بعد مده نزلت غزلان وهي بكامل زينتها كانت لابسه نفنوف ابيض طويل ومن تحت فيه فتحه ومن عند الصدر مفتوح بدون اكمام
زغلطو الامهات من نزلت بدت الزفه تشتغل الي بصوت ماجد المهندس:
على طاري الجمال الي تفاصيله
ترد الروح تهادي واقبلي يسعد
ربي هالضله تهادي وانتي اعذب
تقدمت وقعدت على الكوشه وشوي وقامت مع امها تدخل الصاله (المجلس) الثانيه قعدت وهي متوتره دخلو عليها اخوانها
فارس:يالبيه يالجمال
فراس باس راسها وضحك:متأكد بيغمى على نياف
رجعت شعرها ورا اذنها بغرور:اكيد دام انتو اخواني
فارس:اووييللييي
فراس:اخلص عطها الكتاب توقع
وقعت بعدها باركو لها اخوانها و فراس اخذ الكتاب وراح يوديه وينادي نياف
فارس:مبروك ياعيون اخوج
ابتسمت:يبارك فيك
فارس:جاهزه؟
غزلان بأستغراب:حق شنو؟
فارس:الشوفه
غزلان عقدت حواجبها:خير منو قال لكم ابي شوفه؟
فارس:زوجج طلب من ابوي وتعرفين ابوي مايحب يرفض حق احد شي وعاد هذا نياف مو اي احد ثاني
غزلان وهي تقلده:عاد هذا نياف،منو نياف هذا الي معطينه اكبر من حجمه
فارس:زوج بنته حبيبتي ووحيدته اكيد مابيرفض له طلب وشرييكه
طق الباب نياف وتحمحم سمعته وتوترت
فارس:حياك شوف عندكم خمس دقايق غيرها مافي عشان بتدخل المصوره وامي وامك ويمكن احد معاهم ماادري
نياف:خمس دقايق!يلا ماعليه
فارس ضحك:ادخل حياك
دخل نياف وفارس وقف برا،طالعها وابتسم وتقدم منها يوقف يمها رفعت راسها وانصدمت
عطته كف قوي:انت!ياحيوان!
نياف انصدم ومسك ايدها:قد الكف؟
توترت من قربه لها:اي قدها تبي واحد ثاني؟
نياف ضحك بخبث:بتشوفين شنو اسوي بعد شهر بزواجنا اعلمج
بعد عنها من شاف خواته وامه وامها داخلين مع المصوره
زغلطو الامهات بفرحه
جميله:ماشاءالله الله يحفظكم
حنين:مبروك
تالا:مبروك يروح اختك
جيان:مبروك نيافوو
نياف ابتسم:يبارك فييكم
المصوره:بعدو شوي عشان يلبسها الدبله
بعدو و خذا الدبله ومدت له ايدها الصغيره كان الفرق بينها وبينه حييل حلو ويضحك كأنها بنته لبسها وخذت دبلته ولبسته زغلطو الامهات وبدو يباركون لهم ثاني مره بعدها صورو معاهم وطلعو عشان ياخذون راحتهم بالتصوير
المصوره:تبون صور خاصه؟
غزلان:لـ ، قاطعها نياف:اي نبي
طالعته:منو قالك ابي؟
نياف:بس انا ابي
غزلان تخصرت:مابصور!
نياف طالعها وضحك:وقفي عدل
المصوره ضحكت:يلا نبدا وقف وراها وامسكها من خصرها
غزلان طالعتها بصدمه!
نياف ضحك وقعد يسوي كل الي تقوله المصوره
غزلان:دامها خربانه خربانه ابي نصور فيديو تقدرين؟
المصوره:اي يروحي
غزلان ابتسمت:حلو
خذت تلفونها وقعدت توري نياف الفيديو:شوف ابي نفس جذي
نياف ابتسم وهمس لها:اذا مااسوي لج اسوي لمنو؟
كان الفيديو انه يحضنها و يقطيها بالبشت ، بعد مده خلصو وراح قسم الرجال واهيا راحت فوق غرفتها وشوي شوي بدو الكل يروحون ومابقى غير رفيجاتها الي بينامون عندها
رغد قعدت بتعب:شوفي لازم تعطيني شي كله ارقص
غزلان ضحكت:بس تم
شيماء:رغد العجوز الي جت لج شنو كانت تبي
