•Taste me daddy• TAEGYU MGL

Part 1

Дүн өвлийн жихүүн хүйтэн нэгэн өдөр элэгдэж хуучирсан нэгэн бяцхан байшингийн дотор өсвөр насны гэлтэй жижигхэн,турж эцсэн биетэй жаахан хүү торон нимгэн хөнжил нөмрөн чичигнэн уйлах аж. Цагаахан булбрай арьсан дээр нь хөхөрч улайсан шархны мөр тодоос тод харагдана. Хэдэн хоног юу ч идээгүй тул гэдэс нь хонхолзон ам нь цангасандаа хоолой нь ч гарахгүй байлаа. Удалгүй модон хаалга чархиран дуугарсаар гартаа архины шил атгасан хөгшин эр хар уснаасаа балгалсаар орж ирлээ. Тэгээд хүүг харсан даруйдаа нүд нь улаанаар эргэлдэн цохиж унагаагаад бүдүүн сөөнгө хоолойгоор

  "Юундаа уйлаад байгаа өлөгчин бэ? Зодуулж үхмээргүй байвал чимээгүйхэн шиг амьдар!.Чадахгүй бол зах дээр зарчихна гэж мэдээрэй чи!!!" хүү айж чичигнэсээр хурдхан шиг нулмисаа арчин босоод модон хөл нь хугарах шахсан орон дээрээ хэвтээд янгинан мэдрэгдэх өвчнийг шүдээ зуусаар тэвчих аж. Нэг л мэдэхэд өглөө болсон байх ба дахиад л нэг тамын өдөр эхлэхэд хүү өнөөдөр яаж зодуулах бол гэсэн айдастайгаар нүдээ нээлээ. Яг тэр мөчид түүний хойд эцэг гэх өнөөх хөгшин эр гаднаас хаалга өгшиглөн орж ирээд

"Өнөөдөр хот орохоор болсон. Хажуу айлын Ким эмгэнийнд орж усанд орчихоод хүрээд ир. Тэгээд энийг өмсөөрэй" гээд шинэ бололтой нэгэн нимгэн задгай цамц болон даавуун бариу өмдийг дотуур хувцастай хамт өгөх нь тэр. Хэдэн жил мөнгөө харамлаад юу ч авч өгөөгүй хойд эцэг нь гэнэт л шинэ хувцас авчирсанд хар үст хүү ихэд гайхаж байсан ч түүнээс элдэв асуулт асуувал ахиад зодуулахаас цаашгүйг мэддэг тэрээр чимээгүй л толгой дохиод өгсөн хувцсыг нь барин хажуу айл руу зүгэллээ.

Удалгүй тэрээр усанд орж,өнгө ороод хэдэн жил мөрөөдсөн шинэхэн хувцсаа өмссөөр гарч ирлээ. Харин хөгшин өвгөн эвдрэх шахан,ямбийрч элэгдсэн машиндаа түүнийг шидэн оруулаад хотын зүг явлаа. Хүүд их л муу совин төрөх ба бүлтгэр нүдэнд нь нулмис цийлэгнэх аж. Учир нь тэр бараг л өөрийн ирээдүйгээ таамаглаж байлаа. Түүний хөгшин хойд эцэг нь өөрийг нь зараад хэдэн шил архины мөнгөтэй болохыг хүсэж буйг тэр зөн совингоороо мэдрэх аж. Тэгээд айсандаа амаа даран уйлж байтал гэнэт машин ямар нэг зүйл мөргөн хүчтэй зогслоо. Согтуу эцэг нь өөр нэгэн хүний машиныг мөргөж орхисон бололтой. Хүү айн дээш өндийн харвал нэлээдгүй үнэтэй  бололтой гоёмсог том хар машин байлаа. Тэгээд удалгүй дотроос нь үнэтэй хээнцэр хослол өмсөн ,алтан бугуйн цаг зүүсэн өндөр нуруутай эр гарч ирлээ. Харанхуй болсон байсан тул царай нь тийм ч сайн харагдсангүй. Хойд эцэг нь ч мөн сандран буугаад нөгөө эрээс өршөөл эрж байгаа харагдана. Тэд нэлээн удаан ярих ба хүү гайхан харж байтал хойд эцэг нь гэнэт л хаалга онгойлгон түүнийг гарнаас нь татан гаргалаа. Тэгээд өнөөх эрд хандан"Энэ хүүг танд өгье. Залуухан бас царай ч сайтай тэгээд гэр орны ажил,хоол ч сайн хийдэг. Түүнийг яаж ч ашигласан хамаагүй ээ. Харин оронд нь өршөөж хайрлаачдээ. Би үнэхээр насаараа ажилаад ч тийм их мөнгийг төлж чадахгүй шүү дээ!"

Үүнийг сонссон хүү цочирдон аавынхаа хөлнөөс тэврэн"Ааваа гуйя намайг битгий зараачдээ! Би одооноос бүр илүү хичээнээ! Өдөр шөнөгүй ажиллаад ч хамаагүй мөнгө сайн олох болохоор гуйж байна. Битгий зараачдээ!"

Харин хөгшин эр түүнийг үл тоомсорлон саянаас хойш хүүг харан зогсох залуугийн шийдвэрийг хүлээнэ. Харин өнөөх залуу ойртон доош суугаад бүлтэгнэн уйлах бор үст хүүгийн эрүүнээс нь өргөн хэсэг ширтсэний эцэст ам нээн

"Чамайг хэн гэдэг вэ?"

"Б..Бомгю.. Чой Бомгю...."

Өндөр хамар,цагаан арьс, улаан хүрэн үс болон ширүүн ч гэсэн үзэсгэлэнтэй хар нүдтэй залуу түүний үсийг илээд

"Хөөрхөн нэр байна.Тэгэхээр Бомгю. Өнөөдрөөс чи миний эзэмшил. Аавынхаа өрийг төлөхийн төлөө сайн ажиллаарай ^^"

Дүрийн нэр: Чой Бомгю
Нас: 18

Дүрийн нэр: Кан Тэхён
Нас: 25

Шинэхэн бичээч байна ( ^ω^ )Туслаж дэмжээрэй ххэ