على وضَح النقى جيتك والراسّ مرفوع .

*23*

في بيت ال حسين ~
رجع حسين البيت وبدا ينادي ب اسم " وهج " لااجل تطلع علاجه سمعته صالحه ورّدت بكلمه : خذوهم الشرطه ولحقوهم سعود ومحسن ، حسين بعصبيه : هاتي مفتاح السياره والله لااخذ حق عيالي يضلمونهم ويأخذونهم لسجن وهم بريئين ! صالحه : الله يهديك يبو سعود من زمان ماسقت السياره لايصير بك شي ولاشي ! حسين بعصبيه : هاتي المفتاح!! انصعقت صالحه اول ماصرخ وراحت تجيب المفتاح ومدته له
صالحه : بجي معك طيب
حسين : اقعدي مالتس لزومً معي بكلم فلاح واجيتس
صالحه : الله يحفظك ، سكرت باب البيت وبدت تدعي مايصير لزوجها شي ، لمى : يمه شفيتس ؟ صالحه : ابوتس خذا السياره وراح وهو مبطي ماساقها ! شهقت لمى وقالت : يارب مايصير شي فيه ! صالحه : امين
عند حسين الي يسوق وهو مو متوازن بس من العصبيه مافكر بشي أسرع ووقف عند بيت فلاح ..
( في بيت فلاح )
ضحكت ناديه بسخريه وقالت : جا جا اسود الوجه
فلاح وهو منسدح : منهو؟
ناديه : بو سعود حسين
فلاح فز وقال : وش عنده وراه علم اكيد؟
ناديه : افتح افتح شوف يبي يترجاك الحين
فتح فلاح الباب وشاف حسين قدامه معه عصاه والعصبية طاغيه على وجهه دق العصا في الارض وقال : والله لما تطلع عوالي من السجن ان ماتلقى خير ي فلاح ! فلاح ضحك وقال : قلت بيجي يعتذر شي بس العكس ! حسين بعصبيه : اعتذر ليه وولدك متحرش في بنتي وتبي تدافع عن نفسها وذبحوه ي اسود الوجه ! فلاح جمدّ وتذكر اول ماشاف علي يتفق مع بنت يكلمه انصفق وجهه وصار وجه اصفر ، حسين : ها يفلاح لك وجه تتكلم بعد؟ والله الي طحت من عيني صدق وانا داري ان زوجتك هي الي مسوقتك! فلاح : تعقبب ! حسين ضحك وقال : خابرينكم خرفاان عيالي لما تطلعهم من السجن اليوم ماتلقى خير ي فلاح! طلع حسين وراح يسوق وهو الي انخفظ ظغطه من العصبيه ركب السياره وكان يسوق بخفيف شاف هادي قدامه وقال : تعال يولدي سوق بدالي معد فيني حيل ! تقدم هادي وهو مسرع وقال : ابشر يعم وداه البيت ونزل السياره ورجع على رجليه يهرول ..
" في السجن "
دخل فلاح وعلمهم يفكون سراحهم وطلع وهو متفشل
عند البنات الي دخلو عليهم سجينات وطلعوهم ..
