نائل: سيرين صافي,(كيشوف فيها بعيون حزينة) دابا غاتمشي للدار وغاترتاحي كيف هي كاترتاح دابا, وغدا إن شاء الله غانجيو صافي تافقنا
سيرين: واخا خويا,(شداتليه يديه) ولكن خليلي سديم عافاك بغيتها تبات معاي اليوم
نائل:(شاف فزيد اللي غادي يوصلها وهو يعطيه سديم) تهلا فيهم
زيد:(حرك ليه راسو ومشا مرافقها للباب, حتا سمعو جنة وجمانة اللي كايعييطو) جنة؟؟ جمانة؟؟
جنة:(بحشمة) خالي غانباتو مع سيرين اليوم مايمكنش نخليوها بوحدها
زيد:(ابتاسم ليهم) واخا, يالله طلعو أنا نوصلكم
ياسر:(نقز) غيل خلي حنا نتبعوك بالموطور, احم أنا غانوصل جمانة وعدنان يوصل جنة غيل سير
زيد:(صغر فيه عينيه لكن مابغاش يحكر) صافي يالله وغيل بشوي...
تبعو الدراري زيد اللي كان كايسوق بالمهل حتا وصلو قدام الدار وهوما ينزلو, حييد ياسر الكاسك على كمارة جمانة اللي كانت كاتبلقق فعينيها وهو مخنزر فيها
زيد:(غووت مناديهم) دخلو نتوما من البرد
ياسر:(جرها قدامو بعصبية) دوزي نتي قدامي..
عدنان:(خرج فيه عينيه) غيل بشوي أياسر, والله كون يعيق بينا زيد تانمشيو فيها
ياسر: ايوا هي إيلا سكتي ودخلتي نيت, رباعة الشلاهبيات..
جنة:(مييقات فيها وهي تشد ختها مدخلاها من داك البرد) إيوا الله يعميها لشي وحدين..
ياسر:(حتا قربو حدا الباب وهو يعكلها باش تسكت)
زيد:(عايق بيهم) البنات طلعو للفوق عند سيرين غاتنعسو معاها, ونتوما تبعوني يالله
عدنان:(باستغراب) الخال, ماناويش تمشي للدار؟؟
زيد:(بتخنزيرة) الوقت مشا ومايمكنش نخلي البنات وحدهم هاكا علاش كاملين غانباتو هنا
سيرين:(شدات فذراعو) زيد أجي معاي دقيقة عافاك..
زيد:(شاف فيهم كاملين وهو يطلع مع سيرين وسديم ناعسة بين حضنو, حتا وصلو للبيت)
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
أنت تقرأ
السعادة قسمة ونصيب❤️🥺
عاطفيةالشوق أضرم خافق الكلمِ ... فذوى فؤاد الشعر بالألمِ... البعد زاد الحزن في كبدي... و غيابكم أدى إلى عدمي... فَقلوبنا اشتدت مواجعها... و مراكب الأشواق كالحممِ... أو...
