مثل كل يوم يبلش إيمار يومه الجميل بنهوضه من فراشة بكل سعادة وطاقة ايجابية .
يكعد يگلب البيت گلاب بكلماته الحلوة ومليانه حنيه .
إيمار: يوووم صباااح الخير يا احلى أم بالدنيا شنو هالطاقة الي تخليج من صبح مكابلة المطبخ ادري بناتج ما يكومن بدالج مو مكضياتها نوم بحجة دراسة
الأم: حبيبي إيمار يسعدلي هالصباح والله لا يحرمني منك ولا يغيرك علينا ٫ تدري بيهن دراسة خطية وانا معندي شيء هو ريوك جاي اسويلكم
إيمار: ماشي يبعد العافية كلها .ماشي يا ست الستات خل اروح اغسل واجيب خبز واجي
الأم: غسل وتعال خبز موجود عدنا طلعت صبح جبت
إيمار: ادري يوم كاعدة من 5 فجر شوكت لحكتي وهسه ب 7 ونص ههههه ما تبطلين هالعادة
غسل وجهه ورجع طب مر على اخواته بصوت عالي
إيمار: صبااااااح الخير يالكسووولات صباحكم أنا دكعدوا مو صارت الوحدة الظهر ورح نتغدا
دانية:(بصوت ناعس) هاي شبيك إيمار مو اليوم جمعة ونريد ننام تعبانين من دراسة
رنا : يالله صدك ب وحدة ظهر ؟ ليش ما كعدتوني
إيمار: من صبح اصبح بس انتم تنابل مال نوم اعوذ بالله
رنا وهي تباوع للساعة بالموبايل: اوووف جذاااب ساعة 7:45 اموتك هسه تعااال
تكوم تركض وراه ويضحكون ويتكافشون
الأم: ولكم كااافي تعاي بدل الاماطل تعاي جيبي الصينية رح اجيب الجاي اني
رنا: صار يوم
دانية: خل اكوم اكل وارجع انام
(لارا) : يالله اللهم اصبحنا واصبح الملك لله ٫ يمعودة يا ترجعين تنامين كومي خل ننظف بيت يوم جمعة خاف يجونا خطار
بهل لحظات الحلوة اجتمعوا العائلة اللطيفة والمتكونة من ام وابن و ثلاثة بنات والاب كان متوفى
اكلوا وشبعوا وتوجه كلمن لشغلة بالبيت
صارت ساعة 10 هنا إيمار توجه لشغلة كاشير بأحد المطاعم وصل 10 ونص بلش دوامه كالعادة
وجهه مبتسم يكمل شغله كامل وزيادة . المدير يحب عمله وبشوشة وجهه
ويرجع العصر ساعة 5 تعبان وفرحان لان رجع يم اهله
الباب يندك: طق طق طق
لارا: أجه إيمار خل افتحله الباب
الأم: لا مامه اكعدي هذا مو اخوج. اخوج من يجي مثل خبل يدك باب
: منوو ؟
مجهول: اني خالة سلام عليكم
الأم: عليكم السلام ٫ تفضل
مجهول: خالة اريدج تفهميني وما تخترعين
الأم: شكو خالة احجي خوفتني
أنت تقرأ
الحُب المُميت
Mystery / Thrillerتدور احداث القصة عن اثنين وقعا بالحب ولكن كان حبهم يفوق الخيال ف مروا بكوارث وظروف ادت الى جنون أحدهم وموت الاخر ولكنه يلتقي بالاخر حقيقة وهو ميت !! خل نشوف شنو صار وشلون التقوا ؟ ومنو هم
