قدر مراهقة 2

الجزء 54

#قدر_مراهقة2
#ميرال_مجد
#بقلم_فريال
الجزء 54
دخلنا لقينا دار معبية لافامي تاع بابا لقراب كامل لتم انا زدت خلعت كثر وكثر كي فت على الكوزينة ولقيتها معمرة بلماعن ويطيبو كيما في وفاة ماما بقيت ندور ونحوس على بابا ونعيط بابا وينك وين روحت انا نعيط حتى خرجت عمتي ام هند وش من حطة وش من ذهب وشعر صفراتو والمكياج طابلو ولابسة وعادلة ضرسة لعقل تبان جات لعندي قالتلي نقصي صوتك ضياف يسمعو متبخصيش بينا _ وش من ضياف وينو بابا وعلاش راكم تطبخو تقول وفاة _ بعيد الشر ماتت ماماك بزايد ربي يحفظنا ويطول في عمرنا حنا وجهنا تاع فرح وعراس مش تاع موت كيف لافامي تاع مك_ عمتي لحد الان راني محتارماتك متخلينيش نغلط فيك وينو بابا _ مكانش هنا ذوك شوي هكا يجي_ راح لسبيطار شبيه _ راح للبلدية يعقد مش لسبيطار شبيك تفاولي عليه بالمرض بعيد الشر على خويا ربي يحفظو ويطول في عمرو ونفرحو بولادو الي راح يجيبهم من مرتو جديدة، مرتو راح يعقد ولاد يفرح الكلمات هذو بقاو يتعاودو في راسي صدمتني تاع صح لوكان مانطقش وائل وعيط عليها راني طحت دخت من الصدمة مافهمت والو مش حابة نصدقها علبالي تحب لمشاكل وتخرب العلاقات ومن جيهة تانية نخمم وش هدفها من لكذب بقيت بين وبين. قالها وائل احتارمي روحك ومتبدايش تتبلاي وتشعلي في نار واذا راح تبقاي هكا ارفدي روحك وقودي من دارنا العبد الي ميحتارمش ماما مايشرفناش يبقى في دارها _ كانت دارها وذوك دار مرت خويا الجديدة ويماك راهي تتشوط فلقبر ودار هذي تاع خويا ومرتو وباش نخرج منها مستحيل جيت نحضر عرس خويا _ بزايد من لعب لخامج تاعك وسكتينا يجي بابا يتفاهم معاك، ناض يعيط حتى جات جداتي وعماماتي ونسا عمومي تلمو كي شافونا وجهم تبدل كي شغل حشمو وخافو تاني جداتي قربت لينا قالتلنا خير ماجابكم قولتلها انا كيفاه هذي خير ماجابنا دارنا تبالي نجيو وقت مانحبو _ لا مفهمتونيش ياك كنتو عند جداتكم وناوين تباتو كي شفتكم هنا تشوكيت _ وينو بابا _ مكانش هنا راح _ وكتاه يروح _ ميروحش ليوم غير ارجعو لجداتكم خير _ راكي تحاوزي فينا هو ميروحش ونتوما قاعدين هنا وفوقها مدايرين وليمة مع بعض وبناتك لابسين وعادلين تقول عرس _ مكان والو تعرفيهم ديما يعدلو _ منيش طفلة صغيرة يا تحكيلي يانقلبها على راسكم _ بنتي مكان والو روحو برك، عيط عليهم خليل هذا اعقل واحد فينا قليل وين يطرطق قالها ياتحكولنا ياتقودو من دارنا ماما ماعندهاش حتى 20يوم ملي ماتت ونتوما متلمين هنا تشايخو وتتضاحكو وفوقها بنتك تسب فيها حابين تتلمو كاينة دار باباكم احتارمو الميت شوي قالتلو ام هند نهار تكون دارك وحاوزنا هذي دار خويا نبقاو فيها ليوم وغدوا وذوك تزوج نتوما الي تقودو منا وتخرجو من دار لانو مرتو متبغيش زيادة.
#فريال