قدر مراهقة 2

الجزء 57

#قدر_مراهقة2
#ميرال_مجد
#بقلم_فريال
الجزء 57
نطقت الكلبة ام هند قالتلو خص غير تحللهم تبوسلهم يديهم انت الي ولدتهم ولا هوما تزوجت ياك على سنة الله ورسوله مادرت لا حرام لا والو بغاو يتقبلو ولا يقودو _ انت بلعي محكيتش معاك حكيت مع بابا ابقاي بعيدة خير مانغلط فيك _ قربي تراه نشوفو وش ديري تحطي يدك عليا نشكي بيك _ مانوسخش يديا بلخماج نخلي ربي يتولاك لانو الضرب مايفيدش لوكان جا فيه لفايدة راهو لحمار تعقل ورجع مسڨم _ قصدك انت حمارة _ حاشا الحمار وخير منك _ رشيد راك تسمع وش راهي تقول بنتك عليا وانت ساكت ماقولت والو لدرجة هذي ولادك عاقدين عليك وانت تخافهم وهذو يزيدو شوي يتحكمو فيك ومايحشموش وش تربية هذي _ اترباي انت بزاف عليك بنت الكلبة، عيط عليا بابا قالي عيب وش لهدرة هذي جداتك متنسايش _ مانسيتش بصح هوما خلاوني نسبهم لانو مش متربين قالتلو يماه شت اوليدي كيفاه تقول عليا مش متربية على اخر عمري تسبني حفيدتي _ اطلبي سماح منها _ وتنوض يما من لقبر مانطلب سماح منهم وهيا قولي تزوجت ولا لا باش نعرف وش ندير _ وش راح ديري يا لالة _ ندير الي لازم يتندار، انا نحكي معاه وهذوك يحرشو فيه مهيش محتارماتك وقليلة تربية وطيحت بيك قدامنا وبلافامي تاعك ولازم تعاودلها تربية وووو. هوما كلمة وانا كلمة حتى قلقوه وكي شغل تقاس وسطهم كي مابغيتش نسكت  عيط وقالي تزوجت هيه تزوجت ومش عاجبك هاهو لحيط اخبطي راسك فيه لوكتاه نبقى نساعف فيك ونعلمك انت ماتتربايش ماتحشميش على روحك ماتنسايش بلي انا باباك ولازم عليك تحتارميني فهمتي. بقى يعيط وينوضلو وائل وخليل مام اسيل وقالتلو علاه عليك ماما معندهاش بزاف ملي ماتت وانت تزوجت عليها تهدر وتبكي اصلا هي عاقلة كلمة وقص متعرفش دافع على روحها مش كيفي نخلط ونسب ونجيب حقي يالوكان من فم السبع، وائل قالو تتهنى بيها ومن ليوم انسى ولادك مام خليل قالو نفس لكلام انا بقيت نعاود في كلامو ايه تزوجت تزوجت يعني صاي راحت بلاصة ماما وشكون داها صاحبتها الي دخلتها لدارها وكانت حاطتها كيف ختها وخانتها ودات راجلها بصح مانلومش لمرا هي برانية نلوم بابا الي خان لعشرة ومصبرش وجاب مرا لدارو فأول فرصة لقاها تزوج لانو بكل بساطة راجل مهوش كيف لمرا مايقدرش يصبر نهار يدفن مرتو برك يبدا يحوس على مرا جديدة على عكس لمرا تبقى وفية ليه طول حياتها تربي ولادها وتعيش معاهم ومجتمعنا عندو دور في الموضوع ديما واقف مع راجل ظالم او مظلوم اذا تزوج على مرتو يقولولو عادي اذا طلق يقولو عادي اذا ماتت مرتو وتزوج بعدها بمدة قصيرة يقولو عادي وميقدرش ومحتاج مرا بصح لوكان لمرا تتزوج وتطلق يقولو عيب وحرام ويحطو فيها لعيوب السبعة واذا مات راجلها وعاودت زواج لتم يردوها هجالة ومتسواش وخلي وخلي.
#فريال