قدر مراهقة 2

الجزء 63

#قدر_مراهقة2
#ميرال_مجد
#بقلم_فريال
الجزء 63
اااا انا فتو بسنوات ضوئية تزيد دور بيا نتعرالك _ مذابيا تتعراي وتخليني نتمتع اني شايح عندي بزاف _ ناعل راستك هذاك فاش تخمم عيب احشم شوي _ مانحشم ماوالو ياك صاي طاح الفاس في الراس ودرنا الي يتندار وطريق تسرحت صاي مابقات حشمة _هذيك في دارنا مش هنا دنيا معبية بالملهط _ كيما شكون مثلا _ كيما راس الجاجة الي شعرها حارقاتو بالصبغات مبقاش ويطير كلش فيها معاود _ راني نشم ريحة لغيرة _ ريحة زبل ماشي لغيرة امشي خليني متقلقنيش _ مادرتلك والو مزال كي نروحو لدار وندير _ دير مع الكلبة هذيك صاحبتك وجه لخلا _ لوكان عيني فيها راني ديتها من زمان منستناكش انت تقوليلي عليها يا صغرونتي الغيارة صاي فضحتي روحك _ كي منغيرش على صوالحي على واش نغير امالا هاه قولي انت تاعي تشوف فيك وحدة نثقبلها عينيها نسودلها معيشتها نخليها تتعقد من الرجال تشوفهم تبدل الطريق وتهرب _ ايييه مليح هاني نشوف ميرال لقديمة رجعت _ ايه رجعت وبقوة تاني عسو رواحكم لا نقضي عليكم _ ونهون عليك _ لا منقدرش نقيسك انت حاليا عندي ناس في مخي ناوية على نهايتهم _ اووو مليح راكي مخططة وواجدة ڨاع _ اكيييد ماتخافش قادرة عليهم ونجيب حقي كامل مكمل _ ارتاحي من بعد ساهل لحال، قرب باسني وقعد يمسح على راسي حتى نسمع فلعياط برا انا تبسمت عرفتها لالة راس لجاجة لصقت هو كان في بالو كاش عركة ولا واحد مات واهلو يندبو بصح ماحطهاش صديقة الطفولة منتوفة ومبهدلة. قالي نخرج نشوف وش كاين ونجي باينة لحالة مخلطة الصوت مابغاش يحبس وكل مالو يزيد _ ايه روح شوف وارجع احكيلي كيما راك عارف منقدرش نتحرك ونمشي مزالني موجوعة بالسيف مانوقف _ ارتاحي انت ماتخرجيش انا نروح. خرج يشوف وش كاين وانا لحقتو نجري الي يشوفني مايقول راني مريضة ولا رجعت من لموت المهم عندي نشوف وش كاين ونعرف نتيجة اللصقة هذيك اذا مضمونة نديرلهم اشهار زي المؤثرات هههه. كيما توقعت لقيت لالة لاصقة وكي جبدوها شوي كار شعرها وطابلية تقطعت توخذت وصاي تبكي وتعيط يديها لاصقين فلورق هذوك حالتها مانتمناهاش لعدوي بصح هي تستاهل دارت براجلي ودات عقابها مع انو كان عقاب صغرون تحمد ربي ليل ونهار اني كنت مريضة تالي نعجب فيها. رفدت تليفوني وصورتها ورجعت تسرسبت لشومبرتي نمشي ونضحك عيت نسكت اوووب نلقى مجد ورايا ويتخنزر قالي كنت عارف ومتأكد بلي انت وراها ومستحيل تفوتيها على خير وخرجت صح وش داك لطفلة حرام عليك وش درتي فيها _ لا حرام لاوالو هي تستاهل حاسبة روحها حاجة طاحت فيا نعصرلها القارص في عينيا ونعميها لا لقارص ميضرش نجيب الفلفل الاحمر لحار وندكولها من لتحت فالحفرة تاعها ونكثر علبالي الحالة عريضة وموخذة _ استغفر الله العلي العظيم وش راكي تخلطي فوتي فوتي قدامي ذوك نشوف طبيبة تاعك اذا تقبل نخرجك ليوم والله ماتزيدي ليلة هنا انت واعرة يغفلو عليك تسلخيهم كامل _ حشمتني بزاف هذا ماذوقك الراقي ياحبيبي شت مرتك قد اللسان قد الفعل مانحكيش في الفارغ الي نحطها في راسي نديرها _ايه شاطرة.
#فريال