قدر مراهقة 2

الجزء 58

#قدر_مراهقة2
#ميرال_مجد
#بقلم_فريال
الجزء 58
قولتلو تزوجت ياك ودرتو لعشا على جال هاذ الشي ايه معليش معليش مبروك عليكم، روحت للكوزينة وش لقيت فيها كامل قلبتو هزيت الملح ولحتو في المرڨة وقلبتها الي نرفدها نخبطها لحقوني كامل يتفرجو بصح ماقدروش يحبسوني لانو خرجت من عقلي نرفد ونكسر الكوزينة رجعت زبالة لماكلة في لرض ولماعن مكسرين هبطت كلش ماخليت حتى حاجة تصلح (ربي يغفرلي لوقت هذاك كنت قلقانة وسيحت الماكلة ناس مشتاقة طرف خبز وانا سيحت ماكلة توكل عرش)، كي كملت جيت خارجة شدني بابا من يدي ونطير فيه بعد عليا ماتقيسنيش هاهي ليك مرتك تنفعك وهاهم خواتاتك ويماك ينفعوك ياك تزوجت صاي بعد عليا ودرت لخواتاتو قولتلهم وكيلكم ربي كيما زوجتوه ان شاء الله يتزوجو رجالكم عليكم وتتفركت داركم وتتفضحو في وسط الناس وماتلقاو الي يوقف معاكم تعياو ترفدو ريوسكم وسط ناس هاه زوجوتوه ابردو ذوك. جات لالة رافدة واحد لباطة كانت تحط فيها ماما ذهب تاعها وتقدمت لهاجر قالتلها هاكي ذهب تاع عرسك تلبسيهم بالصحة ولهنا ماجات تمدهولها خطفاتو اسيل من يدها وقالتلها تحبي تمديلها كادوات اضربي جيبك مش تقيسي حوايج ماما _ ماماك ماتت وراهي تحت تراب وذهب خويا شراه ومن حق مرتو ثانية واحد مايدخل قولتلها شراه بنعيك كلو تاع ماما ومتناسيش كانت بخدمتها ولباس عليها ماتستناش راجلها يشريلها وتنذل كيفك وكيف امثالك _ ننذل عند راجلي ولا نبقى طالعة هابطة لق*** كل يوم كيف مك _ مك هي الق*** الكبيرة الي جابت رخاس كيفكم يا لكلاب ربي يجيبهالكم وان شاء الله تخرج فيكم دموعنا كيما بكيتونا وماخليتوناش نحزنو على يمانا ودمرتولنا عايلتنا يجيكم نهار وين تدمرو كامل وانا وقتها نستشفى فيكم ونزغرت تاني كيما زغرتو ذوك كي دخل خوك لمرا على ماما ماحتارم لا لعشرة لا والو المهم يلبي رغباتو و..  عيط عليا بابا قالي احشمي على روحك مانيش صاحبك انا علبالي قلقتي ومقهورة وكلش وانا غلطت كي ماخبرتكمش كان لازم عليا نشاوركم ونقولكم بصح ظروفي ماسمحتليش بصح هذا مايعنيش بلي عندك لحق تقللي من احترامي وطيحي بقيمتي قدام ناس _ قول ماصبرتش وتزوجت 20يوم دخلت مرا جديدة لوكان غير ستنيت تفوت الربعين واتزوج على روحك مش بطريقة هذي زي الملهوف المكبوت، ماكملتش كلامي وخبطني بكف سكت وهبطو دموعي بابا ماهوش موالف يضربني ولمرة هذي ضربني وعلى جال شكون على جال مرتو وقدام خواتاتو خلاهم كامل يستشفاو فيا من دقيقة هذيك كرهت بابا وعايلتو وحقدت عليهم ويموتو قدامي مانحن عليهم مانشوف فيهم.
#فريال