بستان الضلمات للكاتبه زهراء.
تهزمني عيونك كل ما نويت اقسى ،
"" "" "" "" "" "" "" "" "" "" "" "" "" "" "" "" ""
مروه:: شهكنا ثنينه من شفنه عابدين بيده السجين..
عابدين:: انا كلت الكم اذبحه يعني اذبحه هذا الچلب.
مروه:: لحضه ذبحت منو فهمنه؟
عابدين:: ابو مريم المجرم وهسه اريد من عدجن ترحن سلمني للشرطه خلوني انسجن..
ام شاهر:: على جنازتي يمه انتَ الي سويته يرفع الراس.
مروه:: اي انتَ كتلت واحد مجرم وحرك بنته ولازم يموت..
عابدين:: انا اروح المريم واخطبها لان اريدها واحبها..
ام شاهر:: يمه فدوه اروحلك عوف السالفه البنيه بعد ما تفيدك..
عابدين:: صيحت على امي شنووو ما تفيدني شهل الحجي يمه ترا بنت اختج وتحجين عليها؟
مروه:: تعرف امك تخاف عليك..
عابدين:: منو شنو تخاف ابوها وذبحته.
ام شاهر:: براحتك يمه الي تشوف انتَ، بس كول اخوك وين؟
عابدين:: رجع للمستشفى.
مروه:: زين هبه شلونها ويمته تطلع..
عابدين:: باجر هي و مريم يطلعن بالسلامه، وها مريم تطلع من المستشفى تجي هناا وشكم يوم نعقد انا وياها والي عنده حجي وياي يحجي تمام..
مروه:: ان شاء الله تطلع بالسلامه وافرح بيكم ولله انتو تستاهلون كل الخير..
عابدين:: شكراً شكراً مرت اخوي الغالي.
مروه:: ابتسمت،، صدك خاله اليوم مو لازم نسبح ريم لان صارت عمرها اربعين يوم..
ام شاهر:: اي يمه روحي كدامي حضري الها الماي بس كون دافي وطلعي الها ملابس دافيه تعرفين بارده والطفله اخاف تتمرض..
مروه:: صعدت الغرفتي دفيت الحمام الها وحضرت ملابسها.
ام شاهر:: صعدت للغرفه حتى اسبح البنيه، لكيت مروه محضره كل شي اخذت البنيه من عدها وساعدتني حتى نسبحها لان طفله وماكدر وحدي..
كملنه كل شي بدلنه الها..
مروه:: يمه فدوه للبنات، باوعت عليها ودمعت عيوني الله يحفظج يا يمه..
ام شاهر:: طلعت شكد حلوه حفيدتي الله يحفظها ويحفظكم ان شاء الله..
مروه:: بعد روحي خاله،، صدك باجر البنات يطلعن ولازم نحضر الهن ونستبقلهن احلى استقبال..
ام شاهر:: ان شاء الله يمه..
...
نرجس:: كلش اشتاقيت الاهلي لان صارلي هواي ما رايحه الهم..
نزلت جوه لكيت شهد اخت علي كاعده وحدها كعدت يمها وبقينه نسولف..
نرجس:: تدرين اول ما شفتج كلت يمه هاي راح تروايني الويل ومبينه حيه..
