فايا: اهلا اهلا يا سبعي يا قرة عيني يا دكررري
اسد باستغراب: مالك يا فايا انتي بتتكلمي كده ليه
فايا: انا اتكلم زي ما انا عايزة ملكمش دعوة بيا بقى
اسد: انتي شكلك اتجننتي او الرصاصة اثرت عليك
فايا: بص بقى من الاخر انا هخرج من هنا و هتاخدني مكان بنت الكلب الزبالة اللي اسمها صافي
اسد: و هتروحي عندها ليه
فايا: اديها علقة محترمة انت ناسي ان بسببها خسرت ابني و لا انت ميهمكش ااا نسيت اصلها الحب الاول و ولادك مش مهم بقى يعيشو و لا يموتو
اسد: اولا البيبي اللي مات ده قضاء و قدر ربنا مش هنعترض تانيا بقى انتي عندي اهم من كل حاجة تالتا و ده الاهم ان صافي مش حبي الاول انا كنت عامل خطة عليها عشان عارف انها تعرف مكان شاهد اللي احنا مقدرناش نوصله انا كنت عارف انه هيعمل اي حاجة عشان يوصل للورق اللي عندي فروحت و رجعت صافي على ذمتي عشان اختصر الطريق عليا و عليهم كل اللي حصل كان لعبة مني بس مكنتش عارف انك بالجنان ده و هتهربي على فكرة انتي بوظتي نص الخطة بهبلك ده
فايا: هو انت الغلطان و جاي تلصق الغلطة فيا انا
اسد قعد قدامها و مسك ايديها و قال: انا بعترف يا ستي اني غلطان
فايا باحراج: عيب يا اسد انا
اسد: انتي ايه بصي يا فايا احنا من يوم ما اتجوزنا و المشاكل بتحط فوق راسنا وحدة ورا التانية و جا الوقت اللي ننسى كل اللي فات و نرجع لبعض
فايا: و انا بقى مش موافقة اننا نرجع انت كدبت عليا و كنت مفهمني انك زعيم مافيا و الحاجات دي و انا كنت فاكرة اني هعيش اكشن و كده
اسد: ما انا ظابط في المخابرات و هتعيشي معايا الاكشن متخافيش و لو على الكدبة انا اسف يا ستي بس التعليمات قالت كده
فايا سكتت و هو كمل و قال: انا عارف انك بتسألي ليه اسلوبي متغير معاك الفترة الاخيرة بس ده غصب عني و اللهو
فايا: الحياة ابسط من اني اسألك ليه مغير اسلوبك معايا داهية تاخدك انت و اسلوبك في يوم واحد قادر يا كريم
اسد: اعملك ايه يعني اسف و اتأسفت كلام حب و قولت اعمل ايه اكتر من كده
الجد حسن: متعملش حاجة انا اللي هعمل
الاتنين في صوت واحد: جدو حسن
حسن: اسيبكم اربع شهور بس كل ده يحصللكم
اسد: كل حاجة هتتصلح ان شاء الله
حسن: عاملة ايه يا فايا
فايا: الحمد لله عندي شوية حياة في مشاكلي
حسن لاسد: هي البنت داخلة على اكتئاب و لا ايه
اسد: علمي علمك يا جدو
روزا دخلت و قالت: الف سلامة عليكي يا قلبي
فايا: الله يسلمك يا حبيبتي
ياسين حط ورد جمبها و قال: الف سلامة يا مدام فايا
انس: ده انتي حتى ملحقتيش تخرجي من المستشفى دخلتيلها تاني لا و المرة دي العمليات و الانعاش تطور ملحوظ المرة الجاية على فين بقى
فايا: القبر
روزا: بعد الشر ايه الكلام ده
فايا: ما انتي شايفاه بيقول ايه
روزا مسحت وش فايا بإديها و قالت: ده انتي منطفية خالص وشك تعبان اوي
فايا: انا مش انطفيت بس ده في حد جه و قطع الكابل العمومي عني
اسد: و ايه كل الهالات السودة اللي تحت عينيكي دي
على فكرة شكلك وحش اوي
فايا: كنت بحشش عندك مانع و بعدين انت مالك هو شكلي و لا شكلك
اسد: انتي مراتي و شكلك يهمني
فايا: ما تقولش كلمة مراتي دي بتعصبني
اسد باستفزاز: مراتي
حسن بصلهم بملل و بعدين قال: كلمتو الباقي
انس: لا لسه
حسن: احسن عشان ميقلقوش عليها
ياسين بهمس: ها يا اسد عملت ايه مع المدام صالحتها و لا لسه
اسد: صالحتها ده ايه انت مش شايف بتتكلم معايا ازاي و لا كأني قتلتلها حد من عيلتها
ياسين: شايف يا اخويا شايف
اسد: عشان لما ابقى اقولكم ان لسانها طويل متقولوش ان انا ظالمها انت شوفت بعينك
و كمل قال بغرور: بس في الاخر هي اللي خسرانة مش هتلاقي حد غيري انا متعوضش
فايا: و الله و لا تتعاشر
حسن: انتو هتفضلو تتخانقو زي العيال كده
فايا: ما هو اللي قارش ملحتي
