" أحـــفاد الشـيـــخ علـــي "

Part (9)🔞

Part (9)....

وصل نجم عالشركه ليفوت وعم يطلع عالموظفين الي بيرحبوا بجيتوا..
كان عم يباشر الكل بابتسامات منو ويرد السلام بسلام والتحيه بتحيه كمان..

شب مهضوم اكتير وحلاوه، وكمان طيب وخلوق، ومابياذي حدا، لهيك كلن عم يحبوه ويحترموه اكتير...

طلع عالمكتب وهو عم يشوف نرمين الي كانت عم تحكي للموظفات عالاعلان الجديد الي راح يصير وهيك من امور الشغل الي اتعلمتهن من نجم قبل فترة طويله.

ابتسم نجم ليفوت لجوا الاوضة وواقف عم يطلع فيها وذايب بالحكي تبعها..
وهي عم تشرح الهن عالسبورة بابتسامه حلو منها..
وقتها شافها تحط القلم وبتلف لعندهن..
خد حالوا بسرعه مشان يفل برا الوضه،
وعم يسمعها تودعهن...
ضلوا عم ينطر لحتى فل الكل..
وفوت راسوا بشويش ليشوفها عم تساوي شنتايتها ومو منتبه عليه بالمره..

خد حالوا وفات لعندها، وهي عم بتلف بحالها مشان ترجع عالمكتب، شافتوا قدامها ..
وقتها وقعت الشنتايه تبعها عالارض وعيونها اتوسعوا اكتير والخجل بين عخدودها متل البندوره بالضبط..

نجم ابتسم وعم ياخد الشنتايه من الارض، كانت عم تطلع فيه وقلبها عم ينبض اكتير..
نجم حط الشنطه عالطاولة، ليروح عيداتها وعم يلمسهم مشان يعطي كل وحده منهم بوسه صغيرة من تموا..
اخجلها اكتير لتروح بوشها عالارض..
نجم : نرمين فينا نحكي بشي مطرح!!
نرمين تركت ايدوا وبدها تمشي..
معايا شغل ولـ
نجم وقف قدامها، لتخبط هي بصدروا، ارتجفت اكتير ووشها اتلون، بلشت ترفع عيونها لعندوا، وهو عم يعطيها ابتسامه واسعه..

بعدت عنوا وعم تحط شعراتها وراء اذنها : بعتذر.
نجم طلع علبه حمراء من جيبتوا..
لتشوفوا عم يفرجيها الخاتم وبيحكي :
نرمين تتجوزيني!!
نرمين اطلعت فيه وقلبها عم يدق يشكل مو طبيعي، حست باحساس غريب مو قادره توصفه، ومافي حكي راح يوصف احساسها..
نجم : بعرف يمكن غيابي بعد الي صار ازعجك اكتير، ومابعرف شلون شفتيني وقتها، بس انا على طول عم فكر فيكي، وكمان عم يحكوا اني لازم اتجوز لهيك انتي الي بدي ياه تكون نصيبي ..

نرمين حست انو الفراغ الي جوات قلبها امتلئ، نجم الي تحلم بيه كل صبيه، عم يتقدم الها هلى، عم يطلبها لزواج..

نجم وصار متلبك اكتير :
نرمين اذا انتي مابدك ماراح اغصبك عشىء، لاني ماحب هالـ
قاطعتوا لتمد يدها لعندوا وبدها يلبسها الخاتم..
نجم الارض ماوسعتوا وقتها.
ابتسم لياخد الخاتم وعم يمسك يدها وعم يحطوا عصباعها..

خلص وعم يبوس يدها : اوعدك راح اساوي كل شىء مشان اخليكي اسعد صبيه بهالعالم..
ابتسمت بسعاده لتاخدوا بالحضن وعم تضموا بقوة، نجم بادلها الشىء نفسوا وكانوا صار يملك كل العالم وهي بين ايديه.

________________________

سهر كانت قاعده عالسرير جمب الشباك، وعم تتصفن عرقم بلال، وكل ماتقرر تحكي معوا، كان الخوف عم يخليها تلغي قرارها وهيك ضلت اكتير..