ريناد بضحكه : اقولكم حتى ساعتين ماجلسناها هههههه
ريماس : حرام عليكم تروحون بعد ماتعلقت فيككم؟
ريناد بضحكه : يحياتي انتي بتطلعين وبنتعرف عليتس اكثر ! ريماس ابتسمت وراحو وهي ضايقه
في سياره محسن /
كانت ريناد بس معه والجازي راحت مع زوجها ووجد ووغزيل راحو مع حاتم ومبارك ، ريناد : جدولنا عليهم هههههههههههههههههههههههههههه
ضحك محسن وقال : بالله ذا وجه وحده دخلت السجن؟ ضحكت ريناد وقالت : والله فله عندهم
محسن وقف عند بقاله ونزل وقعدت ريناد تستناه بملل
بعد ساعتين وصل الكل في بيته ونص البيت نام عند البنات في غرفه لمى ووهج ~
لمى ببتسامه : بناتتت عااد خاطري اسوي ليله حنا زي الهنود نتنقش فيها وننبسط شرايكم بكره زواجي يعني نسويها اليوم ؟ ضحكت ريناد وقالت : جوووي تم تم عاد عندي فستان احممرر كنه حق هنود ضحكو كلهم عليها وقالت وهج : فيه نقاشه في الديره مببدعه ناخذها
الجازي بضحكه : اكييدد ! لمى : واي تحمست بس خلونا نكلم بوي اول! وهج ضرب ريناد بخفه على فخذها وقالت : بوي يحبتس اطلبيه وبيواففق أكيد
ريناد ضحكت وقالت : تم تعالي معي يوهج
طلعو وريناد عليها جلالها شافت صالحه ومحسن وحسين جالسين في الحوش وتقهويهم صالحه تقدمت ريناد وشلّت الجلال من على راسها وجلست جنب حسين ، حسين بضحكه : ارحبو ي المجرمات ! انفجرت تضحك وهج وقالت : يبه عندنا طلب بسيط
حسين وهو مروق : وش الطلب ؟ عند محسن الي يتأملها وهي تسولف مع ابوه وتضحك ، ريناد : نبي نسوي ليله حنا لمى شرايك؟ حسين ب استغراب : وش ليله الحنا ذي بدعه اكيد ! ضحكت وهج وقالت : يبه عادي حفله مو تقاليد فهمت كيف ؟ حسين ومتى تبونها وزواج لمى بكره ! ريناد ببتسامه : اليوم ؟ حسين : وانا ورجلتس وين نروح اذا الحريم بيملون البيت ؟ ريناد بضحكه  : روحو البل
حسين ضحك وقال : تطردين بعد ي العايبه !
ضحكت ريناد وقالت : شدعووه بس سالت وعطيتكم اقتراح ! ريناد همست لمحسن وقالت : خير انت الثاني اطلب معناا ! وهج ضحكت وقالت : اخلص يلا
قمط محسن ورد بنفس نبره الصوت : حركات حريم وش دخلني فيها ! ريناد ضحكت وقالت : محد قال تحنى معنا ! ضحك محسن بقوه وقال : قدام وهج يريناد معليه حسابتس معي ههههههههههههههه
طلعت لسانها تقهره فيه ولفت على حسين الي قال : اجل الي تبون ! وهج رفعت صوتها : يسسسسس
محسن بحده : صووتسس إقصريه ! وهج : خلاص طيبب راحت تركض ولحقتها ريناد بعدها يعلمون لمى
في الحوش ~
حسين دق محسن ولف له محسن وقال : لبيه
حسين : ماشفت عيالك يامحسن لايكون فيك شي ولاريناد فيها شي ؟ محسن الي تضايق ومايحب احد يتكلم على ريناد قدامه رد وقال : ماكتب الله شي ي يبه
صالحه همست لحسين وقالت : خلاص ي حسين لاتجرحه! حسين رفع صوته وقال : معك شهر ماحملت ريناد بزوجك وحده ثانيه ! محسن الي انصدم من كلام ابوه وقال بضيق : يبه مابي العيال تجبرني على شي مابيه زي ماجبرتني على ريناد وانا مابيها وتوي حبيتها ! ريناد الي كان معها شاهي واول ماسمعت " جبرتني على ريناد وانا مابيها " راحت وهي ماخلته يكمل كلامه اوجعها قلبها وتحسبه مايحبها وهو الي طايح في غرامها راحت غرفتها وانسدحت على سريرها وبدت تبكي وهي الي حبته بس تراجعت الفين خطوه انها تعترف له ، بعد نص ساعه في الحوش /
