#بستان الضلمات للكاتبه زهراء.
"" "" "" "" "" "" "" "" "" "" "" "" "" "" "" ""
- يا ليتها كانت الليلة الأخيرة التي سأغمض فيها عيناي، وينتهي كل هذا السواد والظلام الحالك اسفل عيناي، والمستقر للأبد في قلبي المثقوب.
"" "" "" "" "" "" "" "" "" "" "" "" "" "" "" ""
مريم:: حسيت الدنيا تفتر بيه من كد الضرب ومن شفت بيده التيزاب فتحت عيني بصدمه وامي خطيه لاحوله ولاقوه الها اجه ابوي عليه يريد يحركني.
كمت ادافع عن نفسي ماكدرت لان هو كلش قوي وانا ماكدر.
صيحت على امي ماكو باوعلي ابوي واردف..
امج فقدتها الوعي وهسه انتِ راح احركج واغسل عاري..
باوعتله بحقد حراام تسمى اب يا ضالم وين تروح من عقاب ربك حسبي لله عليك.
وما احس اله ذب على ايدي التيزاب.
التيزاب حرك ايدي خلاني اتلوى بالكاع واصرخ وماكو احد يجي يساعدني..
طلع ابوي بعد ما عذبنه عذاب ايدي موتتني من الوجع ومحد يمي..
اجت الي امي وهي خطيه خشمها ينزف دم ومن شافتني بقت دك وتلطم وتصرخ للجوارين..
ام مريم:: بنتي بيا ذنب تتعذب حسبي الله ونعم الوكيل عليك ياضالم..
حبيبتي كومي يمه اتحملي الوجع هسه اخذج للمستشفى..
مريم:: يمه ما اتحمل ما اتحمل يمه اذا امووت اخذي حقي من عنده.
ام مريم:: بنتي انغمى عليها عفتها وطلعت للجوارين.
دكيت الباب عليهم طلعلي ابنهم الجبير وسولفت اله كل شي الي صار وياي.
والف الحمدلله طلع خوش ولد واجه ساعدنه.
خذانه للمستشفى ومريم مغمي عليها وايدها اشوهت من الحرك..
الولد استغرب من وضعنا و اردف خاله جا ابو مريم وين..
يا خاله ابو مريم هو الي عذبنا وحرك مريم بيدها.
فتح عينه بصدمه معقوله اب يسوي هيج بـ عائلته؟
هزيت راسي بقهر ايي يا يمه اب ضالم وان شاء الله اشوف بي يوم.
راح الولد وبقيت كاعده وحدي وشوي والمح شاهر و ساره..
رحت الهم ومن شافو حالتي اتفاجو..
شاهر:: هاا خاله سلامت صاير شي؟
ياخاله شسولفلك على ضيمي ياخاله ابو مريم عذبنا وذب على ايدها تيزاب..
ايد بنتي الترفه اشوهت مريم الي ما اخليها تشتغل شي بالبيت وانا مدللتها..
شاهر:: فتحت عيني بصدمه شنوو وحق ربج يا خاله اذا ما اخذ حقج وحق مريم من عنده ما اطلع انا شاهر وهاي شورابي مو عليه اذا ما حركته..
ساره:: ياخاله مايضيع حقج ويجي يوم ويضوك نفس العذاب الي تعذبتو..
ام مريم:: اخخخ ياوجع كلبي من اذكر شلون جان يعذبنا..
شاهر:: وهسه وين راح الحقير؟
ام مريم:: ياخاله طلع مادري وين بس اول وتالي يرجع للبيت لان ماعنده مكان يروح بي..
