على وضَح النقى جيتك والراسّ مرفوع .

*17*

في بيت محسن وريناد ~
صحى محسن وراح يوضي ويصلي الفجر وراح يقوم ريناد لااجل تلبس لجامعتها ..
ريناد : مالي خلق بغيب اليوم
محسن : داومي كم لتس غايبه
ريناد قامت بكسل واتجهت غرفه وهج الي كانت تزين شعرها وتغني ، ريناد بضحكه : يالله صباح خير
ضحك وهج وقالت : شرايتس بشكلي ؟
ريناد ببتسامه  :تهبلييينننن
وهج : انتي الي تهبلين والله يمديتس تلبسين؟
ريناد : اي معليتس يمديني
راحت ريناد تلبس في اسرع وقت وكان قدامها محسن ب البدله حقت الدوام ، ريناد : خلصت يلا نروح؟
محسن قام واتجه لسياره وماهي الا ثواني ووراه وهج وريناد ،
اما عند مبارك وغزيل الي لفو العالم كله وماخلو مكان ابد وبدت تقع غزيل بحب مبارك ،
مبارك رفع جواله وقال : ارحب ياعامر
عامر : البقى ياعريس علومك
مبارك ببتسامه: علومي زينه لبى قلبك علومك انت
عامر : لاعلوم ولااخبار حبيت انشد عنك ومابي ازعجك الحين بقفل ، قفل عامر ومسك يد غزيل وطلعو ..
في الجامعه ~
وهج بضحكه : غزيل سحبت علينا سحبه قويه
ضحكت ريناد وقالت : الله يوفقها وش تبي هنا؟
وجد ببتسامه : اي والله وش تبي هنا هناك عايشه حياتها لكن معليكم الاسبوع الجاي بتداوم معنا !
ريناد : والله مشتاقه لها حييل
( في الديره )
مناحي وهو يوزع الحلاو للبزارين
لميا : ليت وجد موجوده كان الحين تلقطها كلها ههههه
مناحي ضحك بضيق وقال : والله اني مشتاق لها صدق
لميا : كلنا كلنا اربها تخلص ذا الجامعه وتجي هي وحاتم ، مناحي سكت وقربت له لميا ومعها الشاهي وجلسو في الحوش وكانت لابسه برقعها ويناظرون بشوارع الديره الي الكل يعرف بعض ونيتهم صافيه
طلعت لمى تمشي متوجهه لبيت ال ضاري لااجل تنزل لهم أغراض وصادفت مناحي ولميا
لميا ببتسامه : وش عندتس يبنتي من شغل
لمى ببتسامه : ابد بودي ذا لعمتي ام ضاري واجي ابسط معكم ، مناحي ضحك وقال : الا خلي بوتس يجي على العشاء اليوم ، لمى وهي تمشي : ابشر
توجهت لبيت ابو ضاري وفتحت لها ليان
ليان : وش تبين مانفتك منكم كل شوي طالعين لنا !!
لمى الي شمقت لها وماردت وماكانت لمى تأذيه بس مسويه تحديد جميع ، ام ضاري : هلا يحبيبتي لمى شبغيتي؟ لمى ببتسامه : جبت لتس أغراض من الوالده
ام ضاري خذت الكيس وقالت : اقلطي اقلطي لفت على ليان وقالت : وراتس ماقلطتي المره يلي ماتستحين؟
ضحكت لمى وقالت : مستعجله يعمه والله
لمى : يلا انا بروح ، ام ضاري : يحفظ الرحمن
طلعت تمشي بسرعه ووصلت البيت وشافت ابوها وامها والجازي فقط تقدمت لهم وقالت ببتسامه : عمي مناحي يقول تعالو للعشاء ، حسين : قد علمني
صالحه : وديتي الاغراض ؟
لمى : اي يمه
سكتت صالحه ودخلت لمى غرفتها بتعب انسدحت على السرير وجاتها الجازي بعد دقايق قليلة
لمى : تخيلي من شفت عندهم
الجازي بحماس : من
لمى : ليان
ضحكت الجازي وقالت : اربتس ماقلتي لها شي
لمى بضحكه : بيني وبينها شي اصلاً
دخل سعود وقال : ها امسكي فهود رحت به البقاله
راح فهد يركض للجازي وقال : شوفي
ضحكت الجازي وكملت تسولف مع لمى ..
