نينوى غريبة

الجزء الاول

ملاحظة:القصة كلماتها باللهجة المصلاوية بس تعرفون اني مااكدر اكتب مصلاوي راح
اكتبها بلهجتنا وشوية مصلاوية حسب طلب البنت.

2012 الأربعاء
الموصل
خديجة:نينوى نينوى
نينوى:هاا هاا
خديجة:امي دكول روحي لبيت عمو بكر كولي لريم خلي تجي يمنا
نينوى:يووو والله مابية حيل هسة كبل راح يكولون اليوم غدانا يمكم
خديجة:انجبي وروحي يولو واذا اجوي كُل الهلا
نينوى:طالعة طالعة
نينوى:اني نينوى اعرف اسمي غريب ونادر بس بابا يحب العراق وراد يسميني عراق بس بعدين عمو كال عراق اسم ولد ولأن احنا من الموصل بابا سماني نينوى
وعندي اخت وحدة اكبر مني بسنة خديجة
بس احنا الاثنين لامي وابوية
بابا مصلاوي الاصل عايشة وحياتة وحتى ولادتة
ماما من كركوك بس عربية وأهلها من سكنة أهالي بغداد
المهم احنا عايشين بمنطقة شبه ريفية ناس مسالمين
مانعرف شي عن الطائفية وذاك شيعي وهذا سني وفلان ايدي وفلتان سرياني انتوا تعرفون
الموصل وتعدد قومياتها واديان سكانها
بس احداث الي صارت بالموصل أثرت على هواية ناس
اكمللكم جزء من كانت حياتي حلوة
نينوى:شلونك عمو
ابو ريم:هلا بنينوى
نينوى:عمو خديجة تريد ريم
ابو ريم:دا تقرأ ريم تريد شي
نينوى:يجوز حتى تساعدها بالدراسة عادي اصيحلها
ابو ريم:روحي عمو
نينوى:
دخلت للبيت سلمت على مرت عمي
نينوى:شلونج ريوم
ريم:واخيراً اجيتي
نينوى:شعرفج راح اجي
ريم:من البارحة اتفقت اني وخديجة تجين حتى تقنعين ابوية اجي يمكم
نينوى:شعجب عمو مايقبل على طول انتِ يمنا
ريم:رسبت بالامتحان انطونا الأوراق وضميت على ابوية وسمعني دااكول لامي وعاقبني مااطلع ولا اشوف احد
نينوى: ههههه كضيت عمري ارسب
ريم:امشي يلا لا يغير راية
طلعنا ورحنا لبيتنا
وماما استقبلتنا
ومشت حياتي بين دراستي وأهلي
وبيوم اجتي بنية من غير منطقة لمدرستنا نقل
اني من النوع احب اعاشر واتعرف
المهم البنية كانت طبيعية تدرس ومبينة شاطرة
حبيت اتعرف عليها
نينوى:مرحبا
زينب:مراحب حبيبتي
نينوى:اني نينوى سمعت بيج طالبة جديدة
زينب:هههه اي صح بس اسمج غريب
نينوى:اي قصة طويلة بس مختصرها ابوية راد يسميني شي من تراث العراق
زينب:اها حلو والله
نينوى:من وين اي منطقة
زينب:تلعقر
نينوى:اها شيعية
زينب:اي حبيبتي
نينوى:كُل الهلا
بقيت اسولف وياها واندمجت بشكل
مرت الايام وصارت علاقتي قوية بزينب
صرنة شلة اني وزينب وريم وخديجة
وهواية عرفت
سنتين احنا مثل بعض نجحنا ووصلنا سادس
وقبل حرب الموصل بشهر ابن جيرانا اختفى
ناس كالت انخطف ناس كالت انقتل
هو مو طفل عمرة 26
يعمي نسبة الشك بالخطف قليلة كُلهة كالت انقتل
واهلة انتقلوا لغير منطقة
ومن صارت حرب الموصل
زينب وأهلها انتقلوا لبغداد
لان شيعة
انقهرت ومتتت وعندي صديقات من الازيد راحوا للشمال
واحنا بقينا لان سنه
الدواعش هجمت على كل البيوت الي غير سنية
صارت الناس تفكر كل السنه دواعش
مع انو هم مو اسلام حتى
المهم بيوم
الأحد
بتاريخ
5/6/2014 طلعنا اني وخديجة
ابو خديجة استعجلن بنات خاف يصير انفجار خلي نرجع للبيت
نينوى:بابا بس خلي اجيب خيار ع السريع رمضان وامي وصتني
ابو خديجة:يلا طالعة كدامج امشي خديجة استعجلي نينوى
نينوى:صار بابا
نينوى:رحت واني مثل هاي الناس مستعجلة
