دخل اسد و قال: كنتي بتعملي ايه
صافي بتوتر باين: كنت بكلم صحبتي بس
اسد: انا خارج في شغل مستنيني ابقي حضري الشنط
صافي: حاضر من عيوني يا حبيبي
اسد خرج و هي اتنفست براحة و قالت: اخيرا كده هدور براحتي
راحت لمكتب اسد و قفلت عليها الباب و و نزلت كل الملفات من خزانة المكتب
انس: جايب امي هنا ليه خلتني اسيب البت و اجيبك
اسد: بطل تفاهة يا انس الخطة هتتغير
انس: حصل ايه عشان تتغير
اسد: مفيش وقت عشان احكيلك كلم ياسين و خليه يجيب الرجالة و يسبقنا و احنا هنيجي وراه
انس: انا مش فاهم و لا حاجة ايه التغيير المفاجئ ده
اسد بعصبية: يا انس مش وقته اعمل اللي قولتلك عليه و هقولك على كل حاجة في العربية
بعد سواقة دامت اكتر من خمس ساعات قدام عمارة في مكان مهجور و كان تقريبا السكان فيها شبه مفيش
ياسين: ندخل و لا نعمل ايه
اسد: و بتسألني كمان نفذ يا حضرة النقيب
ياسين: اللي تشوفو يا حضرة الرائد
اسد: انت غبي ياض عايز تكشفنا
ياسين: اسد الصياد بطوله و عرضه يقول ياض عجايب الزمن بقت تمانية
انس: ما انت لو شوفت مراته مكنتش هتقول الكلام ده ده عليها حتة لسان تحزمك بيه و ترقصك بيه
اسد: احنا هنسيب العملية و نتكلم على مراتي و لسانها و بعدين انتو مالكم بيها
روزا: اسفة على التاخير
اسد: يا اهلا يا اهلا لسه فاكرة تيجي يا حضرة الظابط
روزا: اعمل ايه وصلت فايا و جيت على طول بعدين انتو اللي غيرتو في معاد العملية اعمللكم ايه
اسد: هي كويسة عاملة ايه اكلت؟؟
انس: عم النحنوح ادخل و حياة النبي سيبنا نخلص ام العملية اللي فضلت 3 سنين دي
دخلو العساكر للمبنى و فتشوه اوضة اوضة بس ملقوش حد
ياسين: يعني ايه مفيش حد احنا كنا وراهم و انا شايفهم داخلين هنا
روزا: يبقو اكيد شمو خبر بان احنا جايين
انس: يعني ايه فشلنا 3 سنين راحو على الفاضي
اسد: تعالو هنا
انس: في ايه
اسد: الخزانة
روزا: مالها
اسد: شكلها جديد ده حتى مفيش قطعة اثاث في العمارة دي
ياسين شاور للظباط انهم يشيلوه و اتضح ان في باب وراها
انس: يا ابن الجنية
دخلو العساكر بسرعة و رفعو سلاحهم على اللي كانو جوة
اسد بخبث: يا اهلا بصاحب العمر شاهد
شاهد بابتسامة مكر: اهلا بيك يا اسد مش كنت تقول انك جاي كنا فرشنا الارض ورد و لا عملنا استقبال يليق بمقامك
اسد: انا مش جاي اضيف و لا اشرب شاي معاك
شاهد: هدى نفسك كده ده انا حتة كنت عاملك مفاجئة
شاور لحد من رجالته و بعد دقايق دخل و هو ماسك فايا المربوطة
اسد بصدمة: فايا
شاهد: ها قولي عجبتك المفاجئة
فايا: و حياة امي يا شاهد vip انت لوريك يا عصاية النقاريه يا فستان سواريه و بقى جلابيه يا جربان يا عدمان يا كرسى خرزان يا رد الرد يا مصطبه هد يا منجلاسيه و عطب يا فرو شيك و رطب يا .......
