𝟓𝟐𝟎𝟏𝟑𝟏𝟒 |oneshot

我爱你一生一世

●
𝓡𝓲𝓬𝓴𝔂
&
the birthday present
■

​မေလရဲ့ မိုးအစအနသည်..
West Virginia နယ်က ​တောင်ဇလပ်နီနီ​တွေ ခြယ်​သ​သော ဒီမြို့​လေးကို စို​ပြေ​စေပြီး ။

မြို့စားမင်းကိုယ်တိုင် တက်​ရောက်ချီးမြှင့်ရသည့် ​မွေး​နေ့ ဂုဏ်ပြုပွဲသည် တောင်ကုန်း​ပေါ်က ဒီစံအိမ်ကို အသက်ဝင်​စေသည်။

"သခင်​လေး Ricky အတွက် Appalachian pearl တစ်ဆင်စာ လက်​ဆောင်​ပေးအပ်ပါရ​စေ"

"၈ နှစ်ပြည့် ​မွေး​နေ့အတွက် ဂုဏ်ယူပါတယ် သခင်​လေး Ricky"

ရပ်​ဝေးက တော်ဝင်မျိုးနွယ်​တွေသည်လည်း အဖြူရင့်​ရောင် ရဲတိုက်ရဲ့ ​​ကျောက်သလင်း​လှေကားတဆစ်ချိုးမှာ လက်ပြနှုတ်ဆက်​နေ​သော က​လေးငယ်​ကို ​မြှောက်စားကြသည်။

ခက်ထန်​သော နှုတ်ခမ်းပုံစံနဲ့
ဒင်္ဂါးလို မျက်လုံးကြီးကြီး​လေး​​တွေသည်..

ဒီလူတသိုက်အား
သိပ်နှစ်လို​နေဟန် မပြ။

"​မြေး Ricky အတွက် အဘိုးက ​တောင်ပိုင်းက မီး​သွေးစက်ရုံကို အပိုင်စား​ပေးတယ်ကွာ"

​"ဒါ အန်တီတို့ သမီး​လေး​လေ သား Ricky နဲ့ ရွယ်တူ​တွေဆို​တော့ ခင်ခင်မင်မင်​နေ​ပေး​နော်"

​ဆွေမျိုးအရင်းနှင့် ​ဆွေမျိုးတဝမ်းကွဲ​တွေက သူ့ကို စိတ်ရှုပ်​စေရုံ တဝီဝီ နားပူသည်။

Ricky သည်..

ဒူးဖုံး​ဘောင်းဘီရဲ့ ​ဘေးစကို ကျစ်ကျစ်ဆုတ်ထားပြီး ။ လက်ဖျားဇာပွင့်​လေး​တွေ ​ဖောင်း​နေသည့် ရှပ်အင်္ကျီဖြူရဲ့ လည်တိုင်မှာ စည်း​ထားသော အသက်ရှူကျပ်​စေသည့် ပန်းပွင့်ပုံ ပိုးပိတ်စကို ဖြုတ်ချင်စိတ်​တွေ ​ပေါ်လာသည်။