كمية الخوف والرعب الي زرعوا الدواعش بينا باسم المذهب السني
خلانا مانعرف حياتنا شنو
المهم دااحط خيار على الميزان حتى الرجال يحسبلي
مااخس غير وكَعت بالكَاع والصوت فجر طبلة اذني ايدي بيهة دم مااعرف منين الدم يطلع من حلكَي من خشمي ماادري
الناس دا تركض والي يصيح
اني عيني راحت على ابوية واختي
شفتهم بالكَاع واكعين والناس تشيل بيهم
كمت وكوة امشي اركض باتجاههم وكل كلماتي
نينوى:بابااا خديجة
صياحي عبارة عن
بابااااا خديجة
بذاك اليوم نقلوا ابوية واختي للمستشفى
وامي وريم وعمي وزوجتة ركضوا وراية للمستشفى لان الناس كُلهة ضجت الخبر
دخلوا واني كاعدة على كراسي الانتظار
وجهي مصدوم وخدي اليسار بي دم حلكي دمة يابس وكاعدة مااعرف شسوي
ام خديجة:نينوى نينوى
نينوى:سمعت صوت امي ماتحركت بقيت على كعدتي من الرهبة والصدمة
ام نينوى:نينوى حبيبتي بنيتي كولي حبيبتي اكو شي يوجعج اختج وابوج وين
نينوى:بالردهة
ابو ريم:نينوى حبيبتي لا تخافين بس كولي بابا اكو شي يوجعج
نينوى:هزيت براسي بمعنى لا
لليل احنا ننتظر والدكاترة والممرضين يركضون
هواية ناس راحت ريم بصفي تبجي على خديجة
وعمو دمة صاير نار ويركض بين دكتور ودكتور يسأل على وضع ابوية مرت عمي تواسي بأمي
وبذاك اليوم
الدكتور وهو مستعجل:عدكم اثنين حالتهم خطرة مو
ابو ريم:اي نعم
الدكتور:بسرعة أسمائهم
ابو ريم:عمر علاء وخديجة عمر
الدكتور:حيل حاولنا وياهم وهاي اخر محاولة
نينوى:
دخلوا الصعقات الكهربائية
ربع ساعة طلع الدكتور
الدكتور:والله حيل نعتذر خسرناهم اثنينهم اصابتهم خطرة وهواية ناس راحت
نينوى:
اشوف عمي لزم راسة وامي ومرت عمي صياحهم ترس المستشفى
حالهم حال النسوان الي خسرت أرواح عائلتهم
ريم أغمى عليها من البجي ضغطها نزل
وعمي يركض بيها
لحد ثاني يوم رجعنا للبيت
صارت فاتحة ابوية واختي بنفس اليوم
اني حالتي شبه المريضة نفسياً بس صافنه الناس تبجي وتصيح
واني صافنه احس نفسي بحلم
ابوية واختي صديقة طفولتي وتؤام روحي خسرتهم بنفس اليوم
ريم تركض بالفاتحة تبجي منا وتنظف منا وتواسيني منا
امي منتهية حالتها حالة
مر شهر على مصيبتنا
واني لا دوام ولا طلعة ريم يمي ماعافتني دقيقة
وامي تمرضت
الموصل سقطت
والناس طلعت للمحافظات الشيعية لانو أمنه
واوضاع الموصل كل يوم تسوء
صديقتي زينب ماسمعت عنها خبر
الازيد حالهم حال
والشيعة أكثرهم قدموا على الحشد الشعبي حتى يحررون الموصل
اخوان صديقاتي من السنه انضموا للجيش
والموصل بطوائفها تواجه
وبيوم الجمعة بتاريخ 6/6/2015
الساعة ب3 بليل تخيلوا هيج وقت واحنا مو نايمين
لسى محد تخطى بينا موت ابوية واختي
مانحس غير بابنا اندفر وناس مسلحة
دخلن اثنين نسوان منقبات
يصيحين البسن حجاب وتغطن تصرفاتهم
تخوف
دخلوا 3 زلم مسلحة وملثمين مامبين منهم غير عيونهم والرجال أشر علية
اذكر سموا ابو عبيدة
ابو عبيدة:هاي البنية جريها للسيارة
امي تصيح وتبجي وهمة حطوا سلاح على رأسها
البنية كالتللها اي صوت منج نقتلكم لازم تكونون مطيعين للدولة الإسلامية
جرتني البنية
ابو عبيدة:صعدنها بالسيارة الي اجيت بيها
صعدني واني دموع ماسكتت
مصيبة وحدة ورى الثانية
وصلوني لمكان مثل السجد
ابو عبيدة:نزلي ومااريد صوت
أشر للعصابة الي ويا
روحوا
