بارت50
_ بحار الاريد اگولة اتمنى ميأثر بعلاقتنه ولو هو لابد يأثر لان هالشي من حقچ بس الاريد اكولة انو اذا تتركيني اضيع بدونچ.. صدگي حبيتچ من كل گلبي
حسيت الموضوع خطر
قاسم بتوتر وقلق: بحر اني....
براء • كلش مدقوقة من جمال يريدنه نتزوج بس اخلص امتحاناتي واني رافضة احس روحي مامستعدة
_ جمال مامستعدة احترم قراري
جمال: براء صدگ تحچين صارلنه اشهر مخطوبين.. ماطلعت خطبة هاي وانتي كبرتي بعد ميحتاج نطول اكثر واني احبج ومستعجل عليج
_ بس اني ماريد هسة انتظر خليني ادخل للرابع وذاك الوقت افكر.. ماريد اتزوج بعمر هيچ صغير
جمال: اعرف والله وحقج متردين بس انتو من انطيتوني الموافقة ماگتولي انو حتطولين لهالدرجة اذا هيج احنه نتسمى محجوزين مو مخطوبين
_ يعني انته متريدني اصلا ولا تحبني بس تريد تتزوج مو صح
كلش عصبت وحز بخاطري هالشي مبين انو ميريدني لنفسي يريد بس يتزوج ويخلص
_ حبيبتي لاتفهميني غلط اني احبج الج والله بس هواي طولت خطوبتنه حيل هوواي وتعرفتي علية بعد ميحتاج نطول اكثر
_ لا جمال انته متحبني بس تريد تتزوج
عفته وطلعت دموعي يصبن واسمع صوته يندهلي بس تجاهلتة تماما
جمال • دمي فار من براء تجاهلتني وعرفت تفكيرهة شلونه عبالهة تريدني بس اتزوج متدري اني ميت عليهة وكلما اشوفهة واتقربلهة بحظن او بوسة ودي اعرس عليهة اريد استعجل لان ما اظن اكدر اسيطر على نفسي وياهة بكل مرة
زفرت بضيق وتعب المشكلة هي صغيرة واعرف بهالشي متفكر بكل النواحي تفكر بسطحية والتشوفة كبال عينهة...
دخلت بيبيتهة سندس گمتلهة سلمت عليهة
سندس: يا وين براء؟؟
_ احم طلعت
_ وليش طلعت شلون تعوفك هيج وتروح؟؟
ضليت ساكت وكالب وجهي
سندس: بلسانك حجي كول خالة شبيك؟
_ خالة براء متقبل تتزوج كتلهة على موضوع العرس انو نسوي هالشهر ورة متخلص امتحاناتهة وهي مترضة
سندس: معليك بيهة اني اقنعهة.. وثانيا وبعد ليش هالسرعة خو خليهة تخلص الوزاري وتزوجوا حته هي تكبر شوية وتستعد وتجهز على راحتهة
_ شوكت امتحاناتهة الوزارية
_ ما بقة شي شهر ونص شهرين ويخلصن
