قدر مراهقة 2

الجزء 59

#قدر_مراهقة2
#ميرال_مجد
#بقلم_فريال
الجزء 59
جا وائل وحضني هو وخليل وعيطو عليه قالولو علاه تضرب فيها وش دارتلك ولا كي كشفناك رجعت علينا هاهم خواتاتك دارو لعرس وسبو مرتك ماقولت والو وكي جات فينا نضت تعرض وتخلط دار ليا وائل قالي هيا معايا مابقات عندنا معيشة هنا من يوم راحت ماما صاي دار هذي ماولاتش تاعنا ليوم زدنا تيمتنا ومات بابانا خليه يقعد مع خواتاتو ينفعوه. سكت ماقالنا والو ظار لخواتاتو حاوزهم وسبهم قالهم شكون قالكم ادخلو لداري وديرو لعشا وعيطولهم ماتحشموش هاه عجبكم لحال ولادي كرهوني وتفركتت داري الله لاتربحكم عمتي صغيرة قالتلو مش حنا جينا وحدنا هاهي (قصدها ام هند مش حابة نذكر اسمها كرهتها كره اعمى) هي عيطتلنا وقالتلنا رشيد وصاكم ديرولو عشا واروحو كامل وحنا جينا دار ليها قالها من ليوم ماكي ختي ماني خوك داري تحرم عليك الي يوم دين منحتاجش وحدة كيفك تكون ختي برا عليا _ ايه ياخويا تحاوز فيا على جال ولادك هاه رخسوك قدامنا وانت ماقولت والو ايه تعيا تجي نادم وتحلل فيا وانا وقتها نسمحلك قلبي بيض مش كيفهم من اول موقف كرهوك وتخلاو عليك. تفركتو كامل بقينا حنا وجداتي وبناتها وام هند بلا كرامة لباقي راحو(نسا عمومي وعمومي وخالتهم وعماتهم) شوفو في بابا وهاجر الي مهبطة راسها وتبكي انا ماقدرت نقولها والو اصلا هي غريبة علينا بابا تزوج وكان معول من لول لوكان ماداهاش هي يدي غيرها الذنب ذنبو هو الي خان لعشرة، رنيم واسراء راحو يلمو قشهم بابا عيا يحاول فيهم ماقبلوش قالولو دار هذي مش تاعنا كل واحد في حدو تتهنى بمرتك انا نلي ضربني وانا نفور من داخل نار شاعلة فيا وذنيا يصفرو وعينيا تضببو ويديا يرجفو وحدهم كي جينا خارجين عيطنا لريتال باش تروح معانا نطقت الزبلة هذيك قالتلها تروحي معاهم يضربوك ويبعدوك على باباك ويرجع يكرهك واقعدي معاه هو خير هوما مش ملاح واذا روحتي معاهم يكرهك باباك هي هنا ناضت تبكي وتقولها بابا تاعي وميخلينيش كيف ماما وراحت حضناتو (ملي كانت هي مقربة لبابا بزاف وبعد موت ماما تقربت منو اكثر واكثر ماتحبش تبعد عليه) عينا فيها هيا هيا مابغاتش بابا دار لعندنا طلب سماح وقالي مقصديش نضربك والله جات غلطة واسمحيلي قولتلو وزواجك تاني غلطة سكت ماقال والو قولتلو من ليوم بابا مات، قولت كلامي وخرجت نكركر في رجليا كلش فيا يرجف حاسة روحي راح تخرج نمشي بالسيف حابة نهرب من دار هذي ونبعد على كلش يتعلق بيها مع وصلت للوطو تاع مجد حسيت بوذنيا يصفرو ورجليا ثقالو عليا وطرطقت بالدم من نيفي ووذنيا ومن لتحت تاني مافهمتش وش صرالي كل الي شافية عليه اني طحت فلرض وجا خليل عندي هو ومجد يتجاراو كي شافوني منتحركش رفدوني لسبيطار كنت فالوعي ولاوعي نسمع بصح منقدرش نشوف مليح ومنقدرش نتحرك دعيت من قلبي في لحظة هذيك قولت ياربي اذا راح تزيد تختابرني كثر من هك ادي روحي وهنيني اني عيت مانقدرش نتصدم كثر من هك قلبي طاب خسرت ماما وزدت بابا منيش حابة نبقى وحدي اديني وريحني، انا تمنيت ودعيت وكان للقدر رأي اخر وكانت هذيك بداية معاناتي والي جاي اصعب.
#فريال