بعد ساعات /
ريناد : يوه تاخر محسن شبلاه!
وجد : روحو معي حاتم برا
ريناد : لا لا بنتظره
وهج : امشي بس قفلت الجامعة
راحو لسياره حاتم وركبو ورا ووصلهم البيت
وهج وهي تفك برقعها : افف كتمني
ضحكت ريناد وقالت : يويلي من محسن اكيد بيعصب
وهج بضحكه : وش عشان رحنا مع حاتم؟
ريناد : لابس شفته مرسل لي انه عند الجامعه وحنا في السياره ، وهج : مدري بروح انام انا متكسره
ريناد ببتسامه : يلا
دخلت وهج تنام وراحت ريناد ولبست بجامه سودا حرير وفكت شعرها لااجل تمشطه وسمعت صوت الباب وتقدمت تفتحه بهدوء ، محسن بعصبيه : لين تروحين مع حاتم ! رجلتس ماهو موجود !! ريناد : بسم الله قصر الصوت وهج موجوده! وبعدين تأخرت علينا انت وش تبي اسوي اطلب يعني ؟ قرب لها محسن ومسكها مع شعرها وقال : لاتخليني يريناد اسوي شي ماودي اسويه! ريناد فكت شعرها من يده وقالت : الله يكسر يدك ذي الي كل ماصار شي تمدها وين عايشين حنا! محسن قفل الباب وسحبها للغرفه وقال : وبعدين يريناد؟
ريناد ببرود ماردت وراحت تنسدح على السرير ونامت اما محسن الي كان منضغط منها بقوووه قرب ونام هو ب المثل ،
{ في المغرب }
صحت وهي متنشطه وفزت أول ماتذكرت ان وجد وأميره بيجونها سوت قهوه وحلا على السرير وراحت تلبس ، محسن ببتسامه : كويس معد صرتي تستحين
ماردت ريناد وهي الي كانت تحسبه نايم دخلت الحمام ولبست بنطلون اسود وبلوزه بلون الوردي وطلعت شافته يبدل ملابسه ، محسن ببتسامه : لمن الكشخه؟
ريناد : لصديقاتي ! محسن بضيق : وانا ؟
ريناد : وش انت ؟ بتروح مكان؟
محسن : اي بطلع مع اخوياي
ريناد : طيب
سكت محسن وطلع مع اخوياه وكان وده يرجع اشتاق لها بس داري انها بتجرحه ومايلي يزعجهم
ريناد بضحكه : منزمان عنتس ي اميره!
اميره ببتسامه : اي والله حتى انتو منزمان عنكم
وجد : حرام عليتس ليه ماجبتي فرختس الصغير
اميره بضحكه : فرخي ؟
وهج : اي فرختس نقولها كذا شفيتس مستغربه هههههه
اميره : والله خليته في البيت مع ابوه
وجد ببتسامه : الله يخليهم لتس !
دق جوال وجد وردت
وجد : هلا
حاتم ببتسامة : ودتس ترجعين ي الشيخه وجد ؟
وجد ضحكت وقامت للمطبخ وقالت : ماودي تو جيت ليه شعندك مو في دوامك الحين ؟
اميره : يحلوها ههههههههه
وهج وهي تضحك : اي تعيش البدايات وجد
حاتم : الا بس اشتقت تصدقين ؟
وجد ابتسمت وبانت غمازتها وقالت : طيب تجي ؟
حاتم ببتسامه : جايتس يبنت مناحي تجهزي
ضحكت وجد وطلعت لهم وقالت : بنات انا بروح
وهج : اح اح تروحين عشان بو راس ؟ ههههه
وجد بضحكه : حرام في البيت لحاله
ريناد : اثقلي اثقلي
ضحكت وجد وهي البس عبايتها وكملو البنات يسولفون ، وهج : ماشش خفيفات انتي وريناد!
ريناد : تعقبين هههههههه
اميره دقت وهج وقالت : اي والله خفيفات
ريناد حزنت اول ماتذكرت حالها هي ومحسن وهي الي بدت تحبه بس تكابر ، طلعت وجد لحاتم الي في السياره ينتظرها ، وجد بضحكه : هاي
حاتم مسك يدها وقال : ارحبيي انشهد تو ترد روححي!
