الموظف:تمام
طلع الموظف ونياف طلع من مكتبه راح لـ مكتب عبدالعزيز
دخل نياف:هلا
عبدالعزيز:تعال اقعد
قعد نياف
عبدالعزيز:شوف تذكر لما قلت لك انه في واحد يحاول يسوي اي شي لي وحق اهلي جاتني رساله منه الحين يقول تجهز حق الي بيصير
نياف:ماتعرف منو؟
عبدالعزيز:لا حاولت اعرف منو بس ماقدرت اوصل له
نياف ابتسم:ولا يهمك وعد مني اني بحمي غزلان وامها وابشر من عيوني
عبدالعزيز:والله يـ نياف ماادري شقولك
نياف:مو مهم تقول شي عارف الي بداخلك
عبدالعزيز:و من جذي ناديتك اقولك تقدر تتزوجها؟لاني اثق فيك واعرفك عدل وادري انك بتحميها بغيابي ووجودي
بالمدرسه-
جيان وغزلان كانو يتهاوشون على سبب تافه حييل وصارت هوشه كبيره
جيان:اقول روحي شوفي ابوج الي قاعد مع اخوي يبي يزوجج له وانتي حتى ماخلصتي مدرسه
غزلان:موو على كيفجج ابوي مايسويهاا
جيان:مو مصدقتني روحي شوفي
غزلان راحت ساحه الفرصه ونطت من فوق
وتوجهت لـ شركه ابوها
الموظف:يـ استاذه غزلان ابوج بأجتماع مهم بالغرفه مااقدر ادخلج
غزلان بصراخ:وخر عني احسن لك
وخر عنها وفتحت باب مكتب ابوها
غزلان:صج الي سمعته؟
عبدالعزيز:غزلان عيب اطلعي برا بعدين نتفاهم
غزلان:مابطلع بتقول لي الحين الكلام صح ولا
عبدالعزيز:يـ غزلان انا بأجتماع مهم اطلعي برا
غزلان طالعت نياف وهي ماتدري انه اهوا الي بيتزوجها:اطلع برا بكلم ابوي بشي مايخصك
عبدالعزيز بعصبيه:ارييييج عيييبب
غزلان:لو سمحت اطلع برا
طلع نياف
غزلان:قول لي الكلام صح؟
عبدالعزيز:اي كلام؟
غزلان:وحده تقول انك بتزوجني حق اخوها
عبدالعزيز:اي صح اقعدي افهمج
غزلان ببجي:انا بنتك الوحيده تزوجني الحين!
عبدالعزيز:والله عشانج مو عشان شي
غزلان طلعت من مكتبه وركضت لـ برا تروح بيتهم شافها نياف وتنهد:حرام هالعيون تبجي مو لايق
عبدالعزيز راح وراها البيت
ببيت عبدالعزيز-
دخلت البيت وصعدت غرفتها وقفله الباب
حنين من عند الباب:غزلان يما شفيج افتحي يما
غزلان بصراخ:رررررووحيييي عنييييييي مااابببييي اححححددد
عبدالعزيز:غزلان خليني افهمج افتحي
غزلان:شششنو تفههمني ها شنوو وانت بتزوجنني واحدد اكبر مني بوايد وغصب عني!شنوو تفهمممننني؟
بعد مرور ايام كلمه عبدالعزيز مشت ولا قدرت ترفض وصارت ماتكلم ابوها ولا تسلم عليه زعلانه منه حتى مدرسه ماتروح
المغرب-
كانو جايين اهل نياف يخطبون غزلان وبعدها بأسبوع الملجه وبعدها بشهر الزواج بس عشان يقدر يحميها قبل لا يسوون فيها شي
حنين:يهلا تو مانور البيت
جميله:منور بأهله
حنين:شنو تشربون؟
جميله:الي موجود
حنين:ابشري ثواني بس
راحت حنين تنادي الخدم يجيبون لهم
تالا:امها حييل تهببل وطيبه واضح اجل شلون البنت؟
جيان:اقول ماعرفتيها عدل انا اعرفها معاي بالمدرسه راعيه مشاكل ماادري شلون اخوج يبيها
جميله:بس انتي وهي وجيان ماابي اسمع صوتج
جيان:يصير خير
حنين:تفضلو
جميله:شوفي يـ ام غزلان حنا جاين نخطب بنتج غزلان لـ ولدي نياف واتوقع عارفينه انتو وانشاءالله توافقون
حنين:نياف والنعم فيه نعرف اكثر من نفسنا واوعدج انشاءالله برد لج خبر على الموافقه
تالا:الا وين غزلان بنشوفها
حنين:ثواني وتـ
ماكملت كلامها الا وغزلان نازله وهي بكامل زينتها كانت لابسه نفنوف ازرق طويل بدون اكمامه فيه فتحه من تحت،سلمت عليهم وقعدت،بعد مده طلعو