دخلوا للمسجد والنسوان وراهم
ابو عبيدة:فوتي للمسجد وكلمة زايدة ناقصة مااريد ترى امج تتأذى وانتِ هم
نينوى:خفت على امي حتى دموعي كتمتهن
طلعت المراءة كالت
ليش مالابسة نقاب مو فرضنا وكلنا احنا باللدولة الإسلامية وممنوع التبرج
نينوى:اني بقيت ساكتة
شمرت علية نقاب وكالت هاج البسي هذا ودخلي حتى الشيخ يعقدلكم
نينوى:مااريد ازوج مااريد كمت ابجي واصيح حرام عليكم
مااحس غير سلاح انرفع علية
ابو عبيدة:اي كلمة زايدة والله اقتلج وامج اذبحها ذبح والله
نينوى:شتريد مني انت
ابو عبيدة:الي مايطبق قوانين الدولة الإسلامية يتعاقب
نينوى:
جرتني البنية للمسجد وابو عبيدة وراية
شفت هواية بنات ازيديات دا يجبروهن ع الإسلام
واكو بنات صغار حاطين القران على راسهن وهنة يبجن
ويشهادن مثل مدا يعلموهم
البنية كعدتني بالكَاع وابو عبيدة كعد بصفي
اجا الشيخ عقد واني
مامستوعبة
قبل شهرين ابوية واختي وهسة انجبر ازوج واحد داعشي
بعد ماعقدنا
جرني سحل عبالك شي كُرسي او لعبة وللسيارة صعدني
غمض عيوني بوصلة
نينوى:اني لابسة نقاب اختنك لا تغطي عيوني
ابو عبيدة:عادي اختنكي لا تخافين ماتموتين
اخذني وماطولنا وكفت السيارة
ابو عبيدة:نزلي
نينوى:مااشوف
فتح عيوني وجابني لمكان مثل القبو
نينوى:احنا وين
ابو عبيدة:بمكان لو تصرخين اسبوع محد يسمعج لذلك صيري خوش بنية ولا تسوين حركات الجهال
ويلا فوتي
فتتت واني ميتة خوف وبية دموع حرفياً
اطلع بيها كل الدواعش من الموصل
اول مافتت المكان عبارة عن غرفين واكو حمامات معزولة
كانت الغرف عبارة عن أسلحة وسكاكين
ووحدة من الغرف بيها جرباية ام نفر
ابو عبيدة الرجال الي وياية من اجا اخذني
وهو مانزع اللثام من وجهه وصوتة خشن مرعب بشكل
شفته شال كل الاسحلة الي بالغرفة الي بيها جرباية
ونقلهم للغرفة الثاني
وكالي
ابو عبيدة:فوتي بهاي الغرفة اني عندي شغل ولا تحاولين اسوين شي
فتت طلع وقفل علية الباب
بقيت لابسة عباتي وححابي بس النقاب لان مامتعودة علية خنكَني
الغرفة بيها شباك صغير بس كُلش صغير
بقيت كاعدة بالكاع ماصعدت ع الجرباية
اباوع ع الحيطان عبارة عن كتابات
غريبة وشخابيط
وبالحايط الثاني الي بصف الجرباية معلكَة
راية مكتوب لا اله الا الله لونها اسود
للمغرب هيج ردت اصلي واني حتى مكان وضوء ماعندي شفت الضوء من الشباك الدنيا صارت ليل
اسمع صوت جَلاب قريب
وانفتحت الباب ودخل نفسة الملثم ابو عبيدة
بدون ماينطق حرف سحب سلاح من جوة الجرباية وطلع بس ماقفل الباب
رحت ورى الباب وكفت شفتة مهوس ويحط رصاص بالاسلحة وبيدة جهاز لون اسود مثل الي يلزموا بالشرطة وماعرفت شنو يسولف
خلص وتقدم بأتجاهيي
اني رجعت لمكاني بخوف
ابو عبيدة:اي ست نينوى شلونج
نينوى:اباوعلة وهو يورث جكارتة
نينوى:مو حرام ادخن مو عساس دولة إسلامية
ابو عبيدة:هههههههه غفور رحيم
وين صديقتج الشيعية شو اختفت هي وأهلها
نينوى:تعجبت يسأل عن زينب شلون يعرف
كتلة انت منو وليش متلثم
ابو عبيدة:جاوبي بلا لغوة وين راحوا
نينوى:مااعرف والله وشتريد منها همة مامأذين احد
ابو عبيدة:اي ابدد
نينوى:شتريد مني رجعني لامي
ابو عبيدة:والله اخذتج لان شفنا هاي البنية وياج ومايصير الا عقد
نينوى: لعد ليش تأذون الازيديات مو حرام
ابو عبيدة:ذولة كفار ومن عبدة الشيطان والرحمة بحقهم حراام
