ضَـحـايـا آل عُـقـاب

بارت(3)

#ضَـحايـا آل عُـقـاب

بقلمي: رَحِـيـق رَعَـد 📝

قرأه مُمتعه للجميع:

꧁꧂
«رهف»

_سُرعان ما هدئت نبضات گلبي وتنفست براحه من گال

: المريضه متعرضه لضرب وتعنيف والشُرطه بهاي الحاله تضطر انها تتدخل حتى تعرف من منو جاي التعنيف

غياث: وينهُم الشُرطه؟

: ينتضرون المريضه تصحى حتى يحققون وياها

_اومئ غياث بتفهم تركنه المُمرض وراح لزم ايدي ورحنه يمها گعدت يمها بطرف السرير گلبي يوجعني من اشوفها بهلمنضر

بست ايدها اجه غياث گعد من الجهه الثانيه باسها بجبينها وصار يردد أيات قرأنيه دقايق صحت جُمانه

ركض غياث صاح الدكتور يجي يشوفها دخل الدكتور فحصها وابتسم گال

: لا بطله بطله الحمُدلله وضعها احسن

غياث: دكتور متأكد يعني مابيها شي

: لا الحمدُلله مابيها غير العافيه راح اكتب كم علاج جيبهن حتى اعلمك عليهن ويمتى تشربهن

: ماشي

_فجأه دخلو عساكر ثنين باوعتلهُم بخوف انصعقت من شفت ابويه داخل وراهُم وگف بأرتباك حچه واحد من العساكر

: آنسه جُمانه كريم تگدرين تگليلنه شنو الي صار وياچ بلضبط

_حولت نضرها لغياث وابويه رادت تحچي وگال ابويه

: هسه هيه تعبانه ليش ماتخلون التحقيق غير مره تره ماكو شي هيه طاحت وتأذت ماكو اي تعنيف بلسالفه

_غياث عيونه نطت راد يحچي لزمته جُمانه باوعلها اشرلته بعيونها يسكت وفعلاً غياث سكت
فكيت عيوني على وسعها من گالت

: مثل ما گال ابويه طحت من الدرج وصار هيچ چنه دنتشاقه انه واختي وصار هيچ

_باوعلها الشرطي بعدم تصديق لكنها اصرّت على كلامها ومن سألني بحكُم اني اختها انجبرت اني أييد كلامها
طلعو الشرطه راح غياث گدام ابويه وگاله بغضب

: ولله ثم ولله لو ما جُمانه طلبت مني ما احچي لأفضحك واخليك بلسجون تفتر من مُحامي لمُحامي حتى يطلعك