فايا و هي بتغني: يا سبب كسرتي يا مقاسمني دمعتي بتضعفني في دنيتي و انا جنبك مش بخير و لا حاجة بتهمني طول ما انا شايفك بعيد
ليان: منك لله بوظتي ام الاغنية اصالة لو سمعتك هتنتهر اقسم بالله
غادة: ماهو الواد يا عيني ليه حق يطلقك كان شايل هم تقيل على قلبه و ساكت
يسرى: في ايه كلكم عليها و لا ايه ما البنت مضغوطة بردو هرمونات الحمل و طلاق و امتحانات سيبوها تفرفش عن نفسها شوية
فايا: حماتي القديمة اللي دايما بتنصفني و بعدين متتكلموش معايا اصلي و الله شوية و هعيط
غادة: انتي مال وشك اصفر كده ليه يا بت ده انتي شبه حبة اللمون
فايا: اتريقي اتريقي عليا
خلصت كلمتها من هنا و وقعت على الارض دايخة من هنا
قدام اوضة من اوض المستشفى كان كل فرد من العيلة واقف قدامها انس واقف قدام ليان و اسامة بيطمن في يسرى و غادة و روزا راحت للبيت عشان تجيب هدوم لفايا و عابد راح يخلص تكاليف المستشفى
بس اسد مكنش معاهم
بعد دقايق خرج الدكتور من اوضة الكشف و جريو عليه
اسامة: في ايه يا دكتور فايا مالها
الدكتور: ضغط دمها عالي جدا و نفسيتها مش احسن حاجة يا ريت تبعدوها عن اي ضغط هي دلوقتي فايقة و تقدرو تدخلولها بس الاحسن انها تقعد عندنا الليلة دي
انس: ماشي يا دكتور اللي شايفه صح اعمله
دخلو عليها و هي كانت ساندة راسها على ظهر السرير
فايا بخضة: بسم الله الرحمن الرحيم داخلين عليا كده ليه زي القضا المستعجل
غادة: كده يا بت الجزمة تقلقينا عليكي كده
انس: الف سلامة عليكي يا مرات الغالي
فايا: الله يسلمك يا جوز اختشي
اسامة: سلامتك يا فوفا
فايا: الله يسلمك يا شقيق ااا صحيح انا زعلانة منك متتكلمش معايا
اسامة: انا؟؟ عملتلك ايه
فايا: اسأل نفسك يا اخويا
يسرى: ما عليك منها دي هبلة
باسم: هرمونات الحمل هنعمل ايه
ليان قعدت قدامها و قالت: حبيب خالتو عامل ايه
فايا: متعبني ده بياكل كل اكلي
غادة: طول عمرك عمك على بطنك
قعدو يتكلمو و يهزرو مع بعض شوية كده و سمعو خبط على الباب
دخل اسد و معاه صافي اللي كانت شايلة الورد و راحت حطته جنب فايا و قالتلها: الف سلامة عليكي يا فايا متشوفيش شر ابدا
فايا: الله يسلمك يا صفية ااا نسيت يا صافي
اسد بجمود: سلامتك
فايا بتناكة: شكرا
اسامة: عن اذنكم انا خارج سلامتك يا فوفا يالا سلام
فايا: عننننندك اقففف ياض
اسامة: كم مرة لازم اقولك ان انا اكبر منك مش العكس
فايا: مش بالسن يا اخويا
اسامة: ها عايزة ايه
فايا: اقعد معانا اصلي هكشف عن جنس البيبي
اسامة: لأ انا مشغول هبقى اكلمك و اسالك
فايا: براحتك
ليان: فايا قالت براحتك ابقى اتاكد انك لو مفضلتش معانا الراحة دي هتطلع من عينيك
اسامة: انا هقعد بس بشرط
فايا: شرط ايه
قاطع كلامه دخول دكتور في اواخر العشرين و كانت حلوة جدا و اسامة فضل متنحلها
فايا: ياريت الاستاذ اللي فاتح بؤه يقفله اصل في دبان كتير اوي هنا و منهم دبانة كبيرة اوي ضاربة شعرها اكسجين
الدكتورة: الف مبروك يا مدام اتفضلي الورقة دي كتبتلك فيها جنس البيبي يتربى في عزك إن شاءلله
خلصت كلامها و خرجت و اسامة فضل يراقب فيها لحد ما قفلت الباب
غادة بصوت عالي: ياريت نلم نفسنا شوية
اسامة لا رد
غادة: انت يا واااد
اسامة: بتنادو عليا
يسرى: لا على اللي وراك
غادة: هبقى اخد منها رقم التيليفون متخفش
اسامة بضحكة خفيفة: مرات عمي الغالية
دخلت روزا و قالت: هلوووو
ليان: جيتي في وقتك
روزا باست فايا في خدها و قالت: الف سلامة يا روحي ان شاء الله العدوين
