بعد مرور عده ايام يوم الملجه كانت تتجهز ومعاها البنات "سمر،شيماء،رغد" ماخلوها ولا لحظه وكل وحده كانت تشرف على شي
سمر:بس يابنت بجي المكياج بيخرب
غزلان:سمر اذا مانقلعتي برا بقوم لج بالكعب
سمر ضحكت:والله حرام عليج الرجال حلو ويهبل وهيبه وكل شي فيه حلو مالت عليج تبجي قالت شنو قالت مابيه صج مالت عليج
غزلان طالعت شيماء:شيوم اذا ماسكتيها بقوم لها
شيماء:بس عاد انتي معاها ويلا سمر انزلي تحت شوفي رغد وخالتي وشوفي وصلو اهلهم و اهلنا؟
سمر قامت:بطلع بس فكري بكلامي عدل والله يهبل
غزلان هفتها بالكعب وسمر انحاشت وهي تضحك
شيماء ضحكت:الله يعينكم بس
غزلان ببجي:شيييومم مابي ليه يقصبني ليه
شيماء:بس ياحياتي انتي خلاص والله تعبت منج كل شوي نمسح المكياج ونعدله واطمنج وتسكتين بعدها تبجين وتسألين نفس السؤال شسوي انا؟
غزلان:بس ماابيه خلاص مو غصب
شيماء مسكت ايدها:حياتي انتي بكرا تتزوجينه ويصير لج السند والاخو والصديق من بعد اخوانج
غزلان:بدق على الزفت فارس اول مره اشوف ملجه اخته ومايجي
شيماء:دقي عليه انا بروح تحت على ماتنزلين شوي
طلعت شيماء وبعدها دقت غزلان على فارس
رد عليها:هلا بعيوني وروحي وقلبي ودنيتي وكل حياتي
غزلان:فرووسه ترضى يعني ملجه اختك وماتجي
فارس بجذب:عيونه اهوا شوي كان المفروض اجي بس ماقدرت
غزلان:اف يــ
ماكملت كلمتها الا وفارس داخل عليها من الصدمه طاح تلفونه صرخت وقامت تحضنه
غزلان حضنته:فررررروووسهه
فارس بادلها وضحك:عيييونننه
غزلان:اقرصني خلني اتأكد اذا انا بحلم ولا
فارس قرصها طقته:وجع شوي شوي
فارس:انتي قلتي اقرصني
غزلان:وانت ماصدقت على الله
فارس غمز:شنو هالجمال نياف بيموت
غزلان كشرت:وع مابيه اساسا مااعرفه
فارس عقد حواجبه:شنو!شهل كلام؟شنو الي ماتبينه اجل ليه مارفضتي؟
غزلان:ابوي مارضى واساسا مقصوبه عليه
فارس تكتف:وليه انا ماادري؟
غزلان:ماادري حسبالي ابوي قايل لكم
فارس:الحين تقولين لي السالفه ماكلها
طق الباب وفتحت شيماء:غزوله يلا انــ تصنمت بمكانها من شافته رجعت صكرت الباب
غزلان:شيووم صبر روحي شوي عشان اخليه يطلع
فارس:منو هذي؟
غزلان:شيماء رفيجتي تذكرها؟
فارس:ايييي عرفتها الي كانت معاج بالروضه؟
غزلان:اي اهيا
فارس ضحك:اووله من متى مع بعض ولا مره تهاوشتو
غزلان طقته على كتفه بخفه:وجع قول ماشاءالله
فارس قام يطلع ويضحك:ماشاءالله بس اعلمج على الطقه هذي اوريج
غزلان:انقلع
دخلت شيماء بعد ماراح:بسم الله هذا شجابه ومتى يا من السفر؟
غزلان ضحكت:مدري
شيماء:والله اهنيه غير جوج شوي يلا عشان تنزلين
غزلان بتوتر:متوتره وخايفه
شيماء:يلا عاد مافي شي يوتر ولا يخوف
غزلان:اعلمج بس تزوجي او انخطبي وتعرفين خوفي وتوتري عدل
شيماء زجعت شعرها لورا:لا ماابي بضل سنقل
غزلان:صج والله
رغد دخلت:اي شرايكم اجيب لكم قهوه وحلا وتقعدون تسولفون وتخلون المعازيم الي تحت والرجال الي ناطرج والشيخ شرايكم
غزلان قعدت:تم يلا
رغد:وجع ماصدقت على الله اخلصي قومي وانتي الثانيه يلا
شيماء اشرت على نفسها:تكلميني بيب؟
رغد:بيب بعينج خلصصي اكلم الطوف والله
غزلان:شيوم هذي شفيها معصبه؟
رغد مسكت كعبها:هذيل الي بيجننوني تقومون ولا شلون؟
غزلان وشيماء قامو:قمنا
