عليّ ثوب الونــــين اشكثـــــــر .. حالي شباب وهل شبت مـــــــــــــــن دون .. حالي انشدچ على احوالچ مثــــــــــــــــــل .. حالي طايــــــــح والهموم اتشيل بيـه
ازهار : لا تحاول وياي انه ما اريدك كفاح كرهتك بسبب اخطائك و كل خطأ تعتذر يومية تأذيني بكلامك
كفاح : ازهار انتي جاي تخليني اضطر اكتلچ وما تخليني احترمچ
ازهار : ولك يومية نفس حچيك ترى والله آخذ جهالي واروح لبيت اهلي
كفاح : خايبة دطيري مو انتي بكيفچ تروحين لبيت اهلچ الفگرية الي ما يوكلونكم شي ترى ما مسوي شي لا تخلوني اسوي شي بروحي
ازهار : كفاح لا تغلط على اهلي يسوونك ويسوون راسك ولا والله ما مسوي شي بروحك بس يومية الگاك تتعاطى مخدرات ويومية الگة البطل مالت الشرب مذبوب بالحاوية
كفاح : بكيفي هاي حريتي الشخصية وما الچ اي علاقة
ازهار : اي وحريتك الشخصية تودينة بـ ميت داهية ما نعرف شتسوي تشرب وتجي تكتل واحد من جهالك ومن يجون الك الشرطة تگول الهم هاي امهم كتلتهم ادري بـ هاي السوالف من الطول للعرض كلهن لو من الگاك بال صالة تحچي وية صاحباتك بصوت ناصي وتسوي وياهن شغلات الله ما يرضاها
كفاح بنبرة عصبية. : انتي تراقبيني يعني !
ازهار. : لا ما اراقبك بس انته ما جاي تدري شتسوي بروحك لا تخليني اروح اشتكي لأمك وابوك عليك مو حسبالك انته چبير وتاخذ قراراتك بنفسك ترى والله اسويها شغلة قضايا
كفاح : يعني تريدين تذبيني بالسجن واخيس هناكه
ازهار. : ترى الي ينسجن يتأدب وياكل تبن وما يعيدها انته لا سجن يفيد بيك ولا تجاهل يفيد وياك انته شنو من بشر ؟
كفاح : ازهار روحي من گدامي لا والله اضل اكفر هسة
ازهار : لا والله تكفر مو انه اعلمك
سلمى ورا الباب هية وسهى
سهى : سلمى انة اخاف على بابا خاف ماما تسوي بيه شي
سلمى : سهى شنو هذا الحچي شو دسكتي عني خلي اروح لـ رنا اگول الها
سهى : شنو تگولين الها !!
سلمى : تحل الي الواجب
سهى. : عبالي على العركة
سلمى. : خايبة دولي شنو اني گراشة مثلچ
ازهار راحت للبنات :
بنات اليوم راح نروح لبيبيتكم اوكي بس لحد تكول لـ ابوكم اوكي
رنا : اي ماما
سهى : بابا انتة الي راح تودينة لبيت بييي ؟
كفاح : منو گال الكم راح تروحون
سهى : ماما گالت النا
كفاح : لا ما اكو هيچي شي ما تروحون لو تنگلب الإمة گلاب
سهى : بابا عفية لا تضوج ماما انة اضوج من هية تضل تبچي
كفاح : هسة دروحي ولا تخليني قسما بالله الباب ما تشوفينا بعد انتي وامچ
ازهار : انة رايحة لبيت اهلي
كفاح : رجعي الجهال وترجعين الجنط و اذا شفتچ خاطية خطوة وحدة والله اموتچ
ازهار : امشن امشن بنات ما اسمع حچايتك لو تموت
كفاح : يعني تعانديني
ازهار : اي وبعدين انته منو گال الك ؟
كفاح : بنتچ سهى
ازهار بعصبيه : انه اعلمچ سهى اذا ما اراويچ نجوم الضهر ما اطلع انه ازهار !
كفاح : امشن بنات الـ''''
ازهار : ماما روحو
كفاح : شوفي يا ازهار والله العضيم اذا ما رحتي تموتين بيدي اليوم
ازهار : تطردني من بيتي ومشبعني اهانات وغلط وتشتم اهلي واحد واحد انتَ شنو اريد افهم وتكتلني وتعذبني وتحبسني وما تخليني اشوف بناتي يالضالم
كفاح : بعد علي صوتچ عليي خلي الجيران كلها تفتر علية ولچ اذا ما اعيد تربيتچ من جديد ما اطلعة انة كفاح
فجأة بعد ما سمعنا صوت الصريخ والتعذيب توقف الصوت وما سمعنا صوتهم بعد
كفاح : ازهار گومي ازهار فدوة گومي انة شسويت بروحي گومي لا لا لا ولچ ازهارررر
سلمى بدموع : ماما راحت ماما ،
رفاه بصدمة : لا سلمى لا تحچين هيچي لا بنات عفية لا بنات اذا ماما تروح يعني راح نتطشر
رنا : بنات لا لا تگولون ماما ماتت ماما راح ترجع تمشط النا وراح تلعب ويانه لا تگولون هيچ عفية
دنيا : بنات شگد حلو اسم ماما كلش حلو يمثل الأزهار وماما احلى من كل الأزهار كلش حلوة وحبابة ويانة وتمشط النا ونروح للمدرسة وتدرسنا وتلعبنا وتوكلنا ماما حلوة
رفاه : بنات راح اروح اشوف شنو صاير هناكة اريد اشوف ماما وابواسها
دنيا : روحي
والصدمة
رفاه بدموع : دممممممم بنات دم هذا دم ماما وينن بنات لحگو هذا دمم ماما راحت ماما بعد ما موجودة
بعد 3 ايام من الفاتحة
ام ازهار : رؤية الجهال عدنة لو عند بيت جدهم يضلون
رؤية : لا خاي نخليهم عدنا لأن بيبيتهم تعبانة وعدهم هواية جهال همة
رؤى : يمه الجهال ينراد الهم مكان واحنة ما عدنا مكان حتى نخليهم بيه يعني البيت كلش زغير وبالگوة مكفينة شنو نسوي ؟
ام ازهار : لا اهة ناوية ابيع البيت حتى يكفينا كل احنا لأن خطية جهال مو بوعيهم وعدهم ثنين تؤم
بالگماط وين يروحون قابل يبقون وية ابوهم معناتها باچر نسمع وفاتهم
دنيا : بنات احنة وين راح نروح
رفاه : راح اعتقد نروح لـ بيت اهل ماما
دنيا : اي احس راح نروح الهم
اسد عبره وتطـــــــــير شكثر عبرات. النوايب من تصيــــــــب الغير عبرات. السفينه اول شبابي شلون عبرات. اخير الشيب تشله بالثنيه
_______________________________________
🌿الــخــاتــمــه،
اتمنى تحسون بـ شعور فقدان الأم ان شاء الله ينزل البارت الثاني بأقرب فرصة واقرب وقت
حساب الأنستقرام : anf0.0607
تاريخ النشر : 2024/5/16/الخميس،
