في اعماق الحجيم

الـ بــارت الاول

شدن :: اركض بلفرع حافي وملابسي وصخه اريد العب طوبه ويا الولد وميخلوني ...

حمودي::ولي انتي بنيه مايصير تلعبين ويانا

شدن::نجب الاملح اني ولد مو بنيه

حمودي::لا أبنيه باعي شعرج طويل

شدن::خوش تانوني لا تلعبون هسه اجي ...دخلت للبيت اتختل رحت للمكنيه مال الخياطه مال امي اخذت المكص وجريت كصيبتي الواصله جوى رجلي

كصيتها وعفتها ع مكينه وطلعت اركض حتى العب وياهم ...يله العب صرت ولد

حمودي::اهوو وخري مانريدج ويانه الوصخه

شدن::حرك كلبي لميت حجار من شارع وضليت اشمر عليه سمعتهه بجه ويصرخ شردت للبيت

ركض لبدت جوى الدرج اكو حاويه فارغه دخلت ختلت بيها ....
شويه وسمعت الباب ندك واجت امي تصيح عليه تريد تكتلني

ضليت لابده بلكي يجي بابا ويحميني وصدك مالكتني لحد ماسمعت صوت بابا وطلعت ركض وراه همه شافوني وصرخو

ام مهيمن::وولج يمعزاايه شمسويه ولج ياهو كاص شعرج

شهيناز:: اوكفي ماما خلستيها

ابو مهيمن::وخري منها شبيج راح تخبلينها

شدن::ابوي لازمني وامي اجر بيه تريد تكتلني شافت الكصيبه ع الميز مال المكينه ضلت تلطم

ابو مهين::ياهو كص شعرج

شدن::بابا اريد العب ويا حمودي طوبه وهوه يكلي انتي بنيه شعرج طويل وكصيته ...ضربني راشدي لاول مره شكد اسوي مشاكل يسامحني بس هلمره ضربني

وراح الغرفته سحبتني اختي شهيناز رادت تضمني من امي بس مالحكت كامت امي وضربتها راشدي وسحلتني للمطبخ
تعصر بحلكي وتغلط وتكرص بيه وسجينه ع النار اني اكمز من الوجع سحبت السجينه وخلتها ع ايدي

صرخت بعالي صوتي طلع ابويه ودفع امي

ابو مهين:: انعل ابوج لابو الخلفج تردين تسودنينها شون تحركينها

ام مهيمن:: عووفني اموته فرفحت كلبي هلجلبه المسودنه

شدن::اخذتني شهيناز لغرفتنا فوك واني ابجي واصرخ من الوجع وابوي وامي اليتعاركون جوى

عفناهم وصعدنا عالجت ايدي ولفتها الي وهيه تبجي

شهيناز::ليش سويتي هجي انتي كبرتي عيب صيري عاقله

شدن:: اكرهكم كلكم ماتحبوني حتى انتي لان احلى مني ماتحبيني عفتها ورحت الجربايتي بس ما ابجي لا افكر شون اتشمت بامي باجر لان بابا كتلها حل تستاهل ..

اسمي شدن عمري7سنوات اختي شهيناز عمرها 11 اني اول بتدائي وهيه خامس
اخوي مهيمن عمره23 اخوي ارشد عمره19
ماعرف شنو سبب شخصيتي