ليان و يسرى و غادة و فايا في نفس واحد: اميييين
اسد: مش هتفتحي الورقة دي انا عندي شغل
فايا: اللي مش عاوز يقعد يطرقنا برا
روزا: انا اللي هفتح الورقة
انس: لأ انا
ليان: و لا انت و لا هي انا اللي هفتح
اسامة: عمه هو اللي يفتح
فايا: ريحو نفسكم جده هو اللي هيفتح
باسم مسك الورقة بابتسامة واسعة و قراها و سكت
اسامة: في ايه يا بابا
فايا: هو انا مطلعتش حامل و لا ايه النظام
يسرى: يوووه ما تنطق يا باسم
باسم بفرحة: ولد و بنت
فايا: ايوة مفهمتش ايه جنس ام الواد اللي شيلاه
انس: انتي غبية و لا عندك خال اهبل بيقولك ولد و بنت يعني توأم
فايا: لالالالالا متفهمناش على كده انا عايزة واحد بس رجعو التاني
اسامة: هوما كيسين شبسي اعقلي يا فايا
بدات العيلة تبارك لاسد و فايا و اسامة استاذن و مشا
انس: بمناسبة التجمع العائلي السعيد ده غادة انا عايز اخطب ليان
غادة: ما انا عارفة ها يا ليان قولتي ايه
ليان بكسوف: اللي تشوفوه
روزا: يا اختتشي بطة
اسد: روزا انتي تغيرتي كتير اوي
روزا: هعمل ايه و انا كل يوم ارغي مع فايا لساني اتعوج
فايا: و انا مالي يا لمبي
انس: انا عايزة اعمل الخطوبة الاسبوع الجاي
غادة: مستعجل على ايه يا ابني
انس: و ليه العطلة بس يا طنط
اسد: انا مسافر اليومين دول و هاجي يوم خطوبتك
صافي: اصلنا هنقضي شهر العسل
فايا: خرجو العرسة دي من هنا بدل ما ضغطي يرجع يرتفع تاني و انا مش قادرة
صافي: هو انا قولت حاجة بس انا عذراك اصلي ست و عارفة لما النسوان تغير من بعضها
فايا شالت ابرة المحلول من ايدها و وقفت و هي ماسكة في طرف السرير لانها لسه حاسة بدوخة
فايا: اخرجي برا و متفكريش تيجي و تعملي معايا الواجب مرة تانية اصل الواجب ده ليه ناسه و انتي مش منهم يالا نفضي نفسك بقى و ورينا عرض كتافك
صافي: ايه الكلمات البيئة دي انتي هتبقى ام امسكي لسانك ده شوية
فايا: انا هاجي امسك في زمارة رقبتك لو مخرجتيش يا ام اربعة و اربعين انتي
بعد شوية خناقات خرج اسد و صافي و انس استأذن من غادة انه يخرج مع ليان بعد ما وصلها البيت هي و يسرى اما روزا فقعدت مع فايا
فايا بصت لروزا السرحانة و قالت: الجميل سرحان في ايه
روزا انتبهتلها و قالت: و لا حاجة في شوية شغل بس
فايا: هو ايه اللي خليكي تشتغلي الشغلانة القرف دي
روزا: مش هقدر افهمك دلوقتي
فايا: انا حاسة انكم مخبيين عني حاجة ايه هي الله اعلم
روزا: حاجة زي ايه
فايا: مش مهم قوليلي ازاي لحد دلوقتي مقبضوش على اسد و لا عليكم
روزا: اسد ليه عيون في كل حتة اي تحرك بنعلم بيه
فايا: طب حتى الشرطة معرفتش توقعكم في عملية
روزا: لأ احنا لينا جواسيس في الدخلية بتسالي ليه
فايا: استفسار بس متخديش في بالك
و في صباح يوم جديد
في القصر كانت صافي بتتكلم في التليفون و بتقول بعصبية: هي دلوقتي في المستشفى عايزة اسمع خبر موتها انا عارفة ان ده مش كان اتفقنا انا هبدل فلوس العملية بموت اللي اسمها فايا دي لا لسه بس هنفذ النهاردة انا عايزاك تأمنلي المكان عشان اقدر اخرج من مصر ماشي يالا سلام انا سامعة صوت خطوات بتقرب
دخل اسد و قال: كنتي بتعملي ايه
VOUS LISEZ
متاهة الحب في عالم الظلال
Misterio / Suspensoفي عالم مليء بالأسرار والخيانة، تتقاطع طرق ابطالنا. صلة غامضة تجمعهما، وماضٍ مظلم يهدد بالكشف. تتشابك الأحداث وتتعقد العلاقات، وسط أجواء من الشك والإثارة. ستكتشف في هذه الرواية الغامضة أن الأحداث ليست كما تبدو على السطح. ستنغمس في عالم المؤامرات وال...
