صغيرة زعيم المافيا🔥

لبارح مكتبتش كان عندي ظرف ليوم راح نكمل تع لبارح و ليوم

بسم الله ✨
رجع أسيد لدار
أسيد: ماما ماما ماما
سليمة : انعم وليدي هاني جيت
أسيد: ماما وجدي روحك لعشيا نروحو تخطبيلي
سليمة: 😍 يويويويويويويو الحمد لله جاء النهار لي كنت نستنا فيه من سنين يا ربي الحمد لله ، شكون يا ولدي لعروسة بنت شكون نعرفها انا لالا
أسيد : ماما وشبيك راح نعطيك الcv تاعها انا ولا كيفاه
سليمة : يا ولدي قولي على الأقل أسمها برك
أسيد: أسمها مريم مهم ماما انا نروح برك
سليمة :ايه روح ولدي وجد روحك
أسيد: ماما لعشيا مش ضرك
سليمة : ايه علبالي ياا ولدي قصدي شوف وش تلبس يا ولدي راني فرحانة خليني نحوس نشوف ولدي عريس و نحوس نشوف ولادك
أسيد : هههههههه
سليمة : علاه راك تضحك
أسيد: لالا ماما نضحك برك تفكرت حاجة
سليمة : ربي يدومها عليك نشالله
أسيد : نشالله يما اني طالع
طلع أسيد للشمبرة تاعو و قعد يتفكر في هذاك النهار لي هانتو فيه مريم و قاعد يتوعدلها بالإنتقام
أسيد: هههههههه طحتي في قفصي مكانش لي يسلكك مني نعتلك شكون الفقير بيناتنا و شكون لي معندوش مستوى يا حقيرة

ملاحظة : أسيد غلط بين مريم و أية نرمالمون فهمتو لحكاية كيفاه كي تبناوها أهل مريم مفرقش بينها وبين مريم على حد علمو انو هذيك مريم علبيها رآه يدرلها هك و هو مسقساش عليها أصلن تسما راهو مديرها مريم و راح نشوفو الجديد في الحلقات الجاية

في المساء ✨
وصل المساء هبط أسيد من جناحو لابس كوستيم نوار و ساعتو رولاكس و ريحتو لي تتشم من بعيد هبط للصالو لقا العائلة كل تماك سليمة ملاك لينا فارس
سليمة : يا ولدي رانا واجدين هيا نروحو
أسيد: خلينا نزيدو نخليوهم يستناو شويا
سليمة : يا ولدي كيفاه نخليو الناس تستنا فينا
قعد أسيد : ماما نزيدو شويا و نروحو
سليمة :😶

عند أية ✨
لي مدارت مكياج لمت شعرها كوتشوفال و لبست روبة نواغ طويلة مشقوقة على الرجلين و على الصدر و هبطت و الدموع في عينيها قاعدة تشوف في حياتها تدمر بشويا و هيا مقدرت دير والوا هبطت للصالو لقاتهم واجدين يستناو مهم قعدو يستناو فيهم مجاوش
مريم : اي انا نروح عندي حفلة مهم منقدرش نرطيها علجال حضرتك مدام أية أصلن حبيت نضحك على العريس لي رآه جايك بيسك امبوسيبل يجيك واحد حطة و كلاس يجيك غير المتشرد لي كيما نتي
أية : غير ساكتة قلبها يحرق فيها و هي ما قدرا دير والوا
مريم : اني خارجة تشاو مامي بابي

