الأخ المتحرش

الأخ المتحرش ،،الجزء 31

نحن مشهورون بهوسات الاعراس
صح في هذا الجبل قلت هذه الهوسات والاغاني بسبب وجود الاغاني التي نسمعها من خلال جهاز الدي جي DJ
و الذي لا يجعلك تسمع حتى الذي يقف بجانبك عندما يتكلم
لكن يبقى تراثنا بهذه الكلمات محفور لا يمسحه الزمن مثلا للعروس

جبنالك ورده اشتم بيها
بس كون الورده اتداريها
و
عروستنا حديقه و الورد بيها
ماخذها شباب و يعتني بيها
و
نتشكر من كال اخذوها
نتشكر من عمها و بوها
و
غيرها الكثير اما للعريس

هذي الرادها و هذي التمناها
بنت الشيخ لابن الشيخ جبناها

عريسنا ياجكليته حامض حلو اباكيته

افرح لبن العم تحتاج أيامه

وحتى لاهل العروس و العريس

ام العروس نائمه و منشوله
و ام العريس تركع بهلهوله

سو درب لم الولد خلوها تلعب جوله

هذا ملخص لبعض هوسات الاعراس حيث يقال
المتزوجين اثنين و المخبوصين الفين

هل هذه الهوسات يستاهلها شخص مثل رحيم بعد أن نحكي تفاصيل زوجه
و ما سوف تشرحه ميسم عنه و اسباب حقارته
كانت خديجه في السوق حيث تختار من الخضراوات التي أمامها
وگأي ام عندما تبحث عن زوجه إلى ابنها تتحدث في كل مكان تتواجد به
بأن لديها ابن افضل شاب و ليس به أي عيوب
و هم عائله يحبها الجميع و هناك الكثير من العوائل
الذين يريدون أن يعطوهم بناتهم
و لكنهم يرفضون هؤلاء لأنهم يجدون أن ابنهم يستاهل افضل منهن

وحتى ربما تجد هذا الكلام يقال عن الفتاة التي لا يتقدم لخطبتها احد

مع العلم أن الولد الجيد و الفتاة الجيده
لا يكونون بحاجه الى هذا الكذب وهذا الضحك على العقول
كانت بجانب خديجه واحده من النساء أيضا تتسوق
تقربت منها
عفوا انت اتريدين اتزوجين ابنج
خديجه اي و الله بس ما لكيت وحده تستاهله
المراه شوفي اني عندي ثلاث بنات كلهن حلوات
و اكو أهوايه يجون يخطبوهن بس هن ايريدن واحد يستاهل
يتركن بيت اهلهن على موده
خديجه يا ابني يساوى كل الشباب وحتى سجلت نص البيت اله
المراه شوفي اني ارمله يعني زوجي ميت و ما ايهمني غير ايكون عندي زوج إلى بنتي ويصير ابن ثاني الي و اخ إلى ابني عزيز كلبي
وعندي ثلاث بنات
وولد واحد و اريد عائله اتعيش بيها بنتي اتعوضها عن ابوها الي مات
خديجه صدكي لكيتي عائلة راح اتكون احن منكم الها
المراه خلص تعاي وياي هسه انروح لبيتي و اخليج اتشوفيهن الثلاثه
والي تعجبج بس أشري عليها اتكون جنتج
خديجه راحت ويه المرأة لبيتها
و كان البيت مرتب صح صغير
لكن هم أيضا بعد أن اخذ امير نصف البيت صار بيتهم
ليس كما كان
حيث اذا اخذت جنه من هذا البيت لن تنغر عليها جنتها
دخلت المرأة و احضرت الماء
و جلست معها تتحدثان كل واحد تصف محاسن ابنائها
حيث دخلت البنات بعد أن لبسن ربما احلى ما لديهن من ملابس
لم يكن هناك فتاة منهن فيها عيب
و لكن كانت الوسطى احلى واحده بهن
اختارتها خديجه
و بدئت تؤكد انه لديه نصف بيت رغم هي أخبرت الام بهذا
قبلت خديجه الفتاة و هي فرحانه
و اتفقت مع امها أن تجلب ابنها حتى يتعرف عليها و تتعرف عليه
وصلت الى بيتها
خديجه عيني زوجي العزيز صيح ابنك تره خلص اختاريت العروس الي تستاهله
دخل رحيم و هو ممصدك
رحيم امي رحتي للسوك وين لكيتي العروس وي الطماطه
امه لا ابني العزيز انت كلبك طيب و الله سهل خطوبتك شرحت كل الي صار و بكل التفاصيل
و اهم شي كالت اني ما شفت هيجي بنات كلش نظيفات بحيث دخلت عليهن بدون ما يدرون يعني مفاجئه
و جان البيت يلمع من النظافه و بهيجي بعد ما اتعب بلشغل
لان مرت ابني راح اتكون هي المنظفه مال البيت
شالت التلفون و ما خلت احد الى و خبرتهم عن اخبار ابنها و شلون لكت بنات ماكو بجمالهن و لا بنظافتهن
أعلنت خديجه بأنها خطبت فتاة لابنها
و على الجميع أن يستعد لحضور العرس