10:28 في شوارع أسبانيا *مدريد *
تقف مجموعه من الفتيات عند أحد الفنادق المتواجده في اسبانيا يدخلون مع احد أعضاء الإدارة يبدأ بارشادهم إلى غرفهم ليذهبو إليها في كل غرفه ثلاثة اشخاص
ريمان : بنات يونس انا وانتو مع بعض في نفس الغرفه
غنى : يببب اعععع
تولين : عادي اسحب عليكم؟
ريمان : ياخي وش نسوي لك المفروض تفرحين اننا معك
غنى : تولين عادي نروح نتصور مع لعيبه المنتخب؟
تولين : لا دزي
ريمان : وانا بعد اقول لك دزي
دخلنا غرفتنا الي كانت كبيره نوع ما كانت عباره عن ثلاث غرف وصاله كبيره ومطبخ
تولين : بنات مين تنزل تجيب لنا اكل من السوبرماركت
غنى : معليش حبي بس ابي اتروش
ريمان : بما اني باقي فيني نشاط بانزل وحافظه أسبانيا باروح
اخذت شنطتي وجوالي وبطاقه الغرفه ونزلت تحت
دخلت السوبرماركت وكنت لابسه سماعاتي واخذ الأغراض الي تحتاجها واحطها في السله رحت وحاسبت وطلعت
.
.
دخلت الغرفه لقيت تولين نايمه على الكنبه و جنبها غنى ضحكت على أشكالهم وفتحت جوالي وأخذت لهم صوره تضحك مو عشان ذكريات لا عشان اذلهم فيه 🤭
حطيت الأغراض في المطبخ وطلعت
ريمان: ورعان اصحو يلا كل وحده على غرفتها
غنى : يلا يلا خمسه دقيقة
ريمان : وشو خمسه دقيقة هنديه انتي
تولين : تافهه بس تضحك
سحبت عليهم ورحت غرفتي وطوالي انسدحت على سريري ونمت
7:00
تولين وغنى حرفيا نشبو لي اني اقوم قمت تروشت وخلصت ورحت البس بعد ماجففت شعري
لاننا تونا جينا امس فا اعطونا أجازه
ريمان : بنات اسمعو نفطر ونروح المول ولا اي مكان
تولين : عندي سوال انتي معنا ولا مع مين؟
ريمان : ها وشو
تولين : لابسه تيشيرت ميسي؟
ريمان : صح اني مدريديه بس اعشق ميسي وش اسوي
تولين : الله يعين مدريد عليك ياشيخه امشي
غنى : خليها ذي المرشدة السياحية حقتنا خليها على راحتها
ريمان : لبى
تولين : امشي انتي وياها امشي
نزلنا تحت وكنا نتكلم عن كل شيء بالحياة حرفيا
غنى : اعععع تكفونننن شوفو اللعيبه هناك جالسين
ريمان : واووو يالله كيف كذا كيف جالسين
تولين : يمههه كنت احسبهم بس يمشون واو طلعو يجلسون زينا
غنى : كلو تبن
ريمان : باجيب لي قهوه تبون
غنى : بنت من جدك ما افطرتي روحي كلي وبعدين اشربي قهوه
ريمان : لا لا ما احب افطر باخذ قهوه واجي
رحت ركن القهوه الي على جنب البوفيه اخذت قهوتي ورحت اجلس على الطاوله الين يجيبون البنات فطورهم ويجون جوني باقي الكادر الطبي
سناء : كيفك يا ريمان من زمان عنك
ريمان : امم تمام
تالا بضحك : سمعت انك سحبتي على الجامعه ماعندك غير شهادة الثانوية صح؟
ريمان : لا انا وقفت الدراسة في السعودية وسافرت في اسبانيا
سناء : اها ماشاءالله
تالا : يععع متكبره
ريمان : تقلعي بس قال متكبره
راحت تالا وجلست اسولف مع سناء كانت لطيفه مره مع اني اخر مره شفتها كانت في ثالث ثانوي الا ان اسلوبها نفس الشي يجنن
غنى : هلا والله سنووو
سناء : وشو سنو قطوه انا
تولين : الذبه خايسه بس عشانك خويتي باسلك لك
غنى : بنت روري جبت لك معي كرواسون
ريمان : بس حبي بالعافيه عليك
قمت وانا اخذ كوب قهوتي واروح جهت المدربين
ريمان "Hola, Reynald, te ves inusualmente saludable"
