အချိန်အားဖြင့် မနက် 8နာရီခန့်ရှိပြီ။ဘုန်းတည်ကြည် သည် ခြံထဲတွင်ထိုင်၍ဝထ္ထုဖတ်နေခြင်းဖြစ်သည်။ဖုန်းမှလည်း သီချင်းဖွင့်ထားသည်။ဘေးအိမ်မှ ဝုန်းဝုန်းဒိုင်းဒိုင်း
ဆူညံနေသံများကြောင့် သီချင်းအသံကိုလျော့လိုက်သည်။
"အင်း..ရန်ဖြစ်နေကြပြန်ပြီထင်ပါရဲ့"
စိတ်ထဲမှပင်တွေးလိုက်မိသည်။ဆူညံသံများကိုမကြားလို၍လည်းကောင်း၊ဝထ္ထုထဲသို့ပြန်၍အာရုံစူးစိုက်မရတော့သောကြောင့်လည်းကောင်း အိမ်ထဲပင်ပြန်ဝင်လာခဲ့သည်။
"မေမေတောင် သားကို ထွက်ခေါ်မလို့ ကိုထူးအောင်က ရန်ဖြစ်ရင် ဘေးမှာတွေ့တဲ့သူကိုပါ ရမ်းတတ်တာလေ။ခုလည်း သူမကောင်းတာပါလေ။မရင်သူက သူ့တစ်ဦးတည်းညီမလေးကဆုံးသွားလို့ သားလေးကျန်ခဲ့တာရယ်။အဲတာကို အိမ်မှာခေါ်ထားခြင်တယ်လေ။သူတို့လည်း စီးပွားရေးအဆင်မပြေတာမှမဟုတ်တာပဲ။တစ်ဦးတည်းသော တူလေးပဲဟာကို မရင်သူတို့မှာလည်းသားသမီးမှမရှိတာကိုကွယ်"
မေမေကတော့ အမျိုးသမီးတို့၏ထုံးစံအတိုင်း ပြောနေပါတော့သည်။ဘေးအိမ်မှဆူညံသံများမှာလည်း ရပ်မသွားပါချေ။တည်ကြည်စိတ်ရှုပ်လာ၍ မြို့ထဲသာထွက်လာခဲ့လိုက်သည်။
______
လူငယ်တစ်ဦးသည် လိပ်စာရေးပေးလိုက်သော စာရွက်ကို ကိုင်၍အူလည်လည်ဖြစ်နေသည်။ရန်ကုန်ဟူသော မြို့ကြီးမှလာသော သူသည် ဤမြို့ငယ်လေးရောက်မှ မျက်စိလည်နေပါရော့လား။ပုဂံလမ်းဟူသည်က မည်သည့်နေရာတွင်ရှိသည်ကို သူမသိပါ။လမ်းသွားလမ်းလာဟူ၍မေးရအောင်မှာလည်း သူသည်မသိသောသူများကို စကားမပြောခြင်။
"ဒါကိုကို့ကြောင့် ကျောင်းကိုဘာလို့ဒီမြို့သေးသေးလာတက်ခိုင်းတာလည်းမသိဘူး။နယ်မြို့လေးမလို့သာပဲ ဆူညံနေရော။ဒီတိုင်းနေရင်လည်းမရပါဘူးလေ တစ်ယောက်ယောက်ကိုမေးမှရမယ်"
သူစဉ်းစားနေစဉ်ပင် မြင်ကွင်းထဲသို့လူတစ်ဦးဝင်ရောက်လာသည်။အသားညိုညို အရပ်မှာအရမ်းမရှည်သော်လည်း အမျိုးသားတစ်ဉီးတွင်ရှိသင့်သည့် အရပ်နှင့် ခန္ဓာကိုယ်အချိုးအစားရှိသည်။
YOU ARE READING
Building with love (ချစ်ခြင်းဖြင့်ဖွဲ့စည်းသော်) Uni+Zawgyi
Romanceဘုန်းတည်ကြည်+အောင်ထင်မြတ် ကျောင်းတဲ့နေစဉ်ကာလတည်းက မရှုပ်မရှင်းဖြစ်ခဲ့တဲ့ သူတို့ရဲ့ အချစ်ရေး ကိစ္စတစ်ခု။နှစ်အနည်းငယ်အကြာ အရင်ကကျောင်းတူတူတက်ခဲ့တဲ့ မြို့လေးမှာ နှစ်ယောက်ပြန်ဆုံကြရာမှ သူတို့ဇာတ်လမ်းလေး ဘာဆက်ဖြစ်ကြမလည်း။ ငြိမ့်ငြိမ့်လေးနဲ့သွားမှာမို့ အေ...