عند اسيد ✨
أسيد : فارس ادي ماما و لبنات للعرس انا عندي خدمة ايرجو
سليمة: يا ولدي كيفاه نخطبوها
أسيد : يما هيا قابلة عادي ما راح تقول والوا اني رايح
سليمة : أسيد استنا أسيد أسيد
أسيد راح ركب في الطومبيل 🚗 تاعو ديراكت و هو يتبسم ابتسامة شر
أسيد : راح نخليك تندمي على النهار لي خلقتي فيه
راح فارس وصلهم عند دار أية هوما دخلو رحب بيهم محمد كيما كان الحال و قعدو و ضيفوهم
سليمة : اسمحولنا طولنا عليكم و الله كان عندنا ظرف مستعجل
محمد : لا لا عادي السماح ، وش حولكم
سليمة : والله الحمد لله و نتوما وش حوالكم
محمد : والله نحمدو ربي الحمد لله
أشار محمد لفارس : ولدي وش حوالك وش مداير مع لخدمة
فارس : انا راني غير مع لقراية برك
محمد : وكيفاه راح تعيش بنتي و نتا مزلت تقرا
سليمة : سي محمد راك غالط هاذا ولدي الصغير انا بنتك أية راح نديها لولدي أسيد لكبير تاعي الله يبارك خدام دارو وحدو طومبيل وش تحوس كاين يعني الحمد لله
محمد : و هو علاه مجاش
سليمة : يخي قتلكم قبل ما نخرجو صرات حاجة و ا ضطر يروح يحل لمشكلة كانت ضرورية لدرجة كبيرة صينو منخليهش يروح في وقت كيما هاذا
محمد :ااا نرمال عادي
سليمة : بنتي وش حوالك تبنيلي تعبانة لالا
أية : لا طاطا لباس الحمد لله ما بيا والوا ، وش حوالك نتي
سليمة : والله لباس الحمد لله
لينا : ههههه مرت خويا زينة تهبلي حتى و بلى مكياج
أية : ههه مرسي حبي (فوق القلب )
سليمة : بنتي انا لي راح نركبلك لخاتم يخي عادي نرمال
محمد : يا مدام قروي اسمحلي منقدرش نمد بنتي هك لازم يكون لعريس و نهدر معاه و نتفاهمو
ليندا : محمد عادي بكري كل تخطبو هك مكانش أشكال عادي انا امها و أنا نعرف مصلحتها
سليمة : انا نسقسيها إلى راهي قابلة نركبلها لخاتم إذا لالا عادي نروح
أية : عادي طاطا ديري لي يريحك
_ و عطاتها يدها تع باه تركبلها لخاتم و ركبتهولها و صاي مهم قعدو يهدرو عادي حتى
📞📞📞📞 هزت سليمة تليفونها لقانون أسيد هزت التليفون و خرجت من الصالو
أسيد : ألوا ماما ركبتيلها لخاتم
سليمة : ايه يا ولدي ركبتلها
أسيد : قولهم غودوة لعرس و لا يبطل كلش صحا كوبلها في وجها و غلق التيليفون
سليمة : عاودت عيطتلو 1_2_3_4_5_6 مغلوق مغلوق ينعل النهار لي جبتك فيه
جاتها لينا : ماما وش بيك
سليمة : والوا يا بنتي
و رجعو قعدو معاهم في الصالة
سليمة : سي محمد عيطلي ولدي أسيد ضرك قتلي غودوة لعرس نشالله على خاطر مزالو يومين و يسافر على جال الخدمة و راح يدير عرس صغير برك
محمد : اه غودوة منيتكم مدام مرناش وجدين أبسط حاجة لعروس مهيش واجدة من كل النواحي
أية : بابا انا قابلة
محمد: وش بنتي كبرتي وليتي تخذي قرارات أكبر من عمرك
أية: بابا انا قابلة بهذا العرس و واجدة
محمد : كيفاه يا بنتي
ليندا : خليها تحوس تتزوج علبالها واحد ما راح يديها اول عريس يتقدملها بهذا الشكل اكيد مش راح تقول لالا تخاف يروح و يخليها
محمد : لينددددددة😡
ليندا : اه نهدر في الحقيقة
محمد : اوكي مدام سليمة موافقين غودوة نشالله لعرس مبروك علينا
سليمة : يعيشك مسيو محمد غودوة نشالله تهلاي في روحك عروستنا الزينة
و خرجو
ملاك : يعق شفتي كيفاه قالت عليها امها جامي تقدملها واحد امها قالت بلي طماعة تسما باينة لحكاية كيفاه
سليمة : اسكتي و اعرفي وش تخرجي من فمك هذيك راح تولي مرت خوك
ملاك : هاني سكتت نتوما لي يهدر هدرة الحق يولي مهوش بنادم
بقات هذيك لهدرة تع ليندا دور في راس سليمة كيفاه ام تهدر على بنتها هكداك نهار خطبتها كاينة حاجة ولازم نعرفها

