قدر مراهقة 2

الجزء 47

#قدر_مراهقة2
#ميرال_مجد
#بقلم_فريال
الجزء 47
نوضييييي اذا مش على جالي على جال لولاد راهم هابلين بلبكا ماعليش اذا مش على جالنا على جال رشيد ياك تحبيه هاه شوفي كيفاه راهو يبكي ترضايها انت راجلك يبكي عليك وانت راقدة مجاياش اماما متصلحش خلاص هيا نوضي راني بديت نخاف نوضييييي نووووضييييي متخوفينيش نوضييي يا ماما شكون بينا نوضي خليني نسمع صوتك نوضي شوفي ناس كامل الي تحبيهم جاو هيا نوضي متخليناش وحدنا في وسطهم. تكيت قدامها حضنتها وبقيت نعيط ونبكي مقدرتش مقدرتش كلش كلش وفقدانها صعيب ومبغيتش نصدق. بكيت بكيت بكيت بكيت وكي مبغاتش تنوض وليت نعيط بأعلى صوتي ياماما وين روحتي وخليتيني ياماما بلا بيك منقدرش نعيش ياماما علاه خليتينا يتامى من وراك نوضييييييييييي قولتلك نوضييي اذا مش على جالنا نوضي على جال ريتال صغيرة متقدرتش على فراقك شكون بيها وهي مزالت صغيرة علاه روحتي علاه. نبكي ونعيط حتى لقيتهم طلعو كامل خالاتي نسا خوالي وعمومي بابا قرب يجبدني عليها مقدرش لصقت فيها انا من جيهة واسيل وريتال من جيهة رفدوهم خليل ووائل بعدوهم على ماما باش يهزوها تتغسل ويصلو عليها في الجامع انا مقدروليش كيما حاولو معايا والو مقدروش لصقت فيها بيديا ورجليا مبغيتش نبعد خايفة يكون اخر حضن ليا ومنزيدش نحضنها حابة نشبع منها ونستغل كل لحظة تمر وهي قدامي حتى ومهيش تتحرك بصح المهم نحضنها انا، كي عياو معايا عيطو لمجد في بالهم راح يقدر يقنعني لانو اسيل طلع راجلها وهو الي خرجها من شومبرة بقى يواسي فيها كل واحد كان مع شريك حياتو من غير ريتال الي قعدت في حضن هاجر وبابا كان وحدو اما انا فكنت رافضة اي واحد يقربلي مام مجد كي جا مبغيتش نسمعلو لصقت في ماما حتى بعدني بالقوة عليها لتم هبلت نعيط ونبكي ونضرب فيه ونعافرو بصح مقدرتلوش يبقى راجل وبنيتو الجسمية اقوى مني بقا محضني وانا نعيط ونبكي ونتخبط وحدي وهوما استغلو الوضع ورفدو ماما وخرجوها من دار وانا مقدرتش نلحقها رجليا فشلو نبكي ونقولو علاش علاش بعدتني عليها علاش مخليتنيش في حضنها علاه حرمتني منها حرام عليك، بقا محضني وساكت ماقال والو كي شافني هديت شوي ناض خرج وخلاني جاو خواتاتي حضنوني وبقاو يبكيو انا كي شفتهم هكاك هبلت تاع صح نضت نتخبط ونعيط ونقولهم بلعو بلعو ماماتتش راهي عايشة بلعو بلعو كانت راقدة برك حنا مانعرفوش مليح ذوك يدوها لطبيب ينوضها بلعو متبكيوش بلعوووو.
#فريال