{ايآ اسمٌ على مُسمى ، جِئتي لتَأخُذي حَقَكِ فَأخَذتِي قَلبِي مَعَه}

البارت الثامن

لا استبيح القراءة بدون لايك ⭕
بسم الله الرحمن الرحيم

فتح الباب رعد ونطق بترحيب : حياك ادخل ادخل
دخلوا للمجلس وجلس سلطان ونطق رعد : وش تشرب
سلطان : مابي شيء اجلس مافي وقت كثير
رعد باستغراب : وقت لوش شفيك سلطان وش صاير ؟
سلطان بهدوء : ماجد ترك لبنته وصية
رعد : وعرفت وش محتواها ؟
سلطان : لا بس الي فهمته من اختي انه شيء يخص حياتها لانه طلب منها قبل ما يموت انها تسامحه لانه دمر حياتها وهالشيء معناه شيء واحد
قاطعه رعد : معناه انه كشف لها السر وورد عرفت الحقيقة
سلطان : بس بنت ماجد ما تعرف شيء عن محتوى الوصية وبكذا بتكون ما عرفت الحقيقة فلازم نحنا نوصل للوصية قبلها عشان نعرف وش هو السر ووش علاقة ابوك وجدك بالموضوع
تنهد رعد بضيق وهو يمسح على وجه بكف يده اليمين ونطق : بس انا عرفت الحقيقة
ناظره سلطان بصدمة ونطق : شلون ؟
رعد بهدوء : عرفت الحقيقة كاملة وما ادري وش بتكون ردة فعل بنت ماجد وقت تعرف
سلطان : كيف عرفت ووش هي الحقيقة
رعد بضيقة وكتمان : عرفت من جدي ( وسرد له كل شيء صار وعرفه من ابوه وجده )