حسين : قوم بنروح لمصعب بيخطب ! ضحك محسن وقال : من بياخذ ؟ حسين : والله مدري بس انها عجوز ذا الي اعرفه! محسن : وسعود وينه ؟ حسين : راح يجيب حليب لولده قام محسن ودخل غرفته واستغرب من نومتها الي كانت الساعه 4:00 قرب وشاف ملامحها واضح البكاء عليها عوره قلبه اول ماشافها تشهق تقدم لها وجلس على السرير وقال : ريناد وش فيتس؟؟ ريناد مسحت دموعها وهي الي ماتبي تبين له : مافيني شي ! محسن : زعلتس بشي تكلمي ؟ ريناد : لامعليك ابي اقعد لحالي بس ! محسن : طيب طلعي ثوبي بروح مع ابوي ! قامت ريناد بهدوء وعطته ياه وهي الي مجهزته من زمان قرّب لها وباس راسها وقال : عيونتس لعد تزعل يريناد وان كانتس زعلانه مني اسف ! ريناد ابتسمت بتسليك وقالت : شدعوه عادي تعطر وطلع وقابلته وهج الي طلعت من غرفتها وقالت : ع وين ؟ ضحك محسن وقال : نخطب لعمي مصعب ! اخفت ضحكتها وهج وقالت : اها طيب طلع محسن وراحت تركض لغرفتها وتربعت بجنبهم وقالت : جبت لككك علم يضحك توقعوه ! الجازي بضحكه : قبل العلم نادي ريناد خليها تسمعه ههههههه
فزت وهج تركض وصقع راسها في ريناد الي مسرعه جايبه فستانها تكويه ، ريناد بضحكه : راسي ي الثور ضحكت وهج وقالت : انا ثور يحيوانه؟ نههههههههه
ريناد : امزح تعالي خلنا نسولف راحت غرفه البنات وحطت فستانها وبدت تكويه وتسولف معهم
لمى : ها وش العلم يوهج ؟
وهج ضحكت وقالت : اول شي مااحلل الي تقول لي دبابه سمعتو ؟ ضحكو عليها كلهم وقالت ريناد بضحكه : اعجلي وش العلم ؟ وهج : شفتو الجوهره العجوز ذيك الي زوجها متوفي وعايشه لحالها
لمى بحماس : اي؟
وهج بضحكه : عمي مصعب خطب فيها
الكل : هاااا!!!!!
وهج انفجرت تضحك: والله بنتها قالت ان امها بتتزوج واحد من الديره وقبل شوي قالي محسن انهم بيروحون يخطبون له ، الجازي : اخخ تكفين بطني وش عندهم ذا الشيبان ؟ ههههههههههههههههههههههههههههههه
ريناد ضحكت وقامت معه فستانها وقالت : شرايكم بفستاني ! لمى : يجنن عاد لو تفكين شعرك بعد يلبيه
استحت ريناد وقالت : يحلوتس ترا معد فيه وقت خلونا نعزم الحريم ونكشخ راحت وهج لاامها عشان تدق على وحده وحده واتصلت صالحه وقالت لهم كلهم
راحت ريناد لغرفتها ولبست وفكت شعرها وفيرته وحطت ميكب خفيف وطلعت ملكه حرفيياً تعطرت وطلعت وكان ألبيت كله حريم راحت غرفه البنات وقالت وهج : يلبيه ماشاءالله يحظ محسن اي والله! ابتسمت ريناد وقالت : استحييتتت
وهج : يلبى المستحي هههههههههههههههههههههه
ضحكت ريناد وقالت : أول مره اشوفتس لابسه فستان اخضر ولاق عليتس ! ضحكت وهج وعطتها بوسه على الهوا طلعت ريناد من الغرفه وبدت تجهز الحلويات وبعد شوي جات النقاشه ونقشت لمى اول وحده وكان وقت المغرب ،
( في بيت ال ضاري )
ام ضاري : اخلصي ي انهار طولتي !!
طلعت انهار وهي عليها عبايتها وقالت ام ضاري : حصني نفستس يبنت ماشاءالله ! ضحكت انهار وقالت : ابشري طلعو يمشون لبيت ال حسين الي قريب منهم وفتحت الباب ريناد لهم وابتسمت انهار اول ماشافتها : ريناد : ارحبو تقدمت تسلم عليهم ودخلت ام ضاري البيت وقعدت تسولف انهار مع ريناد ، ريناد : تعالي تنقشي معنا قبل يجون الناس قربت انهار ومدت يدها وهي كانت لابسه فستان اصفر محليها اكثرر أبعدت يدها بعد ماخلصت وحطت يدها ريناد بعدها تنقشو وراحو للبنات الي كاشخين وبعد دقايق جو وجد وغزيل ، وجد الي لبست فستان بنفسجي ومطرز ب الكرستال مع الحواف ، اما غزيل لبست فستان وردي ساده وضيق من عند خصرها ونافش من تحت ، انهار ضحكت وقالت : كننا قوز قزح ، ضحكو البنات وقالت وهج : عشقييي ذباتس ضحكت انهار وطلعت مع الحوش الثاني تتصور عند القمر مااعجبتها الوضيعة وقدمت قدام شافت صالحه تناديها وقالت : لبيه يعمه؟ صالحه ببتسامه : الله يلبيتس حطي ذي عند باب الرجال بيجي محسن ياخذها ، انهار : ابشري ..
