فايا بصت وراها و قالت: هو حليوة فعلا بس ايه ده ده اسسسسسد
ليان برعب: ايه اللي جابه هنا
فايا بشجاعة: ملناش دعوة بحد يالا نخرج و كأننا مشفنهوش
كانو هيخرجو و هو قال
اسد: استنو
فايا: و لا كأنه هنا يالا بينا نكمل طريقا
اسد: مش سامعين انا قولت ايه اقفوا عندكم
فايا: كأني اسمع ذبانة و لا انا بيتهيألي
اسد: اتلمي يا فايا بدل ما ارزعق قلم اتففك سنانك
فايا: اعملها كده و شوف هيحصل فيك ايه و بعدين ايه اللي جابك هنا
اسد: جاي اشوف اللي بتعمليه هو انتي مش عندك عدة و لازم تقعدي في البيت
فايا: تسمحلي اعمل حاجة
اسد: حاجة ايه
فايا: ههههههههههه (ضحكة رقاصة) ده عند ام لطفي اللي يتنور و تطفي هو انا هاسيب امتحاناتي و مستقبلي عشانك ليه ان شاء الله
اسد: مستقبل ايه يا ساقطة يا ام ملاحق
فايا: هو انت موقفني و ماخد من وقتي الثمين عشان تقولي الكلمتين دول
اسد بضحكة استهزاء: ثمين !!!!!! قولتيلي اه
و بعدين بص لليان و قالها: انس بيستناكي برا
ليان بفرحة: بجد هو هنا
اسد: ايوة و عايزك ضروري
فايا: الله الله الله
ليان: قبل ماتكملي وصلت ردحك سيبيني اروحله و حياة الغاليين عندك ده وحشني مووت
فايا: روحيلو يا نحنوحة هانم بعدين هنبقى اتفاهم معاك
ليان خرجت بسرعة من الجامعة هشان تقابل انس و اسد بص لفايا و قالها
اسد: على فكرة انتي مستفزة و عصبية و محدش هيستحملك
فايا: ده رأيك و لا معلومة
اسد: هتفرق يعني
فايا: لا الاتنين مكانهم الزبالة
اسد بعصبية: يا مصبر الوحش على الجحش
فايا: اكيد انا الوحش و انت الجحش
اسد: انا مستحمل ام لسانك الطويل عشان ابننا بس
فايا: و تستحملني ليه يا اخويا احنا خلاص مابقاش مابينا اي علاقة تربطنا سوى البيبي اللي في بطني ده غير كده انت لا تعرفني و لا انا اعرفك و يالا امشي عشان وقفتنا كده متنفعش
اسد: مينفعش ايه يا هبلة انا ابن عمك
فايا: حتى لو مين مينفعش
بعدت عنه شوية و هو كان هيلحقها بس في واحد قرب ليها و قالها
الشاب: ما انتي اهو بتكلمي رجالة عادي اومال انا مصدرالي الوش الخشب ليه و لا انتي بتروحي مع اللي يدفع اكتر
اسد و شرار طالع من عينيه: هو من ناحية هتدفع فانت هتدفع و بالاوي كمان تعالى هنا يا روح امك
و نزل فيه ضرب و محدش قدر يقومو من عليه لحد ما الشاب اغمى عليه
فايا و هي بتلطم: يالهوي يا بتنجاني تعالي ياما شوفي الفضيحة اللي بنتك فيها يا فضحتك يا فايا في وسط الجامعة يا شماتة العدوين فيا
و قدام الباب الخارجي للجامعة
ليان: انا مستحيل اعمل كده في صحبتي
انس: هو انا هنقتلها يا بت افهمي احنا هنعمل كده عشان نرجعها لاسد متبقيش غبية بقى
ليان: في حل غير ده انت فكرت لو حصلها حاجة هي و البيبي ساعتها هنعمل ايه يا اذكى خواتك
انس: يا مرك الطافح يا انس اولا انا معنديش اخوات تانيا و ده الاهم احنا هنعمل عمل خيري هنرجع راجل لمراته عشان يعيشو مع بعض مع ابنهم و احنا كمان نعيش
ليان بتفكير: مش مقتنعة
انس: اشق هدومي يا ناااس يا ليان يا حبيبتي كل اللي عليكي انك تعملي اللي قولتلك عليه و بس و انا هكمل الباقي من الخطة و لو حصلها حاجة يا ستي تعالي تفي في وشي ده لو اسد سابني عايش
ليان: طب اسكت عشان جايين علينا
انس باستغراب: في ايه يا جماعة عاملين كده ليه كل واحد مادد بوزه مترين حصل ايه
اسد بغضب: مين الحيوان اللي اتكلم معاكي ده و حياة امي لأعلمه ازاي يتجرأ و يقرب بس من مرات الافعى
فايا: اااه يا مرارتي يا اني يا اما هو انت ايه يا اخي ماشي تدوس على الناس كده فاكر نفسك هتلر