صباح يوم جديد وكئيب على ابطالي ؛؛؛؛

عند ورد الي صحت من بدري تجهزت وكانت بتمشي قبل تصحى سلاف لكن ما حالفها الحظ وقت التفتت على صوت سلاف تناديها باستغراب ونطقت ورد بهدوء ونبرة الحزن والضيق واضحة بصوتها : هلا ، صباح الخير
سلاف ونظرة الاستغراب باقية بعيونها نطقت : صباح النور ، وين رايحة ورد من الصباح كذا
ورد : بروح المستشفى بطمن على امي قلبي مو مرتاح وما قدرت انام من التفكير فيها
سلاف بعتاب : وكذا تروحين بدوني ولا تقولين لي حتى
ورد بهدوء : شفتك تعبانة ونايمة بعمق ما حبيت اصحيك من صباح ربي قلت بروح لوحدي ساعة وبرجع
قامت سلاف من السرير متوجهة للحمام ( يكرم القارئ) نطقت : انتظريني لا تروحين مكان ببدل ملابسي واجيك نروح سوا وانا بطمن عليها معك
ورد : زين يلا استعجلي لا تتأخري
سلاف : ما بتأخر دقايق انتي جهزي لنا كوبين قهوة لين ما اتجهز
هزت راسها ورد بهدوء ونزلت للمطبخ جهزت كوبين قهوة واخذتهم ومشت لناحية الدرج ونادت على سلاف
طلعت سلاف من الغرفة وهي تحط جوالها بشنطتها ونطقت : جيت جيت يلا
ونزلت على الدرج واخذت كوب قهوتها من ورد ومشوا متوجهين للسيارة ركبوا وحركت سلاف الي هي قررت تسوق بسبب وضع ورد وطول الطريق كان الصمت سيد المكان، وبعد ربع ساعة وصلوا للمستشفى وقفت سلاف السيارة بالمواقف ونزلوا ثنتينهم لقسم الاستقبال تأكدوا من غرفة ام ورد ومشوا لها وصلوا باب الغرفة ووقفت ورد اخذت نفس بعمق ودقت الباب دقتين وفتحته بهدوء دخلت و ودخلت وراها سلاف شافت امها نايمة جلست على الكرسي الموجود بجنب السرير وجلست سلاف على الكنب الموجود بالغرفة .
ناظرت ورد امها بحزن وتقدمت لها وهي تمسك بيدها وتقبلها بهدوء وعيونها لمعت بدموعها تحاول تكتم بكائها خوف امها تصحى
حست عليها امها وفتحت عيونها ببطىء ونطقت ببحة صوتها بسبب تعبها : ورد
فزت ورد ونطقت بفرح مخلوط بحزن : هلا يما واخيرا صحيتي
ام ورد بتعب : وش صار وين انا
ورد بحزن : انتي بالمستشفى يما تعبتي ونقلوك للغرفة هنا
نطقت بنبرة مهزوزة : و ابوك ؟
نزلت راسها بحزن وغصة ودموعها اخذت مجراها على خدودها ونطقت : الله يرحمه يما راح الغالي وتركنا
شهقت ام ورد واجهشت بالبكاء على فراق زوجها وابو بنتها وسندها بهالحياة
ضمتها ورد وهي تبكي مع امها وقامت لهم سلاف ودموعها على خدها تحاول تهديهم لكن ما في فايدة الحزن الي بقلبهم كبير وكثير بعد فقدوا سندهم وقوتهم وعزوتهم بالدنيا شلون بيعشوا بدونه ووش بصير بغيابه
دخلت الممرضة ووقت شافت حالتهم طلبت من ورد وسلاف يخرجون واعطت ام ورد ابرة مهدأة لحتى تنام وترتاح لانها باقي تعبانة ومو زين لها الارهاق والبكاء
بخارج الغرفة طلعت الممرضة وهي تتقدم لهم ونطقت بهدوء : يا انسة تفضلي لمكتب الدكتورة ميساء طلبت تشوفك وقت تجين
هزت راسها ورد ونطقت بهدوء : تمام خلينا نروح لها
ومشوا متوجهين لمكتب الدكتورة المسؤولة عن حالة ام ورد وصلوا ودقت الممرضة الباب دقتين وفتحته وقت سمعت الدكتورة تأذن لها بالدخول ونطقت : دكتورة ميساء يعطيكي العافية بنت المريضة سلاف ال .. موجودة هنا وجات مثل ما طلبتي
الدكتورة ميساء : خليها تتفضل
طلعت الممرضة ونادت على ورد ودخلت ورد وصديقتها سلاف للدكتورة ونطقت ورد بهدوء : السلام عليكم
وقفت الدكتورة ونطقت بترحيب : وعليكم السلام اهلا حبيبتي تفضلي ارتاحي
جلسوا جميعهم ونطقت ورد : خير دكتورة طلبتيني امي فيها شيء ؟
الدكتورة ميساء : اطمني حبيبتي امك ما فيها الا كل خير لكن حاليا هي مرهقة ومحتاجة راحة وانا طلبت اشوفك لهالسبب
نطقت سلاف : تفضلي دكتورة نسمعك
الدكتورة ميساء : المريضة سلاف بعد سماع خبر وفاة زوجها ما تحملت وجتها جلطة على القلب
شهقت ورد بخوف ونطقت بصوت مهزوز : كيف ؟
الدكتورة ميساء : لا تخافي امك بخير وعدت مرحلة الخطر هي كانت جلطة خفيفة ولحقنا عليها الحمدلله
تنهدت ورد بارتياح بعد سماع كلام الدكتورة ونطقت بخفوت : الحمدلله ، وهلأ وش راح يصير
الدكتورة ميساء : هلأ امك بحاجة راحة تامة وابعادها عن الحزن والبكاء والانفعالات الي ممكن تتعبها ولهالسبب بخليها هنا يومين ثلاث تحت المراقبة اتأكد من صحتها وبعدها تقدروا تاخذونها للبيت لكن مثل ما قلت لكم ابعدوها عن اي حزن واي انفعال ممكن يتعبها
وقفت ورد ووقفت معها سلاف ونطقت : تمام باذن الله انا بجيها كل يوم واطمن عليها واذا صار اي شيء دقوا عليي وهذا رقمي ( ومدت لها كرتها الي مسجل عليه ارقامها )
اخذته الدكتورة منها ونطقت : ان شاءالله حبيبتي والحمدلله على سلامتها
صافحتها ورد : الله يسلمك ، ويعطيك العافيه
وبدورها سلاف صافحت الدكتورة ونطقت بهدوء : يعطيك العافية دكتورة
نطقت الدكتورة : الله يعافيكم ،مع السلامة
وخرجوا ورد وسلاف من مكتب الدكتورة ومن المستشفى بكبره ركبوا السيارة وتحركوا راجعين للبيت
تنهدت ورد بضيق وناظرتها سلاف ونطقت : وش فيك ورد امك الحمدلله بخير ويومين وبترجع بتنور بيتكم
ورد بهدوء : باقي يومين لعزاء ابوي وانا للحين موب مستوعبة انه خلاص تركنا وراح مدري وش بسوي بدونه
ناظرتها سلاف لثواني ورجعت نظرها للطريق ونطقت بتساؤل : ورد ، في سؤال شاغلني وابي اجابة له
نطقت سلاف بهدوء : وش هو اسألي
سلاف بهدوء : القضية حقت ابوك بتكملينها او توقفينها
ورد بغصة : لا بوقفها وش ابي فيها طالما صاحب القضية مات
سلاف باستنكار : بس احنا تقريبا قربنا نكشف الحقيقة و ابوك ترك لك وصية يمكن تكون طرف خيط ونوصل للحقيقة من خلالها
ورد بهدوء : مابي لا وصية ولا غيرها خلاص هذاني اشتغل والحمدلله الراتب حلو يكفيني اعيش انا وامي بسلام ومابي شيء من احد يكفيني الي خسرته
سلاف بنرفزة من كلام ورد : ورد لا تجنين ابوك ما ترك لك الوصية من عبث اكيد في وراها شيء ولازم نعرفه لاني سمعت انه السيد رعد باقي يدور ورا السالفة ويبي يكشف الحقيقة وما استبعد انه اكتشفها بعد
ناظرتها ورد باستنكار : انتي وش عرفك ، وليش اصلا السيد رعد يدور ورا القضية وهي ما تخصه ؟
وقفت سلاف السيارة على باب البيت ونطقت قبل تفتح الباب وتنزل : كيف وش دخله ورد نسيتي انه ابوه وجده لهم علاقة بموضوع ابوك يعني اكيد بدور ويعرف الحقيقة ( ونزلت من السيارة وقفلت الباب ومشت باتجاه البيت وهي عارفة انه كلامها اثر على ورد وبخليها تفتح الوصية )
اما ورد الي ناظرتها بشرود وهي تفكر بكلامها لثواني وبعدها حركت راسها بمحاولة تنفض الافكار الي جتها ونزلت من السيارة متوجهة للبيت تجهز البيت لاستقبال المعزيين بثاني ايام العزاء وتركت التفكير لبعد العزاء .

انتهى 💛
وش رأيكم بالبارت 🤗
ووش توقعاتكم للأحداث الجاية 🤔
لا تنسوا التصويت يحلوين 🌟 💛