#البارت__1
قصه جديده واقعيه وحصريا لكروب قصص جمانه
#قصاص
#البارت الاول
جمانه السعيدي
احب ااكدلكم القصه حقيقيه والبطله شكد راح تنضلم بس رب العالمين بلاخير يجبر خاطره وياخذله القصاص العادل من كل الي يضلموها لذلك سميت القصه قصاص
لمار. مواليد ٩٧ بيضه عيوني كبار لونهن رمادي على زيتوني
لون عيوني كلش حلو ومميز
جسمي تارس بس متناسق شعري اشقر غامق
اني كبرت قبل وقتي
اي كبرت قبل وقتي جسمي جسم أنثى شابه واني عمري
١٢ سنه حتى اجتني الشهريه بهيج عمر واني بلسادس ابتدائي
الي يشوف جسمي يكول عمري اكبر
من بعد ولا دتي امي صار عدها تضخم بلرحم واضطرت
تشيل الرحم وبعد ماصار بعدي اطفال
بابا وماما مزوجين بعد علاقة حب استمرت خمس سنوات
عايشين بمحافظ بغداد
احنا عائله مستقره ولله الحمد
ساكنين بيت وحدنا بيتنا وبيت جدو اهل بابا بنفس الشارع
فرق كم بيت ببنا
بابا عندا اخوان ثنيين واحد مزوج وطالع
والثاني طالب كليه
وعندا اخوات اربعه ثنيين مزوجات وثنيين بعدهن طالبات
بابا موضف بلمصرف وماما موضفه وياا بنفس المكان
بعد زواجهم بسنتين اني نولدت
اني حيل اشبه ماما
ماما جذورها كرديه ملامحه كلش حلوه
اني اشبه ماما بملامحي وجسمي حتى طريقة كلامي وصوتي من كبرت يشبه صوته
من صار عمري خمس سنوات
امي رجعت اتمرضت والتشخيص كان مرض خبيث كفاكم الله الشر
اني بهيج عمر ماكنت اعرف شي عن مرضه بس اعرف هي مريضه وبس
اشوف بابا ضايج وبيت جدووو يجون علينا يطمنون عليه
وخالتي مامفاركتنا ابد
بس مااعرف غير هي مريضه وبس
الصراحه بابا ابد مااستخسر بيه العلاج كان اكبر داعم اله
من الناحيه النفسيه والجسديه
بدت ماما تذبل وخصوصا من اخذت العلاج الكيميائي
وشعرها كان يوكع
وبشرتها صارت صفره
بس اني بعيني ماما نفسه ماتغير ابد
بعمر عشر سنوات فقدت امي وهاي كانت اكبر كارثه حلت علينا
البيت كله انهار بسبب فقدان امي
رغم هي صار فتره طويله تعاني من هذا المرض اكثر من خمس سنوات وهي تعاني من هذا المرض
بس وجوده بلبيت كافي
مجرد موجوده وتتنفس هذا اكبر امان اليه
بابا اكثر واحد انهار عليه يعيط وكامش التابوت ويصرخ لا تعوفيني لا تعوفيني
ماخليت دكتور مااخذتج ولا ابو صيدليه مايعرفوني
حتى اتقرضت فلوس ردت اشتريج بلغالي والرخيص
وتالي ترحين مني ليش ترحين تعاي اكعدي كبالي
تعاي احجي اريد اسمع صوتج
بنتج منو اله مافكرت بيه بنيه ومحتاجتج
الناس كله انجمعت علي ومايقبل يسكت
واني كنت بحظن خالتي وبس اعيط على امي
بعمر عشر سنوات مامقدره شنو الموت
ابد مامتوقعه عافتنا خلص
أنت تقرأ
قصاص
Short Storyبنت تتعرض للظلم من زوجه ابوها وايضاً من زوجها واخو زوجها لكن بالنهاية تعرفون العدالة الإلاهية لازم تنتصر وياخذ الظالم جزاءه
