هَايي آنآ عَاين عَليي تذكَرني لـو ناسَي
هَايي آنآ ذيَچ الـَگبل مَن چَنت تگبل عَلي
اركَض واصَيحَن هَلاا بجيَتكك ياَعز ناسَي
مَن چنَة نگعَد سَوى الاي صَوت مَا التفت بس صوتَك براسَي
______________________
جمانة : اخذتها خالة زينب مدري شنو سوتلهَا وهية ماتت من البجي وانا ابجي وياها
زينب : دير بالج عليها يمةة من تشيلينها لا تلزمين اديهاا
فاروق : يمة هذا انا شلتها وتعَورت
زينب : ميخالفف انتَ هم دير بالك
جمانة : اخذت قاهرة وخالة كالت ابقوا بس فاروق مقبل رجعنة للبيت كبل دخلت للغرفة وسديت الباب خليت قاهرة بكاروكها
ورحت انام شوية وغفيت
فاروق : دخلت للغرفة شفتها نايمة بوضعية الجنين ابتسمت اعرف هذاك اليوم قسيت عليها بس تستاهل تعَلي صوتها هواي رحت سبحت واجيت تمددت يمها شلت راسها خليتة على صدري وانا هم نمت..
جمانة : كعَدت حسيت شي حار على ركبتي اباوع فاروق حاضني ومخلي راسة بركبتي.. فاروقق فاروقق كومم
فاروق : اممم
جمانة : استغفرالله يلاا كوم
فاروق : حضنتها اكثر وبقيت ساكت
جمانة : فاروق عفية كومم شبيك شجاكك
فاروق : بس عوفيني شوية مشتاق لهل ريحةة
جمانة : فاروق جديات كوم ترى والله ضايجةة منك.
فاروق : كمت خليتها بحضني.. جوجو بابا ادري ضوجتج هذاك اليوم بس والله ضغط بالدوام وتعَب وانتِ علية
جمانة : وخرر فاروق مو صوجك قابل انا شكتلك موزين على بنتك وعلية وهم عليك ليش هلكد ادخن
فاروق : هاهية بعد اطلع برة ادخن بس لا تضوج وليدي
جمانة : يلاا خوش وخر
فاروق : بست شفتها انجب وليدي حبيبي
جمانة : وخرت منة اخذت قاهرة وطلعت كعدت بالصالة
فاروق : كمت رحت وراها.. جمانة فدوة كافيي
جمانة : هاهية عوفني
فاروق : سحبتها كعدتها بحضني وجريت شفايفهاا بين شفايفي لدقايق واحنة فاصلين ابتعدت من حسيت شفايفها تجري دم
جمانة : وخر فاروق هاي شسويت
فاروق : مسحت على شفتها بابهامي.. ليش شسويت
جمانة : شون تبوسني هَيج
فاروق : ليش انا مو رجلج؟؟
جمانة : بعد لا تبوسني هيج
فاروق : دنكت اخذت شفايفها مَن جديد
جمانة : فتحت عيوني مصدومة كمت ادفع بصدرةة ماكو
فاروق : ابعدت بعد فترة طويلة كُلش وخرتها من حضني وطلعَت من البيت
جمانة : اباوع الساعه بالاربعة هواي نمت كمت سبحت وغيرت القاهرة شوية ودخل فاروق يلهث
فاروق : بدلي بسرعة امي بالمستشفى
جمانة : اسم الله شبيها رحت بسرعة بدلت واخذت قاهرة وطلعت صعدنة بالسيارة شوية وصلنة نزلنة رحنة يم خالة
فاروق : شجاج يا أمي غير اديرين بالج على روحج
زينب : للا تخاف يمة كلشي مابية
جمانة : شوية وطلعنة رحنة البيت خالة زينب فاروق كال نبات يمها اكو غرفة فوك صعدنة انا وفاروق وخالة زينب كالت خلي قاهرة يمي
فاروق : تمددت وسحبتها لحضني
جمانة : حضنت خصره صح زعلانه منة بس احس بالأمان يمة شوية وغفيت فزيت من حسيت شفايف فاروق تمشي على ركبتي.. تؤ فاروق وخرر عفية لحيتك تضوج
فاروق : وخرت وخليت راسها على صدري حضنتهاا حييل
جمانة : فاروق اختنكتت
فاروق : احسن
جمانة : باوعت بوجهه.. فاروق ترى لسى زعلانة منك والله اذيتني من ضربتني
فاروق : اسف يا روح روحَي والله ضوجت وبالغلط ضربتج
جمانة : تمام ما صار شي بس بعَد ما تضربني
فاروق : يعني طاح الزعَل؟
جمانة : للا
فاروق : خوش تعالي خلي اراضيج بطريقتي الخاصة
جمانة : ههههه فاروق وخررر اباوع كلبني صار فوكاي وراضاني على كولتة بطريقتة الخاصة..
