قدر مراهقة 2

الجزء 51

#قدر_مراهقة2
#ميرال_مجد
#بقلم_فريال
الجزء 51
بعد ما راحت عمتي بابا جاء عندنا حضنا وقعد معانا محضنا وساكت حتى سقساتو اسيل كيفاه حتى عرفت ماما تبسم وقالها حكايتنا حكاية كلش صرا صدفة ماكونتش متوقع بلي يجي نهار وين نتزوجها وتدخل داري _ احكيلنا كيفاه بدات حكايتكم، بدا يحكيلنا على ماما ويتفكر كيفاه تعرفو ودموعو ماحبسوش خلاص مسكين يقولو دمعة راجل واعرة واذا بكا معناها انو راهو مضرور بزاف وهكاك كانت حالة بابا نضر بزاف طول مدة المرض تاعها وهو واقف معاها ومخطاهاش كامل تعب تاع صح وذوك زادت ماتت هدتلو حيلو وكملت عليه المسمومة تاع عمتي بمشاكلها عيا وش يدير يوقف معانا ويواسينا ولا يقابل الغاشي ولا يقابل عمتي ويحبسها عند حدها ولا يحزن على ماما، قالنا تعرفت عليها كي كانت تقرا فليسي وجبت سنين وانا نجري موارها وهي مش معبرتني ماتحكي معايا ماتشوف فيا وانا هابل عليها كنت نقرا في الجاميعة وسامح في كلش المهم نشوفها لابغى 5 دقايق يكفوني جبت كل الاخبار عليها وخليتها حتى دات لباك باش روحت خطبتها لانو كان علبالي بلي مستحيل تحكي معايا بلا رابط محدد وهذاك الي كان روحت خطبتها وقبلو يمدوهالي ونهار فتحت عليها لتم حكات معايا وقالتلي بلي كانت ديما تستناني نجي وبلي تعلقت بيا بلا ماتعرف حتى حاجة عليا كانت قصة حبنا من النوع الصامت ساكتين وعينيا وقلوبنا يحكيو كلش ستنيت عام ودرت لعرس مع انو كنت نقرا بصح والديا زوجوني عادي عندهم دراهم ومكانش مشكل عندهم، تزوجنا وكملنا قرايتنا جبنا ولاد كبرناهم وزوجناهم وجابولنا احفاد وهاهي راحت وخلاتني وحدي لموت داتها مني وفوقها خلاتلي وصية لازم نفذها وانا عارف بلي راح يدمر كلش من وراها _ وش خلاتلك وش فيها لوصية هذي علاه حنا ماعلبالناش _ يجي نهار وين تعرفو ذوك روحو ترتاحو باش غدوا تنوضو بكري قومو بضيافكم ماتعولو على حتى واحد كيما كانت توصيكم ماماكم ديرو وبلا مشاكل الي يسفزكم قابلوه بالبرود وراني هنا نجيبلكم حقكم _ ربي يحفظك لينا _ امين يارب ويحفظكم مام نتوما هذا وش بقالي في دنيا هذي غير وليداتي مهما يصرا ابقاو معايا واعرفو بلي راني نحبكم ومستحيل نكرهكم تبقاو ولادي ومن ريحة المرحومة نحبكم كامل ومعزتكم عندي كيف كيف _مام حنا نحبوك متخليناش كيف ماخلاتنا ماما _ كلش بيد ربي سبحانو والموت حق هم السابقون ونحن اللاحقون اي حاجة تصرا في دنيا هذي مكتبها ربي سبحانو وماعلينا الا الصبر لا اعتراض على حكم الله وتقديره.
#فريال