#احببتها__قبل__اللقاء
بارت ٣١ و ٣٢
٣١
حيدر
بيوم جنت كاعد وصافن طالعه الدنيا من عيني متكاون وية رند الي راكبة راسها ومتقبل ترضى اجاني رياض سلم وكعد كال...ذيب مادكلي مو زواج واتزوجت بعد شتريد متحجي وية مرتك علمود اختها
حطيت ايدي على راسي...اوو والله ناسي سالفتك علقي مبند
...شبيك شعلامك ليش مبند
...لاهَيج ..ابشر يخوي اعتبرسالفتك محلولة
...كفو يابن عمي والله الكلب عشك هالبنيه مادري ليش
حجيت بشرود...عشكهم يذل
...افااا منهي تكدر تخلي الذيب بهالحالة
كتلة...عوفك مني
رند
كاعدة فوك واحس عقلي فارغ تعبت من كلشي مادري من وين التفت الاكيها خربانة من جهة عيالي شغل وتعب ميخالف بس عمتهم نوال مادري شبيها وياية عبالك ماخذة رجلها على كلشي تحجي وتسممني ولو اسوي شغله متعجبها وارجع اعيدها كم مرة صح عمتي ام حيدر والحجيةو البنات ميسكتولها بس متحجي يمهم اكثر شي من تستفرد بيه مكرهتني عيشتي من انزل جوة
.. ومن اصعد فوك حيدر الي ميتقبل فكرة اني مكاعد اتقبله ومتخبل حاليا بهالشهر كلمات الي حجيناها معدودة وهوة عيشته يصيح ومتوتر ويوترني وياه هو كلي على راحتج يمته متريدين نرجع بس تصرفاته عكس الي يحجي تعبت كلش من وراه
واليوم تعاركت وياه على شي تافه جدا لان نسيت ماكويتله الدشداشه تخبل وكام يصيح وانتي مومهتمة بيه وكام يحجي ونسه كل لاعتناء ولاشياء الي سويتهة اله وهوة يرداله حجه علية اني محجيت شي بقيت ساكتة لان ساكتة وشسوة بيه نوب احجي مصيبة
لبس غيرها وطلع وعافني كعدت ابجي معندي غير البجي افضفض عن نفسي لو انزل يم الحجية احجيلها وتنصحني وتهون عليه
العصر جنت كاعدة بالغرفه وهوة مااجه تغدة بالبيت
اتصلت بيه نرجس سلمت عليه وبقينه نسولف عادكلتلي...رنوودة اريد منج شغله
...خيرر مو مرتاحتلج
...هههه لاعابت قابل شعندي بس اريد رقم لو الفيس مالت حسسسن
...شنووة من كل عقلج دطيري يابة لوتموتين
...اهووو ذلينه نوب
...ول يابه اكعدي راحه هذول ميحبون هيج يمعودة عوفي هالعائله
...ليش شبيهم ولج ماسوي شي شبيج بس عندي فضول اتعرف علي
كتلها..دكافي كافي تزنين هسه ادزلج الفيس مالتة واحجي وياه بس اني معليه لادخليني مالي خلك مشاكل
...يووومة فديتج يعمري لامادخلج بالموضوع
...خلصتي مصلحتج
...هههه يروحي انتي معندي غيرج انتي وحسون
أنت تقرأ
احببتها قبل اللقاء
Romansaقصه شاب يتعرف على بنت موقع التواصل الاجتماعي وتبداء قصه حب بينهما هل سيتمر ام سفرقهم الاقدار
