لقيت راجل وست بيضربوا بابا فضلت اصرخ بأعلي صوتي يمكن حد من الجيران يسمعني ويلحق بابا من بين ايديهم و عشان احنا وقت الفجر مافيش حد سمعني ماكنش فيه حل ف ايدي غير اني اجيب اي حاجه ادافع بيها عنه وفعلا جبت فازه كانت ع السفره وضربت بيها الراجل فجأه وقع ع الأرض اغمي عليه ودماغه اتفتحت ونزف دم كتير وانا مقدرتش اتحمل اللي حصل حسيت نفسي بيتخنق وفجأه اغمي عليا انا كمان مش عارفه اخدت وقت اد ايه بس وقت ما صحيت لقيت نفسى نايمه ع سرير ف اوضه غريبه انا مش عارفاها ولقيت بابا قاعد جمبي قالي اني بعد ما اغمي عليا الست سابتنا واختفت وبابا خاف عليا وروحنا بيته هو وعروسته
وطبعا مراته كانت متضايقه من وجودي ف ما كنش في حل غير ان بابا ياخدني ونروح بيت مافيش حد يعرفنا فيه بس كنت حاسه ان ف سبب لرفضها وجودي معاهم في نفس البيت وفعلا مشينا بابا قعد معايا كام يوم كنت عايزه اعرف مين اللي كانو بيضربو بابا وليه اصلا عملو فيه كدا بابا قالي ان حد من الجيران قال للراجل ده ان بابا بيكلم مراته وعشان ياخد حقه جاب اخته وعملو فيه كده وان بابا اساسا ميعرفش ولا الراجل ولا مراته وانه كان اول مره يشوفهم الليله دي
بعد مده كان لازم بابا يرجع لمراته وطبعا بعد ما مشي حسيت اني خايفه قعدت اعيط وعدت الأيام وانا فيها لوحدي باكل واشرب وانام وبس وفجأه ف ليله شتويه والجو بارد جدا سمعت صوت جاي من الأوضه اللي بابا كان بينام فيها الرعب اتمكن مني ومبقتش قادره اتحرك فضلت اقرا قرأن بصوت عالي لحد ما وصلت الاوضه وأول ما فتحتها لقيت......؟.؟