اسد: و انتي زعلانة عليه كده ليه هو كان من بقية اهلك
فايا: و انت مال اهلك بالموضوع يقربلي و لا لأ انت كنت هتقتل الراجل و بسببك هطرد من الكلية منك لله
اسد: و رحمة الميتين ميت ميت لو لقيتك اتكلمتي مع راجل تاني لادفنك مكانك
انس: يا جماعة حد يفهمني في ايه ؟؟؟؟
فايا: اسكت انت بصو يا جوز التيران انتو لو لقيتكم بس بتمشو في نفس الشارع اللي بنمشي فيه لابلغ عنكم
اسد: هو كان شارع ابوكي
انس: هو جوزك و بينك و بينه مشاكل انا مال امي بالحوار ده
فايا: انت صاحبه يعني نسخة طبق الاصل منه و اصححلك معلومة طلقي مش جوزي يالا يا بت انجري قدامي
ليان باستسلام و غيظ في نفس الوقت: حاضر
اسد: اركبوا يالا عشان نوصلكم للبيت
فايا: مش محتاجين خدماتك كفي نفسك يابا
ليان بتوسل: و حياة اغلى حاجة عندك سيبيه يوصلنا و الله انا مش قادرة اركب الاتوبيس و الزحمة و القرف اللي نشوفه كل يوم
فايا: هنركب تاكسي
انس: كل الحلول عندها
اسد: لا يا فايا احنا اللي هنوصلكم مش كل مرة تكسرلي كلمتي
فايا مشيت و سابته هي و ليان
انس و هو ميت على من الضحك: شكلك مسخرة اوووي
اسد: امشي من وشي الساعة دي بدل ما اطلع غضبي في وش امك
انس: لا يا اخويا و على ايه ده انا حتى عريس
ليان: احنا بتعمل هنا ايه مش قولتي هنركب تاكسي
فايا: قاعدة على بنك انا كل يوم تاكسي
ليان: و حياة امي ما هركب الاتوبيس
فايا و هي بتمشي: ابقي خديها مشي بقى
وصلت البنات للبيت بعد يوم طويل
غادة: انتو اتاخرتو النهاردة ليه مس من عوايدكم
فايا: ما احنا كنا مع اسد و انس
يسرى: بجد؟؟؟ انتو هرجعو لبعض مش كده
فايا: مش عايزة اكسر سقف احلامك يا طنط بس لأ انا مش هرجعلو الخاين ده
غادة: طب يالا ادخلو غيرو هدومكم و ارتاحو شوية على ما الغدا يجهز
دخلت فايا دخلت اوضتها و ليان دخلت تستحمى
يسرى: هو احنا هنسيب يا اختي العيال كده
غادة: و احنا هنعمل ايه بس يا يسرى
يسرى: انا عندي خطة
غادة: خطة؟؟؟ خطة ايه
يسرى: مش دلوقتي هبقى اقولك بعدين
صافي بدلع: اسد انت كنت فين
اسد: و امتى حد بيسألني كنت فين و لا جيت من فين
صافي حضنته و قالت: اصلي قومت الصبح و ملقيتكش و عرفت انك كنت في الجامعة اللي فيها فايا
اسد: و انتي عرفتي ازاي
صافي بتوتر: ها اصل صاحبتي نهى بنتها بتدرس في نفس الجامعة فشافتك و كلمتني بس
اسد: ابقي قوليلها تخليها في نفسها
صافي: ايه يا اسودي انت زعلت و لا ايه قولي كنت مع فايا بتعمل ايه
اسد: مفيش كنت بطمن على البيبي بس
صافي: هو انت مش قولتلي انك هتخليها تسقطو
اسد: ملكيش دعوة بالموضوع ده انا عارف هتصرف ازاي
صافي: ماشي يا حبيبي اللي تشوفه انا كنت عايزة اكلمك في حاجة كده
اسد: حاجة ايه
صافي: اصلي انا و صحباتي رايحين للساحل نغير جو شوية و انا عايزة اروح معاهم
اسد: اعملي اللي انتي عايزاه و هتقعدو قد ايه
صافي: اسبوع كده و هنرجع
اسد: ماشي انا طالع انام
صافي: نوم الهنا يا حبيبي انا هروح للبيسين شوية
اسد طلع لاوضته و غير هدومه و مسك تيلفونه و رن على رقم و قال: اعمل اللي قولتلك عليه مش عايز ولا غلطة
.........: اللي تأمر بيه يا باشا
VOUS LISEZ
متاهة الحب في عالم الظلال
Mystery / Thrillerفي عالم مليء بالأسرار والخيانة، تتقاطع طرق ابطالنا. صلة غامضة تجمعهما، وماضٍ مظلم يهدد بالكشف. تتشابك الأحداث وتتعقد العلاقات، وسط أجواء من الشك والإثارة. ستكتشف في هذه الرواية الغامضة أن الأحداث ليست كما تبدو على السطح. ستنغمس في عالم المؤامرات وال...