/ملاحظة : معلبالهمش بلي أية متبنية على حد هيا مريم بنتهم الحقيقة /

نروحو للحفلة ✨
كانت مريم و صحباتها و سارة في جيهة  و إسلام و أسيد و صحابهم في جيهة
مهم كانو عادي يشربو و يضحكو و يشطحو حتى واحد بدأ يقيس في سارة و يحط في يديها و هيا تهرب و هوا حكمها و هي حابة تتفك منو بصح كان أقوى منها و شافو أسيد
و راح يجري ضربو لوجهو بقا يضرب يضرب حتى ملامح وجه هذاك الرجل اختفت وجهو كامل عاد دم و بعد هرب من الحفلة
سارة : شكرا ربي يحفظك منعتني منو يخي راك لباس مقسكش
أسيد : لالا مقسنيش تولهي على روحك برك و راح
مريم : عشقي واوا الكراش تاعي يا روحي هوا اسمعوا لبنات صاي عشقت فيه كراشي اووو ضربت فيه عشقا هههههههه
سارة : أو بلعقل عليك ههههه السيد باين من الطبقة البرجوازية مش تاعنا يا بنتي هذا الشوفة و ما يشوفش فيك
مريم : اوووو علاه انا شخصني ختي
سارة : لا مخصك والوا بصح باين أصلن مش تع حب و لا عشق و باين مافيا تاني
مريم : أو حبي انا نعشق في المافيا نحبو بعضانا و نهربو و يحارب العالم كل علجالي اووو
سارة : ههههه فيقي من أحلامك الوردية برك و هيا نخرجو راح الحال
مريم : اي صح هذاك هوا برك هيا و خرجو ..
إسلام : يا أسيد علاه ضربتو تحوس على لمشاكل و لا كيفاه
أسيد : معلباليش حاجة جذبتني لهذيك طفلة
إسلام : أسيد صحابي كان خاطيك لحب و ضرك عدت تضرب بالزوج اووو صاحبي شويا لبارح وين عقدت
أسيد : ن**ك مش حب معلباليش جذبتني ليها حاجة معرفتهاش حسيتها ملاك في موقف كيما هذا مقدرتش نحكم في روحي
إسلام : وقيلا كثرت من الشراب تحب نوصلك
أسيد: روح ن**ك الق**ة انا نقولو هك و هو يقولي هك روح تع** وجه ز**
و ركب في الطومبيل 🚗 تاعو و يسوق بسرعة فائقة كالعادة متخطي كل إشارات المرور 🚦 ديراكت للدار
وصل للدار طلع ديراكت للشمبرة عمل دوش و خرج لف منشفة بيضا و شعرو يقطر بلماء راح لدريسينغ بدل حوايجو و راح ديراكت تكا في فراشو
أسيد : وهو يتبسم هههههههه غودوة راح تكوني في فراش الفقير و لي معندوش مستوى و لي معندوش حتى باه يشريلك حبة حلوى راح ندمك على هذاك النهار لي رخستيني فيه و خليتيني نكره كل لبنات و نشوفهم بصفة الشر و الغرور و الأنانية لي عندك نتي نوعدك وعد غودوة راح تكوني في فراشي و راح نخليك تموتي بلوجع راح نخليك تتمناي لموت و متلقايهش و هذا وعد من قروي أسيد ههههههههه و رقد
يتبع.....