ابتسمت وجد وقالت : ايوه شعندك طالع من الدوام
حاتم بضحكه : اشتقت لتس يبنت مناحي !
وجد ببتسامه طيب وين نروح الحين؟
حاتم : وين تبين
وجد : نروح للبيت نتابع فلم
حاتم بضحكه : امنعيني من اجوا المراهقين ذي
وجد ضحكت وقالت : جرحتني زعلت خلاص
قرب لها حاتم  وباسها في خدها وقال : ابشري نروح البيت الحين وش تبين بس
وجد : جعلني ماانحرم ياعرربببب
مسك يدها وحطها تحت يده وبدا يسوق وهي تسولف له عن يومها في الجامعة ..
بعد ساعتين راحت اميره وقعدت وهج تسولف مع ريناد ، وهج : بنتت شفيتس من صبح احستس زعلانه
ريناد بضحكه : لا لا بس افكر في الاختبارات !
وهج : اي والله مالومتس صععبب!
ضحكت ريناد وقالت : معليه معليه الله يسهلها
وهج وهي تنعس : يلا بدخل انام انا
ريناد : يلا وانا بروح اذاكر شوي ،
عند محسن الي كان في الاستراحه حقتهم ولاحظ اشخاص غريبين لف على حاتم وقال : منهم ذولي ؟
حاتم بضحكه : والله مدري ي محسن جايبهم عقيل معه
محسن ماارتاح لهم ولف عليه واحد وقال : متزوج ؟
محسن بهدوء : ايه متزوج
غمز له وقال : كيف هي شق نتقاسمها ؟
محسن قام له بعصبيه وصفقه على وجهه وقال : محارمي لاااسمع طاريهم على لسانك سااامع!!!! كان دمه يفورر ويحترق اذا احد تكلم عن ريناد جاو 4 اشخاص وبدو يضربون حاتم ومحسن بس كانو اقوا محسن وحاتم وطرحوهم بس بصعوبه ، محسن وهو يمسح وجهه من الدم قال وهو يضحك : كفو يولد عمي
حاتم ابتسم وقال : كفوك الطيب
راحو يمشون وكان عقيل يفرع بينهم بس محد عطاه وجه ابداً ، رجع محسن البيت وهو حاط شماغه على كتفه ودق الباب
ريناد : اصبري شوي بيدي الكتاب
محسن تكى على الباب وفتحته وشهقت اول ماشافت وجهه مليان دم قربت له وقالت : بسم الله عليك من مسوي بك كذا ؟ ليتهم يسون كذا دايم وأشوفتس خايفه علي ! ريناد وهي تبكي : محسن مو وقتك وشفيك؟
محسن : ابد والله تهاوشت مع عيال وكفختهم وجيتس
ريناد سحبته ودخلت الغرفه وسكرتها وقالت : بزر انت ليه تتهاوش؟ محسن وهو مبتسم : يستاهلون يريناد
ريناد : خذت لها لصقه وقربت تمسح وجهه رفعت راسها وحط راسه عند نحرها واستنشق ريحه عطرها وقال : تشافيت الحين
ضحكت ريناد وقالت : قرب وجهك بس
قرب وجهه لها وكانت تتأمله وهي تحط اللصقات على وجهه خلصت وقالت : عورتك؟
محسن اشر بمعنى لا
ريناد : يلا نام وارتاح الحين الوقت متاخر!
محسن : مقدر انام نوميني
ريناد : ورع انت؟
محسن : راضي أكون ورع اذا بتنوميني في حضنتس!
ريناد ابتسمت وهي الي نست الزعل بعدها وراحت تنام .
اما عند وجد الي تغني وفتحت الباب وقالت : اخت مبارك صدق ، تكى حاتم يضحك عليها قربت له بسرعه ومسكت وجهه وقالت برعب : وش فيه ففمك ينزل منه دم ! حاتم : تهاوشت مع شله عيال انا ومحسن ، وجد قرب قرب بحط لك لزقه قرب لها ومسكت شفته تبي تحط له اللزقه وقرب لها والتهم شفتها بحبب كانت تحاول تمنعه بس مافكها لين سوا الي براسه .
خلص البارت شرايكم 😋❤️❤️❤️❤️
لاتنسون النجمه يحلويني 🌷.