عند مصعب الي طلعو من بيت الجوهره وبدو يباركون لمصعب ، محسن دق هادي وقال : رح ي هادي جب الاغراض من بيتنا بنروح البل على مايخلصون الحريم ويروحون ! هادي ابتسم وقال : ابشر ! ابتسم محسن وقال : تبشر ب الجنه راح هادي يجيبها وكانو كلهم يحبونه ومافيه احد يكرهه ابداً وصل وراح مع قسم الرجال وشاف الباب مردود والاغراض بعيده شوي تقدم يبي يسحبه مع يده وماوصل دخل وخذها وكانت انهار ورا الباب وتترتجف وتدعي مايشوفها رجع رايح لسياره وشاف شعرها من ورا الباب تقدم وقال : حد موجود هنا ؟ ماردت لف وفتح الباب وغمضت عيونها بشده وقالت : هادي وخر وجع ! تجمد اول ماعرف انها انهار من صوتها شاف ملامحها الي اشتاق لها من هو صغير ماشافها ، صد وقال : وشلونتس ، انهار رفسته برجلها على ظهره وقالت : هذي عشان الميانه يسلوقي ، تكى براسه على الباب وهو الي خق حرفياً عليها طلع والاغراض في يده وشاقه وجهه الابتسامه ، عند الحريم الي كانو يرقصون ومحتفلين بلمى وكانت ليان في قسم الرجال تكلم ضاري ..
( في البر عند عزبه حسين )
محسن : انا برجع تعبان وبرقد
حسين : الحريم بعد موجودين
محسن : وش علي فيهم بدخل غرفتي وبرقد
حسين : الله يحفظك اجل انا بروح مع سعود
محسن ركب سيارته وهو الي دايخ حرك ووصل وهو الي كان مسرع فتح جواله وقال : شوفي لي طريق يريناد بدخل انام ! ريناد ابتسمت وقالت : يلا راحت قسم الرجال وماشافت احد نزل محسن وشاف قفاها وهي الي ملتفته وقاعده على جوالها قرب وقال : ريناد
ريناد لفت ببتسامه وهو الي حرفياً ذاب مبتسمه في وجهه وكانت كاشخه لااخر درجه قربت له وقالت : كنك تعبان ؟ محسن مارد وهو الي يناظرها وخااقق قربت له ومسكت راسه وقالت : اوف حرارتك مرتفعه ! محسن ببرود : عادي ، ريناد : كيف عادي مسكت يدها وكانت تبي توديه لغرفتها شافت ليان طالعه من مجلس الرجال ورفعت نفسها وغطت عيون محسن وقالت : وجعع وش جايبتس هنا ؟ ماردت ليان وهي الي راحت وقالت ريناد : الله يفقع عيونهاا ، نزل وجهك انت الثاني انكسر ضهري وانا مرتفعه لك ! محسن ضحك وقال : تغارين ؟ ريناد : لابس مابي احد يشوفك ! ضحك محسسن ومشى وهي مغطيه عيونه فتحت باب الغرفه وشلت يدها من وجهه ، محسن ببتسامه : ريناد ، ريناد وهي تطلع قميصه : هاه؟ ضحك محسن وقال : وش هاه ردي زين ! ضحكت ريناد وقالت : وش تبي اقول لبيه يروحي يحياتي ؟ ذاب محسن من نطقها وهي تتدلع وهو يدري انها تضحك عليه بس ابداً مااهتم قرب لها ورفعها له واول مااعتلاها ، طالب القرب يريناد! ريناد : هااه مب وقته يامحسن ! محسن ضحك وقال : تكفين والله اني تعبااان ، ريناد ضحكت وقالت : نزلني اول شي ! محسن : داري بتهجين قولي وش تبين
