"သားရေ မရင်သူရဲ့တူလေးရောက်နေပြီတဲ့။ကောင်လေးက 8တန်းတက်ရမှာတဲ့ သားရဲ့။သားက ခုနှစ် 8တန်းသင်ရမှာမလား"
"ဟုတ်တယ် မေမေ ဘာလို့လဲ"
"မရင်သူရဲ့တူလေးကို ခုကျောင်းမဖွင့်ခင်လေး စာလေးတွေကြိုသင်ပေးလိုက်ပါ့သား။ကလေးက ထက်မြက်မဲ့ပုံလေးပဲ"
"အင်း ဟုတ်ပါပြီ မေမေ"
သူလည်းအလုပ်မရှိသည်မို့ စာသင်ပေးမည်ဟုပင်ဆုံးဖြတ်လိုက်သည်။ကောင်လေးမှာ မနေ့ကမှရောက်သည်ထင်။ခုနေ့နေ့လည်အထိမတွေ့ရသေးပေ။စာသင်ဖို့ရာ မနက်ဖြန် မနက်8နာရီလာခဲ့ရန်ခေါ်ထားသည်။လာသည်မလာသည်ကတော့ သူ့အပိုင်းပင်။သူတွေးနေစဉ်ပင် ဖုန်းဝင်လာသည်။ထင်သစ်ဆီမှပင်ဖြစ်သည်။
"အေး ပြော"
"ဟျောင့် ခုနေ့ အောင်ထင်မြတ်ညီလေး ငါတို့ဆီကိုလာတယ်ကွ"
နာမည်ကြားရုံဖြင့်ပင် အရင်အတိတ်မှအမှတ်တရအချို့မှာပြန်လည်ပေါ်လာခဲ့သည်။
"သူ့ညီလေးက ခုနှစ် ငါတို့မြို့မှာကျောင်းတက်မှာတဲ့။ဘယ်အတန်းလည်းတော့ငါလည်း မသိသေးဘူး။ကျောင်းအပ်လို့ရှိရင်တော့ သူလာအပ်ပေးမယ်ပြောတယ်ကွ"
"အော် အေး ခုရော အဲကောင်လေးဘယ်မှာနေနေလဲ"
"ကြီးမေ ဆီမှာနေနေတယ်။သူအဆင်ပြေမှာပါ ကိုမင်းတုန်းကလည်း အဲအိမ်မှာပဲနေပြီး ကျောင်းတက်ခဲ့တာကို"
"အေးပါကွာ"
"အေး"ဟုတ်ပြီ ငါအဲတာပြောပြခြင်လို့ ဖုန်းဆက်လိုက်တာ"
"အေး" ဟုတ်ပြီ"
ထင်သစ်ဖုန်းချသွားသည်။ဟိုဘက်အိမ်မှကောင်လေးနှင့်ရင်းနှီးမှုအရင်ယူရမည်။မဟုတ်ရင် စာသင်ရမှာလွယ်ကူမည်မဟုတ်။ဘုန်းတည်ကြည်အိမ်မှထွက်လာခဲ့သည်။
"အန်တီရင်သူ"
"အန်တီရင်သူရေ"
"လာပြီ သားရေ အန်တီနောက်ဖေးရောက်နေလို့"
ခနအကြာသံတံခါးလေးပွင့်သွားသည်။
"အန်တီ သားအန်တီ့တူလေးကို တွေ့ဖို့လာခဲ့တာ"
YOU ARE READING
Building with love (ချစ်ခြင်းဖြင့်ဖွဲ့စည်းသော်) Uni+Zawgyi
Romanceဘုန်းတည်ကြည်+အောင်ထင်မြတ် ကျောင်းတဲ့နေစဉ်ကာလတည်းက မရှုပ်မရှင်းဖြစ်ခဲ့တဲ့ သူတို့ရဲ့ အချစ်ရေး ကိစ္စတစ်ခု။နှစ်အနည်းငယ်အကြာ အရင်ကကျောင်းတူတူတက်ခဲ့တဲ့ မြို့လေးမှာ နှစ်ယောက်ပြန်ဆုံကြရာမှ သူတို့ဇာတ်လမ်းလေး ဘာဆက်ဖြစ်ကြမလည်း။ ငြိမ့်ငြိမ့်လေးနဲ့သွားမှာမို့ အေ...
