ما لم يكُن بالحِسبان

البارت الثالث

#ما_لم_يكن_بالحسبان

بقلمي:لوزة علي

لا تنسون متابعة الحساب والتصويت احبكم لوزاوياتي💝

Insta:2loza_ali8

★★★★★★★★★★★★★★★★★★★

‏بيني وبين نفسي شكد أفكر بيك وأكول:
اشمعنى انتَ الشاغل اضنوني مو اول عشك خاطر تشل الحال ولا اول جمال أتشوفك عيوني شجاها الروح يمك ذبت الاسرار وليش !
ارجف عليك وينخطف لوني....❤️‍🩹

★★★★★★★★★★★★★★★★★★★

<{آمنة}>

دخل علي للغرفة أول ماركز عيونة على زهراءالي
خربانة
من الضحك وشفتة من شافهه شلون عيونة دمعت
وادينة صارن يرجفن،شوية وما نحس غير علي عافنة
وطلع يركض وعيونة تلمع بالدموع

ام علي: يمةة آمنة روحي شوفي أخيج شبي ليش
هيج وجهه صار أصفر وملامحة تغيرت خاف تمرض

آمنة: آني أعرف شبي بس غلست اخوية واعرفة شگد
يحب زهراء الي أصلا هية ما منتبهه الوجودة وهوة
شلون يعشق كلشي يخصهه من چانت صغيرة لحد الآن
و نضراتة كلهه حب وعشق بس هية ماكو ولا مهتمتلة
مرات أگول معقولة ماتنتبهلة لو تغشم بنفسهه لان
صار حبة مفضوح ،صفنت عليهه وجهه صار أصفر من شافتة
معقولة بلشت تحبة لو آني غلطانة!،رحت ركض ورا
شفتة يريد يطلع من البيت

آمنة: علي علي شبيك ليش طلعت هاي عمتي سئلت
عليك ليش ماسلمت عليهه عيب، شفتة شلون يحاول
يمسح دموعة بس عيونة الي صايرات حمر فاضحاتة

علي:سلميلي عليهه آني طالع يم جماعتي

آمنة: عطت بي متحملت أشوفة شلون يتهرب منهه
دائماً ويحاول يخفي مشاعرة، علي يعني إلى متى تبقى
هيچ تتهرب منهه تحبهه؟ متگللهه ليش ساكت يجوز
تبادلك بمشاعرهه أنتة ماتعرفهه شگد خجولة انتة
أخوية
وآني اعرفك شلون تموت عليهه ليش تسوي بنفسك
هيچ وتأذي روحك

علي: بدموع...ولج يا أگللهه ما تشوفيهه أول ما تشوفني
تتهرب مني وحتى منتبه عليهه مترتاح بوجودي ودائما
تحاول تكون بعيدة عني وحجيهه كلة خوية يا حب
هذا الي تحجين عنة هية ماتريدني وآني جاي احاول
انساهه آمنة شلون بية احس روحي معلگة بروحهه
ما أتخيل اعيش وية غيرهه لو هية تتزوج غيري وعلي
أموت بدونهه آني

آمنة: من شفتة شلون يبچي عليهه ما يحتاج يحجي
شي عيونة تسولف حبة الهه گمت أبچي ويا،
لا تبچي
علي ما يهون علية أشوف دموعك بلكي ربي
يهديهه
وتحبك تلگة احسن منك بعد شو عسكري وصاك
وعندك
فلوس وتحبهه بعد شتريد الحجي بيناتنة لو آني بمكانهه
مو بس احبك ابيع عشيرتي علمودك، تقصدت
احجي هيج حتى اضحكة