اسد: اخرسي بقى ايه متجوز رداحة انا ما تقومي ترزعيه بوكس قدامي احسن
فايا: كان بودي و الله بس نعمل ايه و بعدين بتزعقلي ليه مش كفاية ام اربعة و اربعين اللي اداتلك على قفاك يا زعيم
شاهد: اسكتي صدعتيني
و قبل ما يكمل كلمته ضربو اسد بالنار في رجله
و قاله: لسه ما اتخلقش اللي يزعق على مرات الافعى
و بدأ اطلاق النار المتبادل بين الطرفين
فايا لقت مسدس على الارض و قالت في نفسها: هما بس اللي يضربو ما اضرب انا كمان هي جات عليا يعني ما كله يضرب في بعضه
انس: بص المجنونة اللي متجوزها بتعمل ايه
اسد بص وراه و لقا فايا بتضرب بالنار معاهم و قال: يا مرك الطافح يا اسد خرجها من هنا بدل ما اقتلها و اخلص
انس قرب منها بحذر و قال و هو ماسك المسدس: يالا عشان نخرج من هنا المكان مش امان
فايا: لا يا عينيا اخرج انت لوحدك انا قاعدة هنا و متبتة كمان
انس: يا بنتي يالا اسد لو جرالك حاجة هيعلقني اقسم بالله
دفعته بقوة و راحت قدام اسد و كانت رصاصة هتيجي فيه من مسدس صافي و خدتها مكانه
اسد: فاااايا
وقعت على الارض و دمها مغرق المكان وقف اطلاق الناؤ بعد ما شاهد استسلم هو و رجالته
انس: فوق يا اسد خرجها بسرعة انت لو فضلت كده هتخسرها
شالها بسرعة و اداها للمستشفى بتاعت اسامة
اسامة: في ايه
الممرضة: يا دكتور في واحد قاعد بيزعق تحت و بينادي عليك
اسامة: ليه هو حصل حاجة لكل ده
الممرضة: معرش هو شايل بنت تقريبا اسمها فايا
اسامة خرج يجري و راح للاستقبال و قال: ايه يا اسد فايا مالها
اسد بغضب و زعيق: مش وقته شوفها بسرعة
اسامة شال فايا و اداها على طول للعمليات
عدى ساعتين و وصل انس و روزا و اسد قالهم انهم ميقولوش لحد عشان ميقلقوش عليها
انس: هما بقالهم قد ايه داخل
اسد بعصبية: داخلين على الساعة التالتة
روزا: اسامة خرج اهو
اسد: اسامة فايا كويسة
اسامة: هتقعد في اوضة الانعاش لحد ما تستقر حالتها بس للاسف احنا خسرنا الولد
اسد: مش مهم المهم انها بخير
و بعد شوية انس و روزا خرجو من المستشفى و روزا راحت لمركز الشرطة و انس قال لغادة ان فايا راحت مع اسد
و بالليل دخل اسامة عشان يطمن على فايا و دخل معاه اسد
اسد: لسه زعلان مني
اسامة من غير ما يبصله قال: و ازعل ليه هو انت عملت حاجة تزعلني
اسد: ما انت عارف اني كان لازم اعمل كده
اسامة: احنا اتفقنا على اننا نتخانق بس القلم ده كان لزمته ايه
اسد بضحكة خفيفة: عشت في الدور معلش قلبك ابيض بقى
اسامة: ماشي سماح المرة دي
اسد: ها قولي حالتها بقت عاملة ايه
اسامة: تقريبا شبه مستقرة لازملها اكل صحي و راحة عشان تعوض الدم اللي نزفته
اسد: انا مش عارف دماغها دي فيها ايه
اسامة: فكر بقى ازاي تشرحلها الموضوع يا اسد باشا
اسد: دي هتاكلني لما تعرف
اسامة بضحكة: قلبي عندك و الله يا اخويا
روح اسد للبيت بعد ما اقنعوا اسامة ان وجودو ملهوش لزمة خصوصا ان مفعول البنج هيقعد لغاية بكرة
خد دش خفيف و فضل يفكر ازاي يصارحها لحد ما غلبو النوم
صحى على صوت موبايله
اسامة: فايا قامت يا اسد تعالى شوفها
لبس هدومه و ساق بسرعة وصل و وقف قدام الباب و حط بيرفيوم
اسامة: هو انت رايح تخطب يا عم ادخل الله لا يسيئك
دخل اسد بهيبة و لما شافته قالت
فايا: ...........
VOUS LISEZ
متاهة الحب في عالم الظلال
Mystery / Thrillerفي عالم مليء بالأسرار والخيانة، تتقاطع طرق ابطالنا. صلة غامضة تجمعهما، وماضٍ مظلم يهدد بالكشف. تتشابك الأحداث وتتعقد العلاقات، وسط أجواء من الشك والإثارة. ستكتشف في هذه الرواية الغامضة أن الأحداث ليست كما تبدو على السطح. ستنغمس في عالم المؤامرات وال...
