات وكتابة محتوى ومهارات تواصل ولغة انجليزية وعلوم دينية.

بس بعد موقعت فى تالته ثانوي حسيت الدنيا ظلمت فى وشي 💔وانى مش هوصل لكلية الطب بس فضلت ادور لحد مربنا كرم واتقبلت فى كلية الطب جامعة دار البيان DBU  ومنتظر الموافقة الامنية عشان اسافر.

لو وصلت لحد هنا فانا بجد بشكرك على حب استطلاعك ♥❤متنساش تدعيلي بالشفاء العاجل وتيسير ورقى عشان اقدر اسافر لدراستى.