ريناد : خلني اطلع برا ابي استانس ! محسن : ليه لابسه ذا الفستان مطلع صدرتس ويدينتس ! ريناد ببرود : عادي كلهم بنات ! محسن سكت وهو الي مايبي ينكد عليها ، ريناد بضحكه ، نزلني بعطيك علاج حق الحراره ونام عشان تشفى محسن نزلها وضاق انها ترفضه كل ماجاها فتحت ثلاجتها الصغيره وعطته العلاج وانسدح وطلعت للحريم الي كلهم يناظرونها ويحسدون محسن عليها ، بعد ساعتين راحو المعازيم ودخلت الغرفه وهي مبتسمه وقالت : مانمت ؟ محسن : لا
ريناد قربت له وقالت : اشوا خفت الحراره محسن : تعالي بنسدح في حضنتس ابي انام ماجاني نوم وبكره وراي قومه اجيب أغراض زواج لمى ! قربت له ريناد وحط راسه في حضنها بدت تلعب في شعره وقال : وودي بببنت ولا ولد منتس يريناد وانتي كل ماجيتس رديتني ! ريناد : طيب اخاف ! قام محسن وقال بضحكه : وحش انا ؟ ريناد : الصراحه وحش بس كيوت هههههههههه
نزل راسه في حضنها وقال : الصدق بوي أزعجني يريناد ويقول بخطب لك والقلب مايبي الا انتي تكفين وافقي وريحيني من كلام بوي ! ريناد
كيف يعني ؟ محسن درا انها زعلت من نبره صوتها وقال : والله ماخذ غيرتس بس ابي ورع منتس ! ريناد ضحكت وقالت : خلااص ناممم ضحك محسن اول ماحس انها انحرجت نام بعد صعوبه وحطت المخده بدال حضنها وقامت بدلت ومسحت مكياجها وانسدحت بجنبه ..
في بيت ال مصعب الي جات لبيت ابوها تسلم عليه وتنام عندهم وفي نفس الوقت تسولف مع وجد ، غزيل مسكت بطن وجد وقالت : شكلتس من زمان حامل بس توتس تدرين ! وجد ببتسامه : اي قدلي شهر ونص ، ابتسمت غزيل وقالت : انا بدخل انام تعبانه مررره
وجد ببتسامه : نوم العوافي
دخلت وجد غرفتها وماكان موجود حاتم وتوقعت انه سامر مع اخوياه بدلت ملابسها وانسدحت تنام
( في بيت ال ضاري )
في غرفه انهار كانت تضحك كل ماتتذكر موقفها معه وتفشلت اكثر يوم رفسته في ظهره قامت وطلعت لسطح وبتت فراشها خذت الشاهي حقها وبدت تتابع مسلسلها وهي مروقه ومبتسمه رفعت راسها تشوف الديره الي كانت تعشقهاا انهار حتى لو تفكيرهم متشدد شوي لفت بوجها على بيت مصعب وشهقت اول ماشافت هادي الي في سطحهم ويشوفها نزلت راسها وصقع ب الحديده الي وراها صرخت بكلمه : اااييي راسيي !! ضحك هادي ونزل من السطح وراه متوجه لبيت ابو ضاري يشوف وش صار لها لصق بجنب السطح وقال : جاتس شي ؟
انهار : يمه روح لايشوفك بوي ي الجني !
هادي : امسي امسي لااطلع لتس مع السلم خلي الهياط ! انهار ضحكت وقالت : تراني خفت
ضحك وقال : خليني أبني بيتي بس واجيتس
انهار الي فهمت قصده وقالت : هاااه كيف يعني
هادي : فهمتي صح !
انهار : توك بزر عمرك 20 !
هادي : اذا انا بزر انتي وش ؟ ههههههههههههه
انهار سمعت صوت فتحه باب وقالت بوي طلع انقلع بسسرعه ، ضحك هادي وراح يمشي لبيتهم

خلص البارت شرايكم اكثر بارت سويته طويل لعيونكم بس لاتنسون النجمه واشوفكم على خير يحلواتي ❤️❤️❤️❤️.