اسد: انا اللي ظالم و انا اللي فيا كل العبر و انتي المظلومة يا بريئة هانم
فايا: و الله انا ماسكة نفسي و هادية فمتخرجنيش عن شعوي بقى
انس: و الهدوء اللي انتي فيه يا ست فايا ثقة و لا غرور من عندك
فايا: ده قرف عارف القرف
ياسين: بسم الله ماشاء الله عندك سرعة رد خارقة متسيبيش حقك ابدا
روزا: دي ساكتة انت مشوفتش ردها اللي على اصوله
فايا: بذمتك دي اشكال يترد عليها
روزا: طبعا لأ
بعد يومين خرجت فايا من المستشفى و روحت على القصر و هناك كان الكل مستنيها
غادة: هو فين الواد اسامة
اسامة: انا اهو في حاجة يا طنط
غادة مدتله ورقة صغيرة و هو قال باستغراب: ايه ده
غادة: يووووه شوفو الواد ده الرقم بتاعت البت الدكتورة اللي كنت عايزه انت نسيت و لا ايه
اسامة بفرحة: بجد
غادة: اومال بهزر
يسرى: شوفي يا اختي الواد عيونه بطلع قلوب ازاي
غادة: شايفة يا اختي شايفة
بعد ثلاث اسابيع في قاعة الافراح
فايا: في عروسة بطنها تبقى مترين القدام كده
نرمين: مترين ايه يا فايا ده انتي ارفع مني
يسرى: يالا يا بنات عشان تنزلو
روزا: جايين اهو يا طنط
ليان: المكياج مش عاجبني
فايا: دي المرة الخشرومية اللي تقولي فيها الكلام ده
روزا: بقولكم ايه انا نازلة عند جوزي
نرمين: خديني معاكي
ليان: و انا كمان
نزلو و فايا فضلت بصالهم و قالت: متصربعين على ايه يا حسرة اهو على رأي المثل يا اللي فاكرة الجواز كلام معسول بكرة هتلقيه توم و بصل مفروم
ضبطت نفسها و خرجت
الجد سلم لكل واحد عروسته و عدى الفرح بسلام وسط ضحك و فرحة كل العيلة
اسد: يالا عشان نروح
فايا قلعت الجزمة و قالت: ياااه انا تعبت جدا
اسامة: طب حتى كنتي استني تركبي العربية و تقلعي الجزمة عشان اللوك بتاعك طيب
فايا: يولع اللوك المهم راحتي
انس: يالا نركب العربية
أنفال (انا يا جماعة): اخس عليكم هتروحو قبل ما اباركلكم
اسد: يا اهلا بأم المصايب
أنفال: و انا مال امي اتلهي بمراتك كفاية عليك
اسد: ما كنتي تخليها عاقلة شوية اشمعنى يعني كل واحد مراته هادية و عاقلة الا انا
فايا: تقصد ايه بكلامك ده يا اسد يعني انا مجنونة
اسد: ده انتي ست العاقلين
جات وحدة من وراهم و سلمت على اسد و قالت: مبروك يا اسد بجد فرحتلك جدا
فايا بصتلي و قالت: مين دي
رفعت ايدي و قولتلها: بريئ يا بييييه برييييئ و الله ما كنت حاطتها في الرواية شوفي جوزك جابها منين
اسامة بحماس: كده ولعتتت
اسد: ولعو فيك يا بعيد اسكت
فايا: طلقني طلقننننني يا خاين
اسد حط ايده على دماغه و قال: ااااه يا مجنونة انا ايه اللي خلاني اتجوزك
فايا: عشان بتحبني يا اسودة
انس: و الله يا افعى بقى يتقلك يا اسودة الدنيا جرالها ايه بس
اسد: اخرس انت
انس: هو انت مقدرتش على الحمار جاي تتشطر على البردعة
فايا: تقصد ان انا حمار مش كده
بصيتلهم و قولت بصوت عالي: بااااااس ايه بالعين راديو يالا كل واحد ياخد مراته و يروح بدل ما اخلي نيزك يقع علينا و نتهنى كلنا
و في ثواني كانو كلهم ركبو العربيات
بصيت للكاميرا و قولت: شوفتو انا مسيطرة ازاي
وقف المخرج في نص الاستديو و سقف و قال: هاااايل هاايل يا فنانة
احب افهمكم ان نهاية رواية متاهة الحب في عالم الظلال كانت عبارة عن مسلسل حبيت اغير شوية
و بس كده تكون خلصت روايتنا اتمنى من ربنا انها تكون عجبتكم استنوني في رواية جديد
بحبكم اوي سلااام ♥♥♥
VOUS LISEZ
متاهة الحب في عالم الظلال
Misterio / Suspensoفي عالم مليء بالأسرار والخيانة، تتقاطع طرق ابطالنا. صلة غامضة تجمعهما، وماضٍ مظلم يهدد بالكشف. تتشابك الأحداث وتتعقد العلاقات، وسط أجواء من الشك والإثارة. ستكتشف في هذه الرواية الغامضة أن الأحداث ليست كما تبدو على السطح. ستنغمس في عالم المؤامرات وال...