_______________
غياث : كاعد واتصلت علية بنين شعجب منها من الشيطان رديت.. هاا نونو
بنين : هلا غياث اكلك صدك سمعت خالة بالمستشفى خوما بيها شي
غياث : للا حبيبي ليضل بالج كلشي مابيها
بنين : اعتقد بأجر نجي مدري سمعت ماما تكول هيج
غياث : عود تعالي وياهَم
بنين : مدري يمَكن اجي
غياث : مو بكيفچ تعالي
بنين : اشوف.. بقيت احچي وياه شوية وسديتة كمت أنام
____________
جمانة : كعدت الصبح بالتسعة غسلت ورحت للمطبخ شفت خالة زينب تشرب قاهرة ممية.. صباح الخير خالة
زينب : صبآح النور تعالي يمة اخذي بنتچ
جمانة : رحت اخذت قاهرة.. يمكن تعبتچ خالة
زينب : للا يمة عليمن اتعبني
جمانة : كعدت اتريك وفاروق مدري وين اليوم ما عندة دوام.. خالة فاروق وين
زينب : كعد الصبح طلع يكول شوي واجي عندي شغل
جمانة : بقيت كاعدة شوية وكمت صعدت فوك نضفت الغرفة ورتبتها وطلعت شفت فاروق بالمطبخ ركضت حضنتة
فاروق : شهگت.. الله لا يرضى عليچَ
جمانة : يااا هاايي ليشش
فاروق : هيج حبيبتي غلسي انداريت حضنتها وبست ركبتها.. اخخ أشتاقيتلچ
جمانة : حبيبي شبيك لا يجي احد
فاروق : يلا امشي اخذت ايدها وطلعنة للصالة
جمانة : كعدت يم خالة زينب كالت اليوم يجون اهل بنين شوية واجو
زينب : تفضلو عيني البيت بيتكَم
إسراء : عيني زاد فضلچ
جمانة : سلمت على البنات وكعدت
إسراء : شلونج خالة جمانة
جمانة : الحمدلله خالة انتِ شلونچ
إسراء : والله الحمدلله
جمانة : ضلينة كاعدين ونور كامت تسوي جاي للولد
______________
نور : كملت الجاي وغياث مدري وي راح غير يجي ياخذة وكفت باب المطبخ انتضر غياث شوية وانفتح الباب دخل اخو بنين
ايهم : شفت هاي الي اسمها نور واكفة وبيدها صينية جايي.. احمم شلونچ نور
نور : هاا زينة انتَ شلونك
ايهم : هزيت راسي بمعنى الحمدلله ودخلت للصالة الي بيها الولد
نور : يمةة هذا ليش يسأل شيريد عفت الصينية على الكاونتر آيست يجي غياث ورحت يمهَن كعدت
جمانة : كعدنة شوية وراحو وانا وفاروق همه رجعنا لبيتنا ومرت الايام عادية..
_______________
بنين : كاعدين انا وامي وهدى ودخل ايهم ايدة ملفوفة
اسراء : هاي شبيها ايدك يمة
ايهم : بعدم مبالاا.. مابيها شي هذا وشم
اسراء : ادري يايمة ماكافي من الوشوم مو خربت جسمك عليمن
بنين : عافنة وراح الغرفتة.. استغفرالله هالولد من وهو صغير هيج..
ايهَم: دخلت للغرفة نزعت التيشيرت وتمددت على الجرباية افكر بنور الي شاغلة بالي هالايام تذكرت كلام هدى " عمرها 25 منفصلة لأن زوجها مو خوش ادمي واخو امة وخواتة قبل فترة مو طويلة انفصلت منة وهية خوش بنية وحبابة وتخبل خوب شفتها انتَ"
بقيت صافن عرفت انو هية منفصلة وانا عمري 28 يعني مو فرق كبير بينة
بقيت افكر شوية ونمت
_______________
نور : كاعدة بغرفة فاطمة لأن كمت أنام يمها صافنة وافكر باخو بنين هو مو كلش حلو يعني شكلة مقبول بس الوشوم مخربتة جسمة ضخم وكلش حلو بس هو مخرب روحة بالوشوم
يلا هسة انا شعلية
___________
جمانة : فاروق يعني شكد وترجع
فاروق : والله ما ادري بس يمكن 5 ايام مو اكيد
جمانة : يعني ضروري تروح ماكو غيرك
فاروق : شلون ياحبيبي غير دوام هو
جمانة : حضر ملابسة وراد يطلع اجة حضني وباسني حيل
فاروق : ديري بالج على روحج يا روح فاروق
جمانة : بدموع انتَ هم دير بالك على نفسك
فاروق : لا لا ليش هالبچي حبيبي
جمانة :مسحت دموعي وحضنتة.. خلاص بعد ما ابجي
فاروق : بستها ورحت
______________ بعَد مرور ثلاث ايَام..
جمانة : گاعدة بالصالة ارضع قاهرة شوية واتصل فاروق
فاروق : هاا جمانة بابا شلونك حبيبي
جمانة : فوفو مشتاقتلك شوكت ترجعع
فاروق : ان شاء الله يومين تلاثة واجي
جمانة : ان شاء الله.. بقيت احجي وياه شوية وسديتة وكمت انام...
الكاتَبة : حبايب روحَي انتوا اسفة تأخرت دا اوعَدكم وما انفذ بس والله مشغولة اختي الكبيرة يمَنا وبيت جدَو هم وبيتنا صَاير هَوسةة ان شاء الله ما قصَرت واعرف البارت قصَير بس اعذروني💋❤️.
