Kagabi, habang ako'y nagsta-stargazing,
May nakita akong bituing napakaningning
Sa lahat, siya lang ang naiiba
Dahil sa namumukod-tangi niyang ganda.
Ako'y napangiti habang aking tinititigan
Ang katangi-tanging bituing nagdulot ng kasiyahan
Habang tumatagal, gusto kong laging nasisilayan
Ang kanyang gandang hindi matatawaran.
Naisip ko bigla, ang bituing iyon ay parang IKAW
Na sa malayo ko lamang tinatanaw
Natanong ang sarili at ako'y nalungkot
May pag-asa pa kayang ika'y maabot?
Ako'y pumikit at sa bituin humiling
Na sana'y dinggin ang aking dalangin
Magkaroon sana ng tapang na sabihin
Ang nilalaman nitong puso ko't damdamin.