نينوى:رب العالمين برحمتة وبعظمتة يرحم منو انت ا تخربون الدين وتشوهونا شيعة سنه ازيد اي كان قومية احنا بشر ومرجعنا لله
والغلط رب العالمين يحاسب مو انتوا
ابو عبيدة:هههههههه حلو والله باعي عزيزتي لا تدخلين بهيج اشياء وحاولي اذا تعرفين شي عن هاي البنية لااضمين ترى اصير مو خوش وياج
نينوى:الي اعرفو كتلك بي
ابو عبيدة:اها خير ان شاءلله
نشوف شلون ماتعرفين
نينوى:وهسة رجعني لان عرفت مااعرف شي
ابو عبيدة:ههههه طموحاتج عالية
باعي صيري حبابة احسن
لان بعدني مامخلص وياج بس مالي خلك بالوقت الحالي
نينوى:اريد اصلي
ابو عبيدة:روحي توضي بالحمام
نينوى:ماتخاف انهزم
هو ودا ياخذ حبوب مااعرف مال شنو جاوبني
ابو عبيدة:مو غبي كدامج قافل البيبان
نينوى:
رحت توضيت واول مادخلت للغرفة طلع وقفل الباب
صليت وبجيت دعيت ربي يبرد كَلب امي خسرتنة كُلنة خلال شهرين
افكر بريم وبناسي واهلي وكل الدنيا
افكر بالموصل
وافكر ليش يدور على زينب شيريد منها
ومر شهر نفس وضعي هو يطلع ماي جع لليل ومرات يعوف الباب مقفولة
يجيبلي اكل صمون وجاي
لو اشياء بسيطة ومرات يعوفني يومين بلا اكل
وهذا كُلة اني ماشايفته منو
ومر اسبوع
دخل علية ابو عبيدة وهاي اول مرة مطلع وجهه
من الصدمة بقيت مركزة بوجهه
نينوى:هذا انت
ابو عبيدة:صدمة مو
نينوى:كنت مغطي وجهك حتى مااكشفك
ابو عبيدة:ممكن
نينوى:
طلع ابن جيرانة المفقود والي الناس فكرتة مقتول
الناس فكرتك متت وأهلك انتقلوا لغير منطقة ويمكن اصلا هسة طلعوا من الموصل وانت بكل بساطة منضم للقاعدة الإرهابية والي تسمون نفسكم دولة إسلامية
سمعني هيج كلت لزمني من ركَبتي بقوة حسين روحي راح تطلع
ابو عبيدة:لسانج ضبي احمدي ربج لسى ماماد ايدي عليج واحد غيري يبيعيج حالج حال الازيديات بس مجبور اتحملج
تعرفين هسة انتِ شنو
مثل الرهينة عندي خاطفج اني
نينوى رهينة
افتهمتي ف خليني متحملج احسن
نينوى:
من كد مااختنكَت اول ماهدني وكعت بالكَاع واكُح وهو ولا همة عبالك شي حيوان عافني وطلع
بقيت على هل الحال
صارت بية مثل الحالة النفسية
كان اكو خطوط على الحايط شخابيط
صرت احط ايدي على الخط وامشي ويا
مرات اكعد صافنه
وافكر انتحر اشنق نفسي
وارجع استغفر صرت ميته
تغيرت حيل
خلال سنه وحدة حياتي تغيرين انكَلبت رأساً على عقب
خسرت اعز ناسي
فارقت صديقاتي
امي الي مااعرف شنو وضعها
ازوجت شخص ارهابي وبدون مااشوفة
انجبرت اعيش بوضع مااعرف شلون اتخلص منة
صرت كارهة حياتي ونفسي وصرت ادعي ليش  ربي خلقني
صرت عايشة وي شخص مااعرف شنو غايته
شنو يريد مني على طول قافل الباب علية مايفتحها بس من اطلب منه اروح للحمام اغسل او اتوضى
يجيبلي الاكل بين يوم ويوم ومرات ابقى جوعانة
ياخذ حبوب مااعرف مال شنو
جابلي ملابس كاملة واحد أعرض من الثاني
مرات اصنط علي يسولف وي شخص أو بالتلفون كلمات ماافتهمها
واسمع أصوات الأسلحة
مرات انام
احس مثل الي فاقدة وعي عبالك حاطلي شي بالأكل
ومن انام احس شخص واكف يباوع علية بس مااكدر افتح عيوني
مرات بالنهار اكون كاعدة يم الشباك
هو يدخل يباوعلي ويطلع
الف فكرة تجيني وابقى خايفة منه
بقيت هيج لمدة سنتين من 2015 لحد 2017
قبل تحرير الموصل بشهرين.......

